Left Handers: క్రికెట్ హిస్టరీలోనే ఆల్-టైమ్ బెస్ట్ లెఫ్ట్ హ్యాండ్ ఎలెవెన్.. ఈ టీంను ఓడించడం ఎవరి తరం కాదు
ఎడమచేతి వాటం బ్యాటర్లు క్రీజులో ఉంటే ప్రత్యర్థి బౌలర్ల లైన్ అండ్ లెంగ్త్ దెబ్బతింటుంది. ఈ ఆల్-టైమ్ టీమ్కు ఆస్ట్రేలియా దిగ్గజం మ్యాథ్యూ హేడెన్, శ్రీలంక లజెండ్ సనాత్ జయసూర్య ఓపెనర్లుగా ఎంపికయ్యారు. ఆరు అడుగుల రెండంగుళాల పొడవుండే హేడెన్ ప్రత్యర్థి బౌలర్లపై విరుచుకుపడుతూ అంతర్జాతీయ కెరీర్లో 15,000 పైగా పరుగులు సాధించాడు.
Updated on: Aug 16, 2026 | 1:53 PM
Left Handers: ఇటీవల అంతర్జాతీయ లెఫ్ట్ హ్యాండర్స్ డే సందర్భంగా క్రికెట్ ప్రపంచాన్ని శాసించిన ఆల్-టైమ్ లెఫ్ట్ హ్యాండ్ ఆటగాళ్లతో కూడిన డ్రీమ్ ఎలెవెన్ జట్టును ప్రకటించారు. ప్రపంచవ్యాప్తంగా దాదాపు పది శాతం మంది మాత్రమే లెఫ్ట్ హ్యాండ్ కలిగి ఉండగా, క్రికెట్ మైదానంలో మాత్రం ఈ విధ్వంసకర వీరులు చూపిన ప్రభావం అతీతమైనది.
ఓపెనింగ్లో విధ్వంసకర వీరులు
ఎడమచేతి వాటం బ్యాటర్లు క్రీజులో ఉంటే ప్రత్యర్థి బౌలర్ల లైన్ అండ్ లెంగ్త్ దెబ్బతింటుంది. ఈ ఆల్-టైమ్ టీమ్కు ఆస్ట్రేలియా దిగ్గజం మ్యాథ్యూ హేడెన్, శ్రీలంక లజెండ్ సనాత్ జయసూర్య ఓపెనర్లుగా ఎంపికయ్యారు. ఆరు అడుగుల రెండంగుళాల పొడవుండే హేడెన్ ప్రత్యర్థి బౌలర్లపై విరుచుకుపడుతూ అంతర్జాతీయ కెరీర్లో 15,000 పైగా పరుగులు సాధించాడు. మరోవైపు వన్డేల్లో పవర్ ప్లేల స్వరూపాన్నే మార్చివేసిన జయసూర్య 13,430 పరుగులు చేయడమే కాకుండా, తన ఎడమచేతి స్పిన్తో 300 కి పైగా వికెట్లు పడగొట్టి గొప్ప ఆల్రౌండర్గా నిలిచాడు.
మిడిలార్డర్లో క్లాస్.. మాస్ కాంబినేషన్
మూడో స్థానంలో శ్రీలంక దిగ్గజం కుమార సంగక్కర ఎంపికయ్యాడు. బ్యాటింగ్లో అద్భుతమైన టెక్నిక్స్ తో అంతర్జాతీయ మైదానాల్లో వేల పరుగులు సాధించాడు. నాలుగో స్థానంలో వెస్టిండీస్ దిగ్గజం బ్రయాన్ లారా నిలిచాడు. ఎంతటి కొండంత లక్ష్యాన్నైనా, అత్యుత్తమ బౌలింగ్ ఎటాక్నైనా తన టైమింగ్తో చీల్చిచెండాడే లారా ఖాతాలో అనేక రికార్డులు ఉన్నాయి. ఐదో స్థానంలో భారత విధ్వంసకర ఆల్రౌండర్ యుstyle సింగ్ చోటు దక్కించుకున్నాడు. ప్రపంచకప్ టోర్నీల్లో భారత్కు చారిత్రక విజయాలు అందించిన యువీ, తన సిక్సర్ల వర్షంతో మ్యాచ్ గమనాన్ని మార్చడంలో సిద్ధహస్తుడు.
వికెట్ కీపర్, ఆల్రౌండర్ల దండయాత్ర
ఆరో స్థానంలో ఆస్ట్రేలియా వికెట్ కీపర్ బ్యాటర్ ఆడమ్ గిల్క్రిస్ట్ నిలిచాడు. వికెట్ల వెనుక మెరుపు లాంటి కీపింగ్, క్రీజులోకి వస్తే బౌలర్లకు చుక్కలు చూపించే బ్యాటింగ్తో గిల్క్రిస్ట్ ప్రపంచకప్ విజయాల్లో కీలక పాత్ర పోషించాడు. ఏడో స్థానంలో భారత ఆల్రౌండర్ రవీంద్ర జడేజా ఎంపికయ్యాడు. అద్భుతమైన స్పిన్ బౌలింగ్, లోయర్ ఆర్డర్లో విలువైన బ్యాటింగ్, ప్రపంచంలోనే అత్యుత్తమ ఫీల్డింగ్తో ముక్కోణపు ముప్పుగా మారాడు. ఎనిమిదో స్థానంలో వెస్టిండీస్ లెజెండ్ గ్యారీ సోబర్స్ నిలిచాడు. క్రికెట్ చరిత్రలోనే అత్యంత గొప్ప ఆల్రౌండర్గా సోబర్స్కు పేరుంది.
బౌలింగ్ విభాగానికి వీరే సుల్తాన్లు
స్పిన్ విభాగంలో శ్రీలంక దిగ్గజం రంగన హెరాత్ నిలిచాడు. మురళీధరన్ రిటైర్మెంట్ తర్వాత శ్రీలంక స్పిన్ భారమంతా తన భుజాలపై మోసి టెస్టుల్లో అద్భుతమైన రికార్డులు సాధించాడు. ఇక ఫాస్ట్ బౌలింగ్ విభాగంలో ఆస్ట్రేలియా స్పీడ్స్టర్ మిచెల్ స్టార్క్, పాకిస్తాన్ దిగ్గజం వసీమ్ అక్రమ్ చోటు దక్కించుకున్నారు. కొత్త బంతితో స్వింగ్ చేస్తూ, పాత బంతితో రివర్స్ స్వింగ్ రాబట్టడంలో అక్రమ్ను సుల్తాన్ ఆఫ్ స్వింగ్ అని పిలుస్తారు. స్టార్క్ సైతం టెస్టుల్లో అత్యధిక వికెట్లు తీసిన ఎడమచేతి వేగవంతమైన బౌలర్గా చరిత్ర సృష్టించాడు.
డ్రీమ్ ఎలెవెన్ జట్టు
మ్యాథ్యూ హేడెన్, సనాత్ జయసూర్య, కుమార సంగక్కర (కెప్టెన్), బ్రయాన్ లారా, యువరాజ్ సింగ్, ఆడమ్ గిల్క్రిస్ట్ (వికెట్ కీపర్), రవీంద్ర జడేజా, గ్యారీ సోబర్స్, రంగన హెరాత్, మిచెల్ స్టార్క్, వసీమ్ అక్రమ్.
మరిన్ని క్రీడా వార్తల కోసం ఇక్కడ క్లిక్ చేయండి.
