On This Day: భారత్లో పుట్టాడు.. 42 ఏళ్లకు ఇంగ్లండ్ జట్టులో చోటు దక్కించుకున్నాడు.. ఎవరో తెలుసా?
దాదాపుగా 40 ఏళ్లు వచ్చాయంటే ఆటగాళ్లందరూ కూడా రిటైర్మెంట్ తీసుకోవడం ఖాయం. అయితే ఇక్కడొక ప్లేయర్కి మాత్రం 42 ఏళ్లకు..
దాదాపుగా 40 ఏళ్లు వచ్చాయంటే ఆటగాళ్లందరూ కూడా రిటైర్మెంట్ తీసుకోవడం ఖాయం. అయితే ఇక్కడొక ప్లేయర్కి మాత్రం 42 ఏళ్లకు జాతీయ జట్టులో చోటు దక్కింది. పుట్టింది భారత్లో.. ఆడిందేమో విదేశీ జట్టుకు.. అతడు మరెవరో కాదు.. కోలిన్ కౌడ్రీ. అది క్రిస్మస్ సమయం.. పండుగ కోసం కోలిన్ అన్నింటినీ సిద్దం చేస్తుండగా.. ఇంగ్లాండ్ సెలెక్టర్స్ నుంచి ఫోన్ కాల్ వచ్చింది. వెంటనే ఆస్ట్రేలియాకు టికెట్ తీసుకున్నాడు. వాస్తవానికి ఆ సమయంలో ఆస్ట్రేలియా పర్యటనలో ఉన్న ఇంగ్లీష్ జట్టుకు గాయాల బెడద ఎక్కువైంది. దీంతో ఇంగ్లాండ్ సెలెక్టర్ల నుంచి కోలిన్కు పిలుపు వచ్చింది. 42 సంవత్సరాల వయస్సులో కోలిన్.. డెన్నిస్ లిల్లీ, జెఫ్ థామ్సన్ వంటి ప్రమాదకరమైన బౌలర్లతో జత కలిశాడు. సరిగ్గా 48 ఏళ్ల క్రితం ఇదే రోజు అనగా డిసెంబర్ 13, 1974 సంవత్సరంలో కోలిన్ జాతీయ జట్టులో చోటు దక్కించుకున్నాడు.
ఆ సమయంలో దాదాపు 3 సంవత్సరాల తర్వాత బరిలోకి దిగిన కోలిన్.. టెస్ట్ మ్యాచ్ మొదటి ఇన్నింగ్స్లో 22 పరుగులు.. ఆ తర్వాత రెండో ఇన్నింగ్స్లో 41 పరుగులు చేశాడు. అయితే ఈ మ్యాచ్లో మాత్రం ఇంగ్లాండ్ 9 వికెట్ల తేడాతో ఘోర ఓటమిని చవి చూసింది. అప్పటి నుంచి కోలిన్ 1975 వరకు ఇంగ్లాండ్ తరపున 4 టెస్ట్ మ్యాచ్లు ఆడాడు. కాగా, 1954లో అంతర్జాతీయ అరంగేట్రం చేసిన కోలిన్ తన కెరీర్లో 114 టెస్టు మ్యాచ్ల్లో ఇంగ్లాండ్కు ప్రాతినిధ్యం వహించి 7,624 పరుగులు చేశాడు. ఈ సమయంలో, అతడు 22 సెంచరీలు, 38 ఫిఫ్టీలు కొట్టాడు. 1971లో ఇంగ్లండ్ తరఫున అతడు కేవలం ఒకే ఒక్క వన్డే ఆడగలిగాడు. మరోవైపు కోలిన్ 1932 డిసెంబర్ 24న తమిళనాడులో జన్మించాడు.