రేపు సంకటహర చతుర్ధి.. గణపతి అనుగ్రహం కోసం వీటిని దానం చేయండి? శుభ ఫలితాలు మీ సొంతం..

హిందూ మతంలో వికట సంక్షోభ చతుర్థి ఉపవాసం గణపతికి అంకితం చేయబడింది. ప్రతి నెల కృష్ణ పక్ష చతుర్థి తిథి రోజున దీనిని పాటిస్తారు. ‘వికట’ అనేది గణేశుడి 32 రూపాల్లో ఒకటి. వినాయకుడు అడ్డంకులను, ప్రతికూల శక్తులను తొలగిస్తాడని నమ్మకం. కనుక చతుర్థి తిధికి ప్రత్యేక ప్రాముఖ్యత ఉంది. ఈ రోజున గణేశుడిని పూజించడం, ఉపవాసం ఉండటం వల్ల అన్ని రకాల ఇబ్బందులు,సమస్యలు తొలగిపోతాయని నమ్మకం. ఈ రోజు చేసే ఉపవాసం ముఖ్యంగా ఏదైనా వ్యాధి, అప్పులు, మానసిక ఒత్తిడి లేదా కుటుంబ సమస్యలతో బాధపడుతున్న వారికి ఫలవంతం అని పండితులు చెబుతున్నారు.

వికట సంకష్టి చతుర్థి జీవితంలో వచ్చే అడ్డంకులను తొలగించడానికి గణేశుడి ఆశీస్సులు పొందడానికి ఆనందం, శ్రేయస్సును తీసుకురావడానికి ముఖ్యమైనదిగా పరిగణించబడుతుంది. బుధవారం వచ్చే సంకటహర చతుర్ధికి విశేష ప్రాముఖ్యత ఉంది. ఈ రోజున గణపతిని పూజించడం ద్వారా భక్తుల కోరికలన్నీ నెరవేరుతాయి. జీవితంలో ఆనందం నెలకొంటుందని నమ్మకం.

పంచాంగం ప్రకారం చైత్ర మాసంలోని కృష్ణ పక్ష చతుర్థి తిధి ఏప్రిల్ 16 మధ్యాహ్నం 1:16 గంటలకు ప్రారంభమవుతుంది. ఈ తిధి ఏప్రిల్ 17న మధ్యాహ్నం 3:23 గంటలకు ముగుస్తుంది. ఈ రోజున చంద్రోదయ సమయంలో పూజ నిర్వహిస్తారు. అటువంటి పరిస్థితిలో ఈ రోజున సంకట హర చతుర్థిని ఏప్రిల్ 16 న జరుపుకుంటారు.

ఇవి కూడా చదవండి

ఏడాదిలో రెండో చంద్రగ్రహణం ఎప్పుడు? మన దేశంలో కనిపిస్తుందా?లేదా

జాతకంలో కుజ దోషమా.. లక్షణాలు, జ్యోతిష్య శాస్త్రం ప్రకారం నివారణలు

నేడు స్వల్పంగా దిగి వచ్చిన పసిడి ధర, అదే బాటలో వెండి..

బంగారు ఉంగరం అంటే ఇష్టమా.. పొరపాటున కూడా ఈవేలికి వద్దు..ఎందుకంటే

సంకటహర చతుర్థి పూజ విధి

1. సంకట హర  చతుర్థి రోజున ఉదయం స్నానం చేసిన తర్వాత ఉపవాసం ఉంటానని ప్రతిజ్ఞ చేయండి.
2. రోజంతా పండ్లు తినండి లేదా నీరు తీసుకోకుండా ఉపవాసం ఉండండి.
3. సాయంత్రం వేళ గణేశుడి విగ్రహం లేదా చిత్రపటాన్ని ప్రతిష్టించండి.
4. గణపయ్యకు సింధూరం, బియ్యం, గంధం, పువ్వులు, దర్భలు, మోదకం సమర్పించండి.
5. గణేష్ చాలీసా లేదా సంకష్టి చతుర్థి శీఘ్ర కథను పఠించండి.
6. చంద్రోదయం తర్వాత, చంద్రుడిని పూజించి, అర్ఘ్యం సమర్పించండి.
7. చివరికి, గణేశునికి హారతి ఇచ్చి, ప్రసాదం పంచండి.

ఏ వస్తువులను దానం చేయాలంటే

నల్ల నువ్వులు: సంకటహర చతుర్ధి రోజున నల్ల నువ్వులను దానం చేయడం చాలా పవిత్రమైనదిగా భావిస్తారు. నువ్వుల్లో అనేక దేవతలు నివసిస్తారని.. వీటిని దానం చేయడం వల్ల శుభం కలుగుతుందని నమ్ముతారు. ఇది శరీరానికి ఆరోగ్యాన్ని, పిల్లలకు దీర్ఘాయువును అందిస్తుంది.

బెల్లం: బెల్లం దానం చేయడం వల్ల గణేశుడు సంతోషిస్తాడు. జీవితంలోని అడ్డంకులు తొలగిపోతాయి. ఇది అదృష్టాన్ని బలోపేతం చేయడంలో కూడా సహాయకారిగా పరిగణించబడుతుంది.

నెయ్యి, ఉప్పు: నెయ్యిని దానం చేయడం వల్ల ఆరోగ్యం, డబ్బు సంబంధిత సమస్యలు తొలగిపోతాయి. ఇది శుభప్రదంగా పరిగణించబడుతుంది. ఉప్పు దానం చేయడం వల్ల జీవితంలో ఆనందం, శ్రేయస్సు లభిస్తుంది. చెడు దృష్టి నుంచి రక్షిస్తుంది.

ధాన్యాలు: పేదలకు, అవసరంలో ఉన్నవారికి ధాన్యాన్ని దానం చేయడం చాలా పుణ్యకార్యం. మీ సామర్థ్యం మేరకు బియ్యం, గోధుమలు లేదా ఏదైనా ఇతర ధాన్యాన్ని దానం చేయవచ్చు.

పండ్లు: సంకష్టి చతుర్థి రోజున పండ్లు దానం చేయడం కూడా శుభప్రదంగా పరిగణించబడుతుంది. మీరు అరటిపండ్లు, ఆపిల్లు, దానిమ్మలు లేదా ఏదైనా కాలానుగుణ పండ్లను దానం చేయవచ్చు.

బట్టలు: పేదలకు బట్టలు దానం చేయడం వల్ల గణేశుడి ఆశీస్సులు లభిస్తాయి. దీనితో పాటు ఈ రోజున ఇత్తడి లేదా ఉక్కు పాత్రలను దానం చేయడం కూడా శుభప్రదంగా పరిగణించబడుతుంది.

జంతువులకు ఆహారం: మీరు ఆవుకు ఆహారం, కుక్కకు రొట్టె లేదా పక్షులకు ధాన్యాలు కూడా తినిపించవచ్చు. దీనిని కూడా దానం చేయడంతో సమానం అని భావిస్తారు.

దానం ప్రాముఖ్యత

మీరు సంకట హర చతుర్థి రోజున దానం చేయాలని ఆలోచిస్తుంటే.. దానం చేసేటప్పుడు మీ మనస్సులో భక్తి భావన ఉండటం ముఖ్యం. మీ సామర్థ్యం మేరకు విరాళం ఇవ్వండి. పేదలకు సహాయం చేయండి. ఇలా చేయడం ద్వారా గణేశుడి ఆశీస్సులు మీపై ఉంటాయి. ఆగి పోయిన పనులు కూడా పని పూర్తి కావడం ప్రారంభమవుతుంది. అంతేకాదు జీవితంలో వచ్చే ఇబ్బందుల నుంచి కూడా మీకు ఉపశమనం లభిస్తుంది.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.