Navaratri: శ్రీశైలంలో కాళరాత్రి అలంకారంలో అమ్మవారు.. నేడు మహాగౌరి అలంకారంలో దర్శనం..

శ్రీశైల మహాక్షేత్రంలో దసరా మహోత్సవాలు అంగరంగ వైభవంగా జరుగుతున్నాయి. నేడు శరన్నవరాత్రి ఉత్సవాల్లో ఎనిమిదవ రోజు.. ఈ రోజు భ్రమరాంబ అమ్మవారు మహాగౌరి అలంకారంలో దర్శనం ఇవ్వనున్నారు.  శ్రీ స్వామివారు అమ్మవారితో కలిసి వివిధ వాహనాలపై క్షేత్రపురవీధుల్లో నందివాహనంపై  గ్రామోత్సవం  నిర్వహించనున్నారు. మరోవైపు నవరాత్రుల్లో ఏడవ రోజు శ్రీ భ్రమరాంబికా దేవి కాళరాత్రి అలంకారంలో భక్తులకు దర్శనమిచ్చారు. ముందుగా అమ్మవారి ఆలయ ప్రాంగణంలో ఏర్పాటు చేసిన ప్రత్యేక వేదికపై కాళరాత్రి అలంకారంలో ఉన్న అమ్మవారికి పలు రకాల పూలతో అలంకరించారు.  బిల్వాదళాలతో శాస్త్రోక్తంగా అర్చకులు వేదపండితులు వేదమంత్రాలతో మంగళవాయిద్యాల నడుమ సుగంధ ద్రవ్యాలతో ధూపదీప నైవేద్యాలతో పూజించారు. మంగళ హారతులిచ్చారు.

శ్రీ భ్రమరాంబికాదేవి కాళరాత్రి అలంకారంలో మల్లికార్జునస్వామి అమ్మవారు గజవాహనంపై ఆశీనులను చేసి ప్రత్యేక పూజలను నిర్వహించారు. కర్పూరహారతులిచ్చరు. అనంతరం వైభవంగా గ్రామోత్సవానికి బయలుదేరగా ఉత్సవమూర్తుల ముందు నిర్వహించిన కోలాటాలు చెక్క భజనలు వివిధ రకాల గిరిజన నృత్యాలు వివిద రకాల విన్యాసాలు భక్తులను ఎంతగానో ఆకట్టుకున్నాయి. ఆలయం లోపలి నుంచి బాజా బజంత్రీలు బ్యాండ్ వాయిద్యాల నడుమ‌ శ్రీస్వామి అమ్మవార్లు గ్రామోత్సవంగా విహారించారు. గ్రామోత్సవం కదలివస్తున్న శ్రీస్వామి అమ్మవారిని భక్తులు దర్శించుకుని‌ కర్పూర నీరాజనాలర్పించారు. ఈ కార్యక్రమంలో ఆలయ ఈవో పెద్దిరాజు పలువురు ఆలయ ట్రస్ట్ బోర్డ్ సభ్యులు అధికారులు, భక్తులు పాల్గొన్నారు.

ఇవి కూడా చదవండి

ప్రేమికులు, భార్యాభర్తల మధ్య గొడవలా.. ఈ పరిహారాలు చేసి చూడండి

ఈ అలవాట్లు ఉన్నవారు ఎంత సంపాదించినా పేదవారే

వత్తిలేని దీపం.. ఆకుతో దీపం వెలిగించడం చూస్తే..

బ్రిటీష్ వారు ఫిరంగితో దాడి చేసినా ధ్వంసం కాని గ్రామం..

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..