మత మార్పిడుల వ్యతిరేక చట్టం కింద ఆరుగురి అరెస్ట్, మరో ఐదుగురిపై రూ. 25 వేల రివార్డ్ ! యూపీలోనే ఎందుకిలా ?

మత మార్పిడుల వ్యతిరేక చట్టం కింద యూపీలో ఆరుగురిని పోలీసులు అరెస్టు చేశారు. పరారీలో ఉన్న మరో ఐదుగురిపై 25 వేల రూపాయల రివార్డు ప్రకటించారు. అయితే ఈ చట్టాన్ని కొందరు మాజీ జడ్జీలు, చాలామంది వ్యతిరేకిస్తున్నారు. ఈ చట్టం రాజ్యాంగ విరుధ్ధమని,  వ్యక్తుల ప్రాథమిక హక్కులకు భంగకరమని అంటున్నారు. ఇక యూపీకి 330 కి.మీ. దూరంలోని ఇటావా జిల్లా జలేపూర్ టౌన్ కి వెళ్తే..   అక్కడ తన 21 ఏళ్ళ కుమార్తెను ఓ ముస్లిం వ్యక్తి, అతని బంధువులు కిడ్నాప్ చేశారని హిందూ తండ్రి ఒకరు పోలీసులకు ఫిర్యాదు చేశారు. ఆమెను  పెళ్లి చేసుకుని బలవంతంగా ముస్లిం మతంలోకి మార్పిడి చేయాలన్నదే వారి కుట్ర అన్నారు. నవంబరు 17 న ఆమె మార్కెట్ కి వెళ్తే ఆమెను అపహరించినట్టు ఆయన పేర్కొన్నారు.

ఇక్కడ ఓ విశేషం.. ఈ ఫిర్యాదుపై డిసెంబర్ 17 న ఎఫ్ ఐ ఆర్ నమోదు కావడం విశేషం. మొత్తానికి ఈ వ్యవహారంలో జలేశర్  పోలీసులు ఆరుగురిని అరెస్టు చేసి జైలుకు పంపారు. పరారీలో ఉన్న మరో 5 గురిపై 25 వేల రివార్డు ప్రకటించారు, అయితే మిస్సింగ్ వ్యక్తులకు సంబంధించిన రిపోర్టును, బలవంతపు మత మార్పిడుల చట్టం కింద ఎఫ్ ఐ ఆర్ ను నమోదు చేయడంలో దాదాపు నెల రోగుల గ్యాప్ ఎందుకు వచ్చిందన్న దానిపై పోలీసులు నోరు మెదపడం లేదు. ఈ చట్టానికి సంబంధించి యూపీ లోనే ఎందుకిలా జరుగుతుందన్నది ఇప్పటికీ అర్థం కావడంలేదు.