Prabhas 21: ప్రభాస్, నాగ్ అశ్విన్ల మూవీ స్టోరీ థీమ్ ఏంటంటే..?
బాహుబలి సిరీస్తో ప్రభాస్ రేంజ్ ఇంటర్నేషనల్ లెవల్కి వెళ్లింది. అందుకు తగ్గుట్టుగానే డార్లింగ్ చేసిన 'సాహో' పాన్ ఇండియా మూవీగా రిలీజయ్యింది. కానీ మూవీ అంతగా ఆకట్టుకోలేదు. ప్రస్తుతం 'జిల్' ఫేమ్ రాధాకృష్ణ డైరెక్షన్లో ఓ పీరియాడికల్ లవ్ స్టోరీలో నటిస్తున్నాడు ప్రభాస్. 'రాధేశ్యామ్' , 'ఓ డియర్' అనే టైటిళ్లు ఈ చిత్రానికి పరిశీలనలో ఉన్నాయి.
Prabhas 21: బాహుబలి సిరీస్తో ప్రభాస్ రేంజ్ ఇంటర్నేషనల్ లెవల్కి వెళ్లింది. అందుకు తగ్గుట్టుగానే డార్లింగ్ చేసిన ‘సాహో’ పాన్ ఇండియా మూవీగా రిలీజయ్యింది. కానీ అది అంతగా ఆకట్టుకోలేదు. ప్రస్తుతం ‘జిల్’ ఫేమ్ రాధాకృష్ణ డైరెక్షన్లో ఓ పీరియాడికల్ లవ్ స్టోరీలో నటిస్తున్నాడు ప్రభాస్. ‘రాధేశ్యామ్’, ‘ఓ డియర్’ అనే టైటిళ్లు ఈ చిత్రానికి పరిశీలనలో ఉన్నాయి. కాకపోతే మూవీ షూటింగ్ పదే, పదే వాయిదా పడటం..డార్లింగ్ ఫ్యాన్స్కు కోపం తెప్పిస్తోంది. అదీకాక రిలీజైన ప్రీ లుక్ కూడా అభిమానులను పూర్తి స్థాయిలో సంతృప్తి పరచలేదు. ఇలాంటి సమయంలో ‘మహానటి’ డైరెక్టర్ నాగ్ అశ్విన్తో వైజయంతి బ్యానర్లో మూవీ సడన్గా అనౌన్స్ చేసి పండుగ తీసుకొచ్చాడు ప్రభాస్. ప్రస్తుతం ఇండస్ట్రీ అంతా ఈ సినిమా గురించే చర్చించుకుంటుంది. అది చాలదన్నట్టు పాన్ ఇండియా కాదు..పాన్ వరల్డ్ రేంజ్లో సినిమా ఉండబోతుందంటూ అంచనాలు మరింత పెంచేశాడు నాగ్ అశ్విన్.
దీంతో మూవీ ఎలా ఉండబోతుందా అని ఫ్యాన్స్లో ఆతృత ఎక్కువ అయిపోయింది. దర్శకుడిగా నాగ్ అశ్విన్పై టాలీవుడ్ ఆడియెన్స్కు విపరీతమైన నమ్మకం ఉంది. ఎందుకంటే అతడు..సాధారణంగా సినిమా గురించి చెప్పడు..చెప్తే..ఆ మాట పోగొట్టుకోడు. మాస్ ఎలివేషన్స్ సంగతి పక్కనబెడితే..కథను అందంగా తెరకెక్కించడం, ఎమోషన్స్ పండించడంలో మాత్రం ముందుంటాడు. ఇక ఈ మూవీ కథపై కూడా అప్పుడే గాసిప్స్ గుప్పుమంటున్నాయి. అందులో ఒకటి మాత్రం ఆడియెన్స్ అటెన్షన్ను గ్రాబ్ చేస్తోంది. ఈ సినిమా టైమ్ ట్రావెల్ నేపథ్యంలో ఉండనుందని టాలీవుడ్ వర్గాల సమాచారం. ఈ జానర్ పేరు చెప్పగానే అందరికి బాలయ్య-సింగీతం శ్రీనివాసరావు కాంబోలో వచ్చిన ‘ఆదిత్య 369’ గుర్తుకు వస్తుంది. టాలీవుడ్లో అదో క్లాసిక్గా అందరూ చెప్పకుంటారు. మరి తాజా యువ జోడి మరో క్లాసిక్ని అందిస్తారా..? అసలు టైమ్ మిషన్ నేపథ్యం నిజమేనా..? అనే అంశాలపై క్లారిటీ రావాలంటే మరికొంతకాలం వెయిట్ చేయాల్సిందే.
ఇది కూడా చదవండి :‘కేజీఎఫ్’ హీరో హత్యకు ప్లాన్ చేసిన రౌడీషీటర్ ఎన్కౌంటర్…