Breaking News
  • సిద్దిపేట: గజ్వేల్‌లో జరిగిన దివ్య హత్యకేసులో దర్యాప్తు ముమ్మరం. దివ్య హత్య కేసులో వెంకటేష్‌ గౌడ్‌ అనే యువకుడిపై అనుమానాలు. రెండేళ్ల క్రితం దివ్యను వేధించిన వెంకటేష్‌గౌడ్‌. ఎల్లారెడ్డిపేట పీఎస్‌లో ఫిర్యాదు చేసిన దివ్య తల్లిదండ్రులు. వేధించనని లిఖితపూర్వకంగా రాసి ఇచ్చిన వెంకటేష్‌గౌడ్‌. వేములవాడలో వెంకటేష్‌ తల్లిదండ్రులను విచారించిన పోలీసులు. అందుబాటులో లేని వెంకటేష్‌ గౌడ్‌. అన్ని కోణాల్లో దర్యాప్తు చేస్తున్న పోలీసులు.
  • నేడు శ్రీకాకుళం జిల్లాలో ఎస్సీ శాసనసభా కమిటీ సభ్యుల పర్యటన. శ్రీకూర్మం, అరసవల్లి సూర్యనారాయణస్వామిని దర్శించుకోనున్న బృందం. ఎస్సీ కులాలకు ప్రభుత్వ పథకాల అమలుపై అధికారులతో సమీక్ష.
  • నేడు నిజామాబాద్‌ జిల్లాలో మంత్రి ప్రశాంత్‌రెడ్డి పర్యటన. పంచాయతీరాజ్‌ సమ్మేళనంలో పాల్గొననున్న ప్రశాంత్‌రెడ్డి.
  • నెల్లూరు: ముత్తుకూరు పంటపాలెం దగ్గర రోడ్డు ప్రమాదం. గుర్తుతెలియని వాహనం ఢీకొని మున్నెయ్య అనే వ్యక్తి మృతి. కృష్ణపట్నం పోర్టులో కూలీ పనికి వెళ్తుండగా ప్రమాదం. రహదారిపై స్థానికుల రాస్తారోకో.
  • చైనాను కబళిస్తోన్న కరోనా . ఇప్పటివరకు 2 వేల మంది మృత్యువాత. కొవిడ్‌-19 బారినపడ్డ 75 వేల మంది. నిర్మానుష్యంగా మారిన ప్రధాన నగరాలు. ఇళ్లలోనే 78 కోట్ల మంది. రేపు వూహాన్‌కు సీ-17 విమానం. చైనా నుంచి మరోసారి భారతీయుల తరలింపు.
  • ఈఎస్‌ఐ కుంభకోణం కేసు. మాజీ డైరెక్టర్‌ దేవికారాణి ఆస్తుల అటాచ్‌కు ఏసీబీ రంగం సిద్ధం. అటాచ్‌ చేయడానికి ప్రభుత్వ అనుమతి కోరిన ఏసీబీ. రూ.200 కోట్ల విలువైన ఆస్తుల అటాచ్‌కు అనుమతి కోరిన ఏసీబీ. మందులు కొనుగోళ్లలో దేవికారాణి చేతివాటం. కుటుంబసభ్యులు, బంధువుల పేర్లతో భూముల కొనుగోలు.

‘చౌకీదార్‌’ను తొలగించిన మోదీ…

PM Modi, ‘చౌకీదార్‌’ను తొలగించిన మోదీ…

2019 లోక్‌సభ ఎన్నికల ప్రచారంలో ప్రధాన మంత్రి నరేంద్ర మోదీ ఉపయోగించిన ‘చౌకీదార్’ అనే పదం చాలా ప్రాముఖ్యత సంతరించుకుంది. తాను ఈ దేశాన్ని కాపాడే చౌకీదార్(కాపలాదారుడు) అని మోదీ తన ప్రతీ ప్రసంగంలోనూ చెప్పుకుంటూ వచ్చారు. అంతేకాక.. ప్రధాన బీజేపీ నేతలు, బీజేపీ మద్దతుదారులు అంతా తమ ట్విట్టర్ పేర్ల ముందు ‘చౌకీదార్’ అని పదాన్ని జత చేసుకున్నారు.

తాజాగా… మోదీ తన పేరు నుంచి చౌకీదార్ అనే పదాన్ని తొలగించారు. ‘‘భారతదేశ ప్రజలు చౌకీదార్లుగా మారి దేశానికి ఎంతో సేవ చేశారు. చౌకీదార్ అతి పెద్ద శక్తిగా అవతరించి దేశాన్ని కుల, మత కలహాలు, అవినీతి తదితర దుష్టశక్తుల నుంచి కాపాడింది’’ అంటూ మోదీ ట్వీట్ చేశారు. ఇక తన పేరు నుంచి చౌకీదార్ అనే పదాన్ని తొలగిస్తున్నానని.. అంతేకాని చౌకీదార్ అనే పదం ఎల్లప్పుడు తన మదిలోనే ఉంటుందని మోదీ అన్నారు.

Related Tags