Year End Tour 2022: న్యూఇయర్ వేడుకలను అందమైన ప్రదేశాలలో జరుపుకోవాలకుంటున్నారా..? అయితే ఈ సమాచారం మీ కోసమే..
డిసెంబర్ అనగానే చలికాలం కావడంతో చలి ఎక్కువగా ఉండడం సహజం. కానీ ఈ చలిలోనే ఉల్లాసంగా ఉత్సాహవంతంగా పాత సంవత్సరానికి వీడ్కోలు పలుకుతూ నూతన సంవత్సరాన్ని ఆహ్వానించాలంటే డిసెంబర్లో టూర్ ప్లాన్ చేసుకోవడమే సరి. అలా ప్లాన్ చేసుకునేవారు పర్యటించదగిన కొన్ని పర్యాటక ప్రదేశాలు.. మీకోసం..
గుజరాత్: ఏడాదిలోని చివరి నెల అయిన డిసెంబర్ సందర్శించడానికి ఉత్తమమైన ప్రదేశాలలో గుజరాత్ ఒకటి. ఈ చలికాలంలో మిమ్మల్ని వెచ్చగా ఉంచేందుకు గుజరాత్ ఒక మంచి ఇంకా గొప్ప ప్రదేశం. ఇక్కడ మరొక ప్రత్యేకత ఏమిటంటే సంవత్సరం చివరి నెలలో నిర్వహించుకునే ప్రసిద్ధ రాన్ పండుగ పర్యాటకులందరినీ మరింతగా ఆకర్షిస్తుంది.
గోవా: ఇసుక బీచ్లు, హాయిగా ఉండే వసతి హోటళ్లు, ఉల్లాసమైన రాత్రి జీవితంతో గడపాలంటే.. డిసెంబర్లో సందర్శించడానికి అత్యంత అనుకూలమైన వెచ్చని-వాతావరణ ప్రదేశాలలో గోవా ఒకటి.
చెన్నై: డిసెంబర్ చెన్నై వాతావరణం అనుకూలంగా ఉండటంతో సందర్శించేందుకు అనువైన ప్రదేశం. ఇక్కడ ఉన్న పాత సాంప్రదాయ పట్టణాలను కూడా పర్యాటనలో భాగంగా సందర్శించండి.
హైదరాబాద్: డిసెంబర్లో హైదరాబాద్ ట్రిప్ ప్లాన్ చేసుకోండి. మీ ఆకలి తీర్చడానికే ఉందా అనిపించేలా ఉంటుంది హైదరాబాద్ బిర్యానీ. హైరదాబాద్లో మీరు చార్మీనార్, బిర్లా మందిర్, ట్యాంక్ బండ్, గోల్కొండ కోట వంటి పర్యాటక స్థలాలను కూడా సందర్శించవచ్చు.
పుదుచ్చేరి: ఏడాది చివర్లో ఇంకా కొత్త సంవత్సర వేడుకలకు పుదుచ్చేరి బాగుంటుంది. బీచ్లు, అందమైన చర్చి, ఫ్రెంచ్ స్టైల్ కేఫ్లు, రెస్టారెంట్లు మీ సమయాన్ని ఉల్లాసవంతంగా గడపడానికి గొప్ప ప్రదేశం.
జైపూర్: పింక్ సిటీ అని పిలుచుకునే జైపూర్ శీతాకాలంలో అందంగా ఉంటుంది. శిల్పకళ, సాంస్కృతిక వైభవంతో ప్రపంచాన్ని ఆకర్షిస్తున్న ఈ అందమైన ప్రదేశంలో మీ మధురమైన క్షణాలు గడపవచ్చు.