Interesting Facts: ఉప్పు లేదా చక్కెర వీటిల్లో అత్యంత ప్రమాదకరమైనది ఏది?
ఉప్పు, చక్కెర ఈ రెండు మన కిచెన్ గదిలో లేకపోతే పని జరగదు. ఉప్పు లేని కూర తినలేం. చక్కెర లేని టీ కూడా తాగలేం. అయితే ఈ తెల్లని వస్తువులు రుచి బాగున్నా.. ఆరోగ్య పరంగా మాత్రం శత్రువులే. వీటిని కాస్త ఎక్కువ మోతాదులో తీసుకుంటే దీర్ఘకాలిక సమస్యలతో సతమతం అవ్వాల్సిందే. ఇవి రెండూ అత్యంత ప్రమాదకరమైనవిగా ఆరోగ్య నిపుణులు గుర్తించారు. ముఖ్యంగా మధు మేహం, గుండె జబ్బులకు కారణం అవుతాయి. ఉప్పు, చక్కెర ఏ విధంగా ఆరోగ్యంపై ప్రభావం చూపిస్తాయో..
ఉప్పు, చక్కెర ఈ రెండు మన కిచెన్ గదిలో లేకపోతే పని జరగదు. ఉప్పు లేని కూర తినలేం. చక్కెర లేని టీ కూడా తాగలేం. అయితే ఈ తెల్లని వస్తువులు రుచి బాగున్నా.. ఆరోగ్య పరంగా మాత్రం శత్రువులే. వీటిని కాస్త ఎక్కువ మోతాదులో తీసుకుంటే దీర్ఘకాలిక సమస్యలతో సతమతం అవ్వాల్సిందే. ఇవి రెండూ అత్యంత ప్రమాదకరమైనవిగా ఆరోగ్య నిపుణులు గుర్తించారు. ముఖ్యంగా మధు మేహం, గుండె జబ్బులకు కారణం అవుతాయి. ఉప్పు, చక్కెర ఏ విధంగా ఆరోగ్యంపై ప్రభావం చూపిస్తాయో ఇప్పుడు తెలుసుకుందాం.
చక్కెర ఎక్కువగా తీసుకుంటే షుగర్ వచ్చే ఛాన్సులు ఎక్కువగా ఉన్నాయి. అంతే కాదు గుండె జబ్బుల ప్రమాదాన్ని కూడా పెంచుతుంది. అలాగే ఉప్పు వల్ల రక్త పోటు వస్తుంది. అంతే కాదు హార్ట్ కి సంబంధించిన ప్రాబ్లమ్స్ కూడా వస్తాయి. ఉప్పు, చక్కెర ఈ రెండూ గుండె జబ్బుల ప్రమాదాన్ని పెంచుతాయి.
ఉప్పును ఎక్కువగా వాడటం వల్ల గుండెకు మాత్రమే కాదు ఇతర అవయవాలకు కూడా హానికరమే. రోజుకు 5 గ్రాముల కంటే తక్కువగా ఉప్పు తీసుకోవాలి. అలాగే జంక్ ఫుడ్ కి వీలైనంత వరకూ దూరంగా ఉండాలి. ఎందుకంటే వీటిల్లో సోడియం కంటెంట్ అనేది ఎక్కువగా ఉంటుంది.
షుగర్ ను ఎక్కువగా తీసుకోవడం వల్ల కేవలం మధు మేహం మాత్రమే కాదు.. గుండె జబ్బులు వచ్చే ప్రమాదం ఉంది. చక్కెరతో తయారు చేసిన ఆహార పదార్థాలు తినడం వల్ల డయాబెటీస్, గుండె జబ్బులు, బరువు వంటి సమస్యలతో బాధ పడాల్సి ఉంటుంది.
ఆహార పదార్థాల్లో వీటి మోతాదును తగ్గించి వాడటం వల్ల ఎలాంటి ప్రమాదాలు లేవని చెబుతున్నారు ఆరోగ్య నిపుణులు. తక్కువగా తీసుకోవడం వల్ల ఆరోగ్యంగా, హెల్దీగా ఉండవచ్చు. సాధారణంగా ఒక రోజుకు చక్కెర 30 గ్రాములు మించకుండా, ఉప్పు ఒక స్పూన్ మించకుండా తీసుకుంటే శరీరంలో రక్త పోటు, గుండె జబ్బులు వచ్చే అవకాశం తగ్గుతుందని సూచిస్తున్నారు.