Foods For Healthy Hair: మీ జుట్టు ఒత్తుగా, పొడుగ్గా పెరగాలంటే ఇలాంటి ఫుడ్స్ ఖచ్చితంగా తినాలి..!
జుట్టు ఒత్తుగా, పొడుగ్గా, బలంగా ఉండాలని అందరూ కోరుకుంటారు. కానీ, నేటి కాలుష్య పూరిత వాతావరణం, ఆహారం వల్ల చాలా మంది జుట్టు సమస్యలను ఎదుర్కొంటున్నారు. పెరుగుతున్న కాలుష్యం, ఒత్తిడి, చెడు ఆహారపు అలవాట్ల కారణంగా జుట్టు రాలిపోవడం, చిన్న వయసులోనే తెల్ల జుట్టు, తలలో చుండ్రు వంటి సమస్యలతో అనేక మంది ఇబ్బందిపడుతున్నారు. అయితే ఇలాంటి సమస్యలకు చెక్‌ పెట్టాలంటే తీసుకునే ఆహారం, జీవనశైలిలో కొన్ని మార్పులు చేసుకుంటే ఫలితం ఉంటుందని నిపుణులు చెబుతున్నారు. అదేలాగో ఇక్కడ తెలుసుకుందాం..
మనం రోజువారి తీసుకునే ఆహారంలో కొన్ని పదార్థాలను చేర్చుకోవటం వల్ల నల్లటి ఒత్తైన జుట్టును సొంతం చేసుకోవచ్చు అంటున్నారు నిపుణులు. అలాంటి ఆహారాలను క్రమం తప్పకుండా తీసుకోవడం వల్ల జుట్టు పెరుగుదల వేగంగా ఉంటుంది. వెంట్రుకలు నల్లగా ఒత్తుగా పెరుగుతాయి. జుట్టు రాలడం కూడా తగ్గుతుందని చెబుతున్నారు.
జుట్టు ఆరోగ్యానికి పండ్లు కూడా ఎంతగానో మేలు చేస్తాయి. అలాంటి పండ్లలో దానిమ్మ ఒకటి. దానిమ్మలో విటమిన్ కె, విటమిన్ సి, ఫైబర్, పొటాషియం, ప్రొటీన్లు పుష్కలంగా ఉన్నాయి. దానిమ్మలో ఐరన్ కంటెట్ ఎక్కువగా ఉండటంతో పాటు విటమిన్ సి కూడా ఉంటుంది. ఈ పండు జుట్టు పెరుగుదలకు అవసరమైన పోషకాలను సమృద్ధిగా అందజేస్తుంది.
గుడ్డులోని తెల్లసొనలో రిబోఫ్లేవిన్, నియాసిన్, పొటాషియం, మెగ్నీషియం, సోడియం వంటి ప్రోటీన్లు , ఖనిజాలు ఉంటాయి. ఇవి జుట్టు పెరిగేందుకు బాగా సహాయపడతాయి. ఇది జుట్టు పెరుగుదల, చర్మ ఆరోగ్యం, ముఖంలో నిండుతనాన్ని మెరుగుపరుస్తుంది. శరీరంలో ప్రోటీన్ లోపం వల్ల కలిగే లక్షణాలను తొలగించడంలో ఇది సహాయపడుతుంది.
కాటేజ్ చీజ్ లో కాల్షియం, ప్రోటీన్ మెండుగా ఉంటుంది. కాటేజ్ చీజ్ ను రోజూ తీసుకోవడం వల్ల జుట్టు బాగా పెరుగుతుంది. ప్రోటీన్ కేవలం బరువు తగ్గడానికే కాదు.. జుట్టు పెరుగుదలకు హెల్ప్ చేస్తుంది. కాటేజ్ చీజ్లో హెల్తీ ఫ్యాట్స్ ఉంటాయి. ఇవి జుట్టు పెరిగేలా చేస్తాయి.అలాగే, చికెన్, చేపలు కూడా జుట్టు ఆరోగ్యానికి మేలు చేస్తాయి. సాల్మన్ చేపలో ఒమెగా3 ఫ్యాటీ ఆసిడ్లు పుష్కలంగా ఉంటాయి. స్కాల్ప్ ఆరోగ్యాన్ని మెరుగు పరిచి జుట్టు పెరిగేలా చేస్తుంది.
చిక్కుళ్ళు, బీన్స్ కూడా జుట్టు పెరుగుదలకి హెల్ప్ చేస్తాయి. వీటిని తీసుకోవడం వల్ల ఇందులోని ఫొలేట్ సహా బి విటమిన్స్ జుట్టుని పొడుగ్గా చేస్తాయి. అలాగే, ఆకుకూరలు కూడా జుట్టు పెరుగుదలకి చాలా ముఖ్యం. వీటిని ఎక్కువగా మన డైట్‌లో యాడ్ చేస్తే అందులో ఉండే ఫోలేట్ జుట్టుని బలంగా మార్చి ఒత్తుగా, పొడుగ్గా పెరిగేలా చేస్తుంది. కాబట్టి, వారానికి 3 సార్లైనా ఆకుకూరలు తీసుకునేందుకు ట్రై చేయండి..
జుట్టు పెరుగుదలకు ప్రోటీన్ చాలా ముఖ్యమైన పోషకం. ప్రోటీన్ ఎక్కువగా ఉండే ఆహారాలు తీసుకోవటం వల్ల ఇది జుట్టును ఒత్తుగా, పొడుగ్గా చేస్తుంది. జట్టు రాలడాన్ని తగ్గిస్తుంది. ద్దుతిరుగుడు గింజలు, గుమ్మడి గింజలు, నువ్వుల గింజల్లో ఐరన్, జింక్, కాపర్ మెగ్నీషియం సెలీనియం, కాల్షియం వంటి ఖనిజాలు పుష్కలంగా ఉన్నాయి.