ఉల్లికాడల ఎగ్ పులుసు.. ఒకసారి వండి తింటే ఉంటాది నా సామిరంగా.. గిన్నెంత ఖాళీ చేస్తారంతే
Spring Onion Egg Curry Recipe in telugu: ఉల్లికాడల ఎగ్ పులుసు ఇలా వండి తింటే గిన్నె మొత్తం ఖాళీ చేస్తారు. ఇలా చేసి తింటే పిల్లల నుంచి పెద్దల వరకు వదలరు అంత టేస్టీగా ఉంటుంది. మరి, ఇంకెందుకు ఆలస్యం దీనికి కావాల్సిన పదార్ధాలు, తయారీ విధానం ఇక్కడ చూద్దాం..
కావలసిన పదార్థాలు: 3 కప్పుల ఉల్లికాడలు, అయితే వీటిని సన్నగా కట్ చేసుకోవాలి. 5 గుడ్లు, రెండు ఉల్లిపాయలు, రెండు టమోటాలు, 4 పచ్చిమిర్చి, ఒక టేబుల్ స్పూన్ అల్లం వెల్లుల్లి పేస్ట్, ఒక టేబుల్ స్పూన్ కారం, రుచికి సరిపడా ఉప్పు, అర టేబుల్ స్పూన్ పసుపు, రెండు టేబుల్ స్పూన్స్ నూనె.
ఉల్లికాడలు ఎగ్ పులుసు ఎలా తయారు చేయాలంటే.. ముందుగా పోపుకు రెడీ చేసుకోవాలి : గ్యాస్ వెలిగించి పాన్ పెట్టి దానిలో ఆయిల్ వేసి అది వేడయ్యాక, కట్ చేసిన ఉల్లిపాయ ముక్కలు, కట్ చేసిన పచ్చిమిర్చి, కరివేపాకు ఆకులు వేసి బాగా వేయించాలి.
ఆ తర్వాత ఈ మిశ్రమంలో ఒక టేబుల్ స్పూన్ అల్లం వెల్లుల్లి పేస్ట్ వేసి పచ్చి వాసన పోయే వరకు బాగా వేయించి దానిలో టమోటా ముక్కలు, అర టేబుల్ స్పూన్ పసుపు, ఉప్పు వేసి మెత్తగా అయ్యే వరకు బాగా ఉడికించాలి.
ఆ తర్వాత సన్నగా తరిగిన ఉల్లికాడలను కూడా తీసుకుని దానిలో 10 నిమిషాల పాటు బాగా వేయించాలి. ఒక టేబుల్ స్పూన్ కారం వేసి ఆ తర్వాత గుడ్లను బ్రేక్ వేసి దానిలో వేయాలి.
అయితే, వీటిని వెంటనే కలపకుండా మూత పెట్టి 10 నిమిషాల పాటు ఉడికించాలి. చివర్లో దీనిని మిక్స్ అయ్యేలా కలుపుతూ గుడ్డు మిశ్రమం కూడా ఉల్లికాడలతో కలిసిపోయే వరకు దీనిని బాగా వేయించాలి.