Travel: ఇండియాలో నిషేధించిన పర్యాటక ప్రాంతాలు ఇవే.. ఇక్కడికి వెళ్లడానికి అనుమతి ఉండదు..
Travel: భారతదేశంలో చాలా అందమైన ప్రదేశాలు ఉన్నాయి. కానీ అందులో కొన్ని ప్రదేశాలక భారతీయులకు కూడా అనుమతి లేదు. అలాంటి కొన్ని ప్రదేశాల గురించి తెలుసుకుందాం.
ఉత్తర సెంటినెల్ ద్వీపం: నివేదికల ప్రకారం అండమాన్ ద్వీపంలోని ఉత్తర సెంటినెల్‌కి వెళ్లడానికి అనుమతి లేదు. భద్రత దృష్ట్యా ఇక్కడికి వెళ్లేందుకు అధికారులు ఒప్పుకోరు. కానీ ఇక్కడి ప్రదేశాలు చాలా సుందరంగా ఉంటాయి.
ఫారినర్స్ ఓన్లీ బీచ్: గోవాలో ఇలాంటి ప్రైవేట్ బీచ్‌లు చాలా ఉన్నాయి. అక్కడికి భారతీయులు వెళ్లడానికి వీలులేదు. ఎందుకంటే బికినీలో ఉండే విదేశీ ప్రయాణికులను వేధించకూడదనే ఉద్దేశ్యంతో భారతీయులను నిషేధించారు.
బార్క్: ముంబై శివారులో ఉన్న బాబా అటామిక్ రీసెర్చ్ సెంటర్‌కి పర్యటకులకి అనుమతి లేదు. అణు పరిశోధన కేంద్రం కావడంతో ఇక్కడ భద్రతపై ప్రత్యేక శ్రద్ధ తీసుకుంటారు.
లక్షద్వీప్ దీవులు: లక్షద్వీప్‌లోని అనేక ద్వీపాలు, ప్రదేశాలకు ప్రయాణికులను అనుమతించరు. దీని వెనుక రెండు కారణాలు ఉన్నాయి. ఒకటి నౌకాదళానికి అక్కడ అనేక శిబిరాలు ఉన్నాయి మరొకటి స్థానిక నివాసితుల ప్రయోజనాలను దృష్టిలో ఉంచుకుని నిషేధం విధించారు.
లడఖ్‌లోని భాగాలు: లడఖ్ గొప్ప పర్యాటక ప్రదేశం. ఇక్కడ ఉన్న పాంగోంగ్ త్సోను అందరు ఎక్కువగా ఇష్టపడతారు కానీ ప్రయాణికులు దాని ఎగువ భాగంలోకి వెళ్లడానికి అనుమతి లేదు. ఇది వివాదాస్పద ప్రాంతం. భద్రతా కారణాల దృష్ట్యా ఇక్కడ తిరిగేందుకు అనుమతి ఉండదు.