Insects Food: ఈ పురుగుల ఆహారంతో పోషకాలు, భూమికి రక్షణ, కీటకాలతో బర్గర్,ఫ్రెంచ్ ఫ్రైస్, మిల్క్‌షేక్‌లు
రోజు రోజుకీ పెరుగుతున్న జనాభా.. అందుకు తగినట్లుగా పెరగని ఆహారపు పంటల ఉత్పత్తులు.. దీంతో రానున్న కాలంలో మానవజాతికి కావలసినంత పోటీన్లు ప్రస్తుతం ఉన్న ఆహార పదార్ధాలు అందివ్వలేవు.. దీంతో మనిషి ప్రత్యామ్నాయ ఆహారం వైపు దృష్టి సారిస్తాడు. అలాంటి సమయంలో తినదగ్గ పురుగులను ఆహారంగా ఎంచుకొంటాడు
జంతువుల నుంచి లభించే ప్రొటీన్‌కు సమానమైన ప్రొటీన్‌ను కొన్ని కీటకాలు అందించగలవు. వీటిలో కార్బన్ పాదముద్ర కూడా తక్కువ. అటువంటి పరిస్థితిలో.. నిపుణులు రోజువారీ జీవితంలో కీటకాలను ఆహారంగా ఉపయోగించడం మానవులకు , భూమి ఆరోగ్యానికి మంచిదని అంటున్నారు.
వాస్తవానికి కీటకాలను తినాలనే ఆలోచన వస్తే చాలు వాంతులొస్తున్న ఫీలింగ్ ఏర్పడవచ్చు. అయితే ప్రపంచంలోని చాలా దేశాల్లో కీటకాలను ఎంతో ఇష్టంగా తింటారు. చీమ, నత్త, పీత మాత్రమే కాదు, కొన్ని రకాల పురుగులు, మిడత వంటి కీటకాలు కూడా ఆహారం తీసుకుంటున్నారు. ఇవి మంచి పోషకాహారంగా ప్రసిద్ధిగాంచాయి. అయితే.. నేరుగా కీటకాలు ఆహారంగా అందించడానికి బదులు.. మీకు ఇష్టమైన ఆహారంలో కీటకాలను స్టఫ్ చేసిఇస్తున్నారు.. పిజ్జా, బర్గర్, ఫ్రెంచ్ ఫ్రై, కుకీలు లేదా మిల్క్ షేక్ వంటి వాటిలకు కీటకాలను జత చేసి డిఫరెంట్ టేస్ట్ ని అందిస్తున్నారు.
థాయ్‌లాండ్‌లో ఒక రెస్టారెంట్ ఉంది. బౌన్స్ బర్గర్. ఈ రెస్టారెంట్‌లోని ఆహారం , పానీయాలలో ఇలకోడి పురుగుల పొడిని ఉపయోగిస్తారు. ఈ పురుగులను ముందుగా వేయించి, వాటి పొడిని పొడిగా తయారు చేసి, ఆపై వాటిని ఆహార పదార్థాలలో కలుపుతారు. ఈ సమయంలో.. పరిశుభ్రతపై పూర్తి జాగ్రత్తలు తీసుకుంటారు. ఇలకోడి పురుగుల పొడిని వాడటం వల్ల ఆహారంలో పోషక విలువలు పెరుగుతాయని బౌన్స్ బర్గర్ రెస్టారెంట్ యజమాని పురిపత్ థియాపరత్ చెబుతున్నారు.
బర్గర్లు, ఫ్రెంచ్ ఫ్రైస్ కాకుండా, కుకీలలో, మిల్క్ షేక్‌లలో కూడా ఇలకోడి పురుగుల పొడిని ఉపయోగిస్తానని పురిపట్ చెప్పారు. ప్రజలు కీటకాల నుండి తయారైన ఆహారాన్ని అసహ్యంగా భావించడం మానేయాలని అతను కోరుకుంటున్నాడు. ఇలా ఫీల్ కావడం అంత సులభం కానప్పటికీ.. కాలక్రమంలో కీటకాలను ఆహారంగా తీసుకోవడానికి అలవాటు పడతారని అంటున్నారు.
పురుగులతో తయారైన ఆహారం రుచి ఎలా ఉంది.. పోషకాహారం వంటి వాటి గురించి మాట్లాడడం కరెక్ట్ కాదు.. ఎందుకంటే.. ఆహార తయారీలో కీటకాలను వాడడం వలన పోషకాలతో పాటు రుచి కూడా పెరుగుతుందని పూరిపాట్ చెబుతున్నారు. ఇదే విషయంపై ఒక కస్టమర్ మాట్లాడుతూ.. బర్గర్ బౌన్స్‌లో జింగుర్ (ఇలకోడి ) పరుగుల రుచి తెలియడం లేదని.. చాలా టేస్టీగా ఉన్నాయని ఒక కస్టమర్ చెప్పాడు. ఈ పురుగులతో తయారు చేసిన బర్గర్ అయినా, ఫ్రెంచ్ ఫ్రై అయినా రుచి అద్భుతంగా ఉంటుందని చెప్పారు.
ఐక్యరాజ్యసమితికి చెందిన ఫుడ్ అండ్ అగ్రికల్చర్ ఆర్గనైజేషన్ (FAO-ఫుడ్ అండ్ అగ్రికల్చర్ ఆర్గనైజేషన్) ప్రకారం, ప్రపంచవ్యాప్తంగా దాదాపు రెండు బిలియన్ల మంది ప్రజలు ప్రతిరోజూ తమ ఆహారంలో కీటకాలు, చిమ్మటలను తీసుకుంటున్నారని తెలుస్తోంది. మిలియన్ల మంది ప్రజలు మిడతలు, ఇలకోడి, వంటి కీటకాలను ఉత్సాహంతో తింటున్నారని.. చాలా మందికి కీటకాలు ప్రధాన ఆహారవనరుగా మారిందని చెప్పారు.
కొంతమంది మందు బాబులు వైన్ తాగుతూ.. కీటకాల లార్వాలతో తయారు చేసిన ఫుడ్ ని తినడానికి ఇష్టపడతారు. అలాగే, భారతదేశంలో కూడా కీటకాలను ఆహారంగా తీసుకుంటాజ్రు. అనేక తెగలు తమ పూర్వీకుల నుండి కీటకాలను తినడం వారసత్వంగా పొందాయి. మధ్యప్రదేశ్, ఒడిశా, కర్ణాటక, తమిళనాడు, కేరళ, మేఘాలయ, నాగాలాండ్, అస్సాం, మణిపూర్, అరుణాచల్ ప్రదేశ్‌లలో కీటకాలను తినే అలవాటు ఎక్కువగా ఉంది. పోషకాలు, పర్యావరణ ప్రయోజనాల కోసం ఈశాన్య భారతదేశంలోని అనేక వర్గాల సంప్రదాయ ఆహారంలో కీటకాలు చేర్చబడ్డాయి
కీటకాలు పోషకాహారంతో నిండి ఉన్నాయి. కొన్ని రకాల కీటకాలలో మానవులకు చాలా ముఖ్యమైన ప్రోటీన్లు, విటమిన్లు, కార్బోహైడ్రేట్లు , అమైనో ఆమ్లాలు ఉంటాయి. జంతువుల నుంచి లభించే ప్రొటీన్‌కు సమానమైన ప్రొటీన్‌ను కీటకాలు అందించగలవు. నివేదిక ప్రకారం, ఈ కీటకాల్లో కార్బన్ పాదముద్ర కూడా తక్కువగా ఉంది. అటువంటి పరిస్థితిలో, నిపుణులు రోజువారీ జీవితంలో వాటిని తినే ఆహారంగా చేర్చుకోవడం వలన అటు పర్యావరణానినికి.. ఇటు మనిషికి మంచిది అని అంటున్నారు.