Viral News: రెండు పుచ్చకాయలు 18 లక్షల రూపాయలకు అమ్ముడయ్యాయి… ఎందుకంటే
ప్రజంట్ వేసవి ఎండలు అధికమవ్వడంతో మార్కెట్లో పుచ్చకాయల డిమాండ్ చాలా పెరిగింది. అయితే పుచ్చకాయలు కొనడానికి మనం ఎక్కువ డబ్బు ఖర్చు చేయవలసిన అవసరం లేదు. అవి రీజనబుల్ రేట్లకే మార్కెట్లలో లభ్యమవుతాయి. కానీ కేవలం రెండు పుచ్చకాయలు లక్షలాది రూపాయలకు అమ్ముడయ్యాడంటే.. మీరు నమ్ముతారా.. పదండి అసలు విషయం ఏంటో తెలుసుకుందాం.
పుచ్చకాయ వేసవి కాలంలో ఉత్తమ పండుగా పరిగణించబడుతుంది. అందువల్ల, దాని అమ్మకాలు కూడా అధికంగా ఉన్నాయి. అయితే, రెండు పుచ్చకాయలను జపాన్లోని నార్త్ హక్కైడోలో వేలం వేశారు. ఊహించని విధంగా అవి భారీ ధరకు అమ్ముడయ్యాయి. అవి అమ్ముడైన ధర చూసి ప్రపంచవ్యాప్తంగా ప్రజలు ఆశ్చర్యపోయారు.
అందుతున్న సమాచారం ప్రకారం.. ఉబారీ అని పిలువబడే రెండు పుచ్చకాయలను 27 లక్షల యెన్లకు (18,19,712 లక్షలు) కొనుగోలు చేశారు. ఈ వేలం నిర్వాహకులు మాట్లాడుతూ, ఇలాంటి ఉబరీ పుచ్చకాయలు అద్భుతమైన నాణ్యత, రుచికి ప్రపంచవ్యాప్తంగా చాలా ప్రసిద్ది చెందాయని చెప్పారు. ఇది గత ఏడాది ధర కంటే 22 రెట్లు ఎక్కువ అని తెలిపారు.
పుచ్చకాయల సీజన్ ప్రారంభంలో ఈ సాంప్రదాయం వేలం నిర్వహిస్తారు. శీతాకాలంలో చాలా కష్టమైన పరిస్థితుల్లో ఈ పంట పండిస్తారు. పంట మేలో మొదలై ఆగష్టు వరకు ఉంటుంది.
ఈ ప్రత్యేకమైన పుచ్చకాయలను ఉబారి కింగ్ అని పిలుస్తారు, ఇది జపాన్లోని యుబారి ప్రాంతంలో ఉత్పత్తి అవుతుంది. మీడియా నివేదికల ప్రకారం, ఈసారి బేబీ ఫుడ్ కంపెనీ యజమాని ఈ పుచ్చకాయలకు అత్యధిక ధర చెల్లించారు.
ఆన్లైన్ డ్రాలో ఎంపికైన చిన్న పిల్లలతో ఉన్న కుటుంబాలకు వేలం వేసిన పుచ్చకాయలు విరాళంగా ఇస్తారు. పుచ్చకాయ శరీరానికి చాలా ప్రయోజనకరంగా ఉంటుంది. ఇది చాలా వైరస్లు, బాక్టీరియల్ ఇన్ఫెక్షన్ల ప్రమాదం నుండి దూరంగా ఉంచుతుంది.