కారు నాదే అంటున్న కొండముచ్చు..ఎంత దర్జాగా కూర్చుందో..
కోతులు బెడదతో తట్టుకోలేక రైతులు ,గ్రామస్తులు విసిగి పోతున్నారు..ఇళ్లలో చొరబడి బీభత్సం చేస్తున్నాయి.పంట పొలాల్లో పంటలు ధ్వంసం చేస్తున్నాయి..ఎన్ని ప్రయత్నాలు చేసినా వానరాలు ఆగడం లేదు,ఒక్కోసారి గుంపుగా వచ్చి మనుషులపై దాడులు చేస్తూ గాయపరుస్తున్నాయి.ఎక్కడ చూసినా జనాలు ఇదే ఇబ్బందులు పడుతున్నారు.
అయితే కొన్ని ప్రాంతాల్లో కోతుల నివారణకు కొండముచ్చు లు తీసుకువస్తే. వాటిని చూసి పరారవుతాయి. అయితే ఖమ్మం జిల్లా నేలకొండపల్లిలో ఒక అరుదైన దృశ్యం కనిపించింది. రోడ్డు పక్కన ఆపి ఉన్న కారు పైకి ఎక్కిన కొండ ముచ్చు ఏకంగా కారునే తన రాజ్యంగా మార్చుకుంది. ఈ వీడియో ఇప్పుడు సోషల్ మీడియాలో వైరల్ గా మారింది.
కొండ ముచ్చు చేసిన హడావుడి కి కారు తీయలేని పరిస్థితి నెలకొంది ..నేలకొండపల్లి సెంటర్లో రోడ్డు పక్కన ఒక కారును ఆపి ఉంచారు. అంతే ఒక్కసారిగా పెద్ద కొండ ముచ్చు వచ్చి కారు బోనెట్, డోర్, రూఫ్ పైకి ఎక్కి హల్చల్ చేయడం మొదలుపెట్టింది.
కారు యజమాని దిగమని ఎంత బెదిరించినా అది వినకుండా యజమానిపైకే దాడికి దిగేలా భయపెట్టింది. రెండు గంటల పాటు అది కారుపైనే తిష్ట వేసి కూర్చుంది. ఈ వింతను చూసేందుకు స్థానికులు, వాహనదారులు గుమిగూడారు.
కొందరు ఫోన్లలో వీడియోలు తీయగా, అవి కాస్తా నెట్టింట్లో చక్కర్లు కొడుతున్నాయి. "కారు కొండముచ్చు రాజసం" అంటూ నెటిజన్లు కామెంట్లు పెడుతున్నారు.మనుషులకు భయపడాల్సిన కొండముచ్చు.. ఇప్పుడు కారును ఆక్రమించి రాజసం చూపించడంతో అక్కడున్నవారు అయ్యో ఇదే విచిత్రంగా అనుకున్నారు.