సమ్మర్ టూర్ ప్లాన్ చేస్తున్నారా..? ఈ 5 ప్రదేశాలకు వెళ్లేముందు ఆలోచించండబ్బా.. అప్పడం అవుతారు!
భారతదేశంలో మార్చి, ఏప్రిల్ నెలలు ప్రయాణాలకు అత్యంత అనువైన కాలంగా భావిస్తారు. పరీక్షలు పూర్తై, స్కూళ్లు, కాలేజీలకు సెలవులు ప్రకటిస్తారు. దీంతో తల్లిదండ్రులు ఈ సమయంలో సమ్మర్ టూర్స్ ప్లాన్ చేస్తుంటారు. అయితే, మార్చి, ఏప్రిల్ నెలల్లో అన్ని ప్రదేశాలు ప్రయాణానికి అనువైనది కాదని చాలా మందికి తెలియదు. అవును, మీరు విన్నది నిజమే. కొన్ని ప్రదేశాలు విపరీతమైన రద్దీగా మారతాయి. ఇంకొన్ని ప్రదేశాలు భరించలేని వేడి ఉక్కపోతకు కారణం అవుతాయి. ఇది మీ ఆనందాన్ని పాడుచేయగలవు. మీరు ఈ నెల చివరిలో ప్రయాణాన్ని ప్లాన్ చేస్తుంటే, ఏయే ప్రదేశాలకు వెళ్లకుండా ఉండటం ఉత్తమమో తెలుసుకోవడం చాలా ముఖ్యం. అవేంటో ఇక్కడ చూద్దాం..
జైసల్మేర్, రాజస్థాన్ (Jaisalmer): రాజస్థాన్ను ఎడారి రాష్ట్రం అని పిలుస్తారు. జైసల్మేర్ ఎడారి మధ్యలో ఉండటం వల్ల మార్చి నుండే ఇక్కడ ఇసుక వేడెక్కడం మొదలవుతుంది. పగటిపూట ఉష్ణోగ్రతలు 34–38 డిగ్రీల సెల్సియస్కు చేరుకుంటాయి. మధ్యాహ్నం వేళ బయట తిరగడం దాదాపు అసాధ్యం. వేడి గాలులు (Loo) మీ ఆరోగ్యంపై ప్రభావం చూపుతాయి. మీరు రాజస్థాన్ పర్యటనకు ప్లాన్ చేస్తుంటే, ఒకటికి రెండుసార్లు ఆలోచించండి. మీకు సౌకర్యవంతమైన ప్రయాణం కావాలంటే, మార్చి నెలలో ఎడారి ప్రాంతాలకు వెళ్లకుండా ఉండటం ఉత్తమం. ఇక్కడి కోటలు, ఒంటె సవారీలు ఆస్వాదించాలంటే నవంబర్ నుండి ఫిబ్రవరి వరకు ఉత్తమ సమయం.
మసూరీ (Mussoorie): పాఠశాల, కళాశాలల సెలవులతో మార్చి నెల మసూరీలో పర్యాటక సీజన్కు నాంది పలుకుతుంది. పెరుగుతున్న రద్దీ, ట్రాఫిక్ వల్ల మాల్ రోడ్లో నడవడమే కష్టంగా ఉంటుంది. ఇక పార్కింగ్ దొరకడం గురించి చెప్పనక్కర్లేదు. మీరు ప్రశాంతమైన, తక్కువ ఖర్చుతో కూడిన గమ్యస్థానం కోసం చూస్తున్నట్లయితే, మార్చిలో మసూరీని సందర్శించడాన్ని పరిగణించండి.
కచ్, గుజరాత్ (Rann of Kutch): తెల్లటి ఉప్పు మైదానాలకు ప్రసిద్ధి చెందిన కచ్, మార్చి, ఏప్రిల్ నెలల్లో నిప్పుల కొలిమిలా మారుతుంది. ఇక్కడ చెట్లు తక్కువగా ఉండటం వల్ల నీడ దొరకడం కష్టం. ఉప్పు సూర్యరశ్మిని ప్రతిబింబించడం వల్ల కళ్లకు, చర్మానికి ఇబ్బంది కలుగుతుంది. ఇక్కడి ప్రసిద్ధ రన్ ఉత్సవ్ కూడా శీతాకాలంలోనే ముగుస్తుంది. కాబట్టి, ఎండాకాలంలో ఇక్కడికి వెళ్లడం వృధా ప్రయాణమే అవుతుంది.
ఆగ్రా(Agra) : చాలా మంది ఎక్కువ దూరం ప్రయాణించాల్సిన అవసరం లేకుండా ఆగ్రా వంటి ఢిల్లీకి సమీపంలోని ప్రదేశాలను సందర్శించడానికి ప్రణాళిక వేసుకుంటారు. అయితే, మార్చి లేదా ఏప్రిల్ నెలల్లో ఆగ్రాను సందర్శించడం కొంచెం సవాలుగా ఉంటుంది. తీవ్రమైన వేడి కారణంగా నడవడం కష్టంగా ఉంటుంది. వేసవిలో మీరు మీ టూర్ని ఎంజాయ్ చేయాలంటే కేరళలోని మున్నార్, హిమాచల్ ప్రదేశ్లోని మనాలి లేదా సిక్కిం వంటి చల్లని ప్రదేశాలను ఎంచుకోండి.
విజయవాడ (Vijayawada): ఆంధ్రప్రదేశ్ దక్షిణ భారతదేశంలో అత్యంత వేడి నగరాల్లో విజయవాడ ఒకటి. దీనిని స్థానికంగా 'బ్లేజివాడ' (Blazewada) అని కూడా పిలుస్తారు. ఏప్రిల్ నెలలో ఇక్కడ ఉష్ణోగ్రతలు సులభంగా 40-45 డిగ్రీల సెల్సియస్ను దాటుతాయి. కృష్ణా నది ఒడ్డున ఉండటం వల్ల గాలిలో తేమ (Humidity) ఎక్కువగా ఉండి, విపరీతమైన ఉక్కపోతకు గురిచేస్తుంది. పర్యాటక ప్రాంతాల సందర్శన ఈ వేడిలో అసౌకర్యంగా మారుతుంది.