Relationship Tips: వైవాహిక బంధాన్ని కలకాలం ఎంజాయ్ చేసేందుకు పంచ సూత్రాలు.. ఇలా చేస్తే ఇక తిరుగుండదు..
ప్రస్తుతం కాలంలో వైవాహిక బంధాలు బలహీనంగా మారుతున్నాయి. స్థిరమైన వైవాహిక సంబంధాన్ని కొనసాగించడానికి భార్యాభర్తల మధ్య కమ్యూనికేషన్, నమ్మకం, రాజీ, సహకారం, ప్రేమ, విశ్వాసం లాంటివి ఉండాలి. భార్యాభర్తలిద్దరూ ఒకరినొకరు గౌరవించుకుని, పరస్పరం సహకరించుకున్నప్పుడు వారి జీవితం, లైంగిక జీవితం ఆనందకరంగా మారుతుంది.
ప్రస్తుతం కాలంలో వైవాహిక బంధాలు బలహీనంగా మారుతున్నాయి. స్థిరమైన వైవాహిక సంబంధాన్ని కొనసాగించడానికి భార్యాభర్తల మధ్య కమ్యూనికేషన్, నమ్మకం, రాజీ, సహకారం, ప్రేమ, విశ్వాసం లాంటివి ఉండాలి. భార్యాభర్తలిద్దరూ ఒకరినొకరు గౌరవించుకుని, పరస్పరం సహకరించుకున్నప్పుడు వారి జీవితం, ఫిజికల్ రిలేషన్ ఆనందకరంగా మారుతుంది. దీంతో వారు ఒకరినొకరు మనస్సుతో సంభాషించుకోగలరు. వైవాహిక జీవితంలో చేసే కొన్ని తప్పులు.. మొత్తం సంబంధాన్ని ప్రభావితం చేస్తాయి. కొన్నిసార్లు చిన్న విషయాలు పెద్ద గొడవలకు దారితీస్తాయి. ఇలాంటి సందర్భంలో వైవాహిక జీవితంపై చెడు ప్రభావాన్ని చూపే.. విషయాలేంటో ఇప్పుడు తెలుసుకుందాం..
ప్రతిదానిపై పోరాడకుండా ఉండండి: ఆరోగ్యకరమైన వైవాహిక జీవితం కోసం పాత విషయాలను వదిలివేయడం చాలా ముఖ్యం. గత తప్పిదాలను గుర్తుచేయడం, ప్రతిదానికి చీదరించుకోవడం, చిటికిమాటికీ తగదా పడటం, పాత, ప్రస్తుత సమస్యలను పొలుస్తూ ఉండటం లాంటివి సంబంధాన్ని మరింత బలహీనంగా మారుస్తాయి. అందువల్ల, మీ భాగస్వామితో ఏ సమస్య ఉన్నా.. ఒకరితో ఒకరు మాట్లాడుకోండి. ఆ సమస్యలకు పరిష్కారం కనుగొనండి. తద్వారా ఇద్దరూ పరస్పర సహకారంతో సంతోషకరమైన జీవితాన్ని గడపవచ్చు.
భార్యాభర్తల మధ్య గోప్యతకు భంగం కలిగించవద్దు: కొందరు వ్యక్తులు తమ భాగస్వామి గురించి వారి స్నేహితులు లేదా బంధువులకు చెప్పడం ప్రారంభిస్తారు. ఇలాంటి సమయంలో తమ భాగస్వామి చెడు లక్షణాల గురించి మాత్రమే మాట్లాడతారు. ఇది వారి సంబంధంపై తీవ్రమైన ప్రభావాన్ని చూపుతుంది. ఈ రకమైన చర్య మీ సంబంధానికి హాని కలిగించవచ్చు. ఇది మీ భాగస్వామిని అవమానం కలిగించడంతోపాటు.. మీ నుండి దూరంగా వెళ్లేలా చేస్తుంది. కావున ఇతరులకు చెప్పకుండా, మీ భాగస్వామితో నేరుగా మాట్లాడి, మీ సమస్యలకు మీరే పరిష్కారాలు కనుగొనండి. దీని వల్ల మీ సంబంధం మరింత బలపడుతుంది.
ఇతరులతో పోల్చవద్దు: మీ జీవిత భాగస్వామిని వేరొకరి జీవిత భాగస్వామితో ఎప్పుడూ పోల్చవద్దు. ప్రతి మనిషి భిన్నంగా ఉంటారన్న విషయాన్ని తెలుసుకోండి. ఒక వ్యక్తి బలాలు, బలహీనతలను అర్థం చేసుకోవడం మరొక వ్యక్తికి అంత సులభం కాదు. అందుకే ఎదుటివారి జీవిత భాగస్వామిని చూసి మనం మన జీవిత భాగస్వామిని పోల్చకూడదు. బదులుగా మన జీవిత భాగస్వామి లక్షణాలను అంగీకరించాలి.. వారి ప్రవర్తనకు అనుగుణంగా నడుచుకోవాలి. ఈ విధంగా మీరు మీ భాగస్వామితో సంతోషకరమైన సంబంధాన్ని కొనసాగించవచ్చు.
అందరితో గౌరవంగా ఉండండి: ప్రపంచంలో ఏ వ్యక్తి తన తల్లిదండ్రుల గురించి తప్పుగా వినలేడు. అందుకే మీరు మీ భాగస్వామి తల్లిదండ్రుల పట్ల ఎల్లప్పుడూ గౌరవ భావాన్ని కలిగి ఉండాలి. ఈ కారణంగానే చాలా సంబంధాలలో తగాదాలు కనిపిస్తుంటాయి. ఎందుకంటే భాగస్వామి తల్లిదండ్రులకు ఏదైనా చెప్పినా.. హాస్యాస్పదంగా మాట్లాడినా.. అది గొడవకు దారితీస్తుంది. అందుకే మన బంధంలో ఎలాంటి ఇబ్బందులు రాకుండా ఉండాలంటే.. అందరి పట్లా గౌరవ భావం ఉండాలి.
ఒకరితో ఒకరు ఎక్కువ కాలం కోపంగా ఉండకండి: మీ సంబంధంలో విపరీతమైన గొడవలు ఉంటే, శాంతించడమే ఉత్తమ పరిష్కారం. ఒక వ్యక్తి తగాదా మూడ్‌లో ఉంటే, అవతలి వ్యక్తి విని అర్థం చేసుకోవాలి. ఇది ఇద్దరి సమస్యను పరిష్కరించగలదు. మాట్లాడుకోకుండా సమస్యలు పరిష్కరించడం కష్టం.. ఇద్దరూ మాట్లాడుకోకపోతే సమస్యలు పరిష్కారం కావు. మీరిద్దరూ పోట్లాడుకునే మూడ్‌లో ఉన్నట్లయితే.. కొంత సమయం తర్వాత ప్రశాంతంగా ఉన్నప్పుడు తర్వాత సంభాషించుకోండి. తద్వారా మీ సంబంధం బలపడుతుంది.