ఆగస్టు, సెప్టెంబర్లో మాత్రమే పూసే పూల మొక్కలు ఇవే!
జూన్, జూలై వచ్చిందంటే చాలు ఒక్కసారిగా వాతావరణం చల్లబడుతుంది.అంతే కాకుండా తొలకరి చినుకులతో చాలా చల్లటి వాతావరణం అందరి మనసు దోచేస్తది. ఈ సీజన్లో చాలా మంది తమ ఇంటిని అందమైన పూల మొక్కలతో నింపడానికి ఎక్కువ ఇంట్రెస్ట్ చూపిస్తుంటారు. అయితే జూలై, ఆగస్టు, సెప్టెంబర్ వికసించే మొక్కలు ఏవి? ఏ మొక్కలు ఈ టైమ్లో వికసిస్తాయో ఇప్పుడు తెలుసుకుందాం.
జిన్నియా, దీనిని పట్నం బంతిపువ్వులు అని కూడా పిలుస్తారు కొన్ని చోట్ల. అయితే ఈ మొక్క విత్తనాలు మార్కెట్లో చాలా దొరుకుతాయి. ఈ పూలు వివిధ రంగుల్లో ఉంటాయి. అంతేకాకుండా అందరినీ ఆకర్షిస్తాయి. అయితే ఈ మొక్క విత్తనాలను జూన్ చివరి వారంలో విత్తడం వలన ఇవి ఆగస్టు, సెప్టెంబర్ మధ్యలో ఈ మొక్కపూలు వికసిస్తాయి.
బంతిపువ్వులు, ఈ మొక్కలు చాలా విరివిగా దొరుకుతాయి. అంతే కాకుండా ఇందులో మూడు రంగులు ఉంటాయి. వీటిని ఇంటి ఆవరణంలో పెట్టుకోవడం వలన పాములు కూడా రావు అంటారు. అంతే కాకుండా ఈ పూలు చాలా ఎక్కువ మొత్తంలో పూస్తుంటాయి. అయితే ఈ పువ్వు విత్తనాలను జూన్ చివర్లో నాటడం వలన ఈ మొక్క పూలు సెప్టెంబర్లో వికసిస్తాయి.
పోర్టులాకా, దీనిని గంటల పువ్వులు లేదా గడ్డి మొక్కలు పువ్వులు, గడ్డి గులాబీ ఇలా చాలా రకాలుగా పిలుస్తుంటారు. ఇవి పెట్టిన మరసటి రోజే పూలు పూస్తాయి. అంతే కాకుండా ఇంటిఆవరణంలో పెట్టుకోవడం లేదా బాల్కానీలో పెట్టుకోవడం వలన ఈ పూలతో ఇంటికే అందం వస్తుంది. అయితే మొక్కలను కాస్త ఎండ తగిలే చోట నాటుకోవాలి.
కలేన్డ్యులా ఇది చాలా అందమైన మొక్కల్లో ఒకటి. ఈ మొక్క పూలు చాలా అందంగా ఉంటాయి. అంతే కాకుండా ఇది చర్మసౌందర్యానికి కూడా చాలా ఉపయోగపడుతుంది. ఎందుకంటే ఈ మొక్కలో అనేక ఔషధ గుణాలు చర్మసౌందర్యాన్ని కాపాడుతాయి. అయితే వీటిని జూన్ చివరలో విత్తుకోవచ్చు. కానీ కాస్త నీడ ఉండే ప్రదేశంలో ఈ మొక్కలను పెంచుకోవడం బెస్ట్.
బాల్సమ్ పూలు.వీటిని గోరంట పూలు కూడా అంటారు. ఇవి వర్షాకాలంలో మాత్రమే పూస్తుంటాయి. చెట్టు నిండుగా గుంపుల గుంపులుగా ఈ పూలు పూస్తాయి. చూడనీకి చాలా ఆకర్షణీయంగా కనిపిస్తాయి. అంతే కాకుండా ఈ పూలు వివిధ రంగుల్లో వికసిస్తాయి. అయితే ఈ మొక్క విత్తనాలు విత్తేటప్పుడు కాస్త తేమగా ఉండే ప్రదేశంలో నాటడం ఉత్తమం.