కొత్త బైక్ కొనాలనుకుంటున్నారా? ఆఫీస్కు వెళ్లే వారికి సూటైయ్యే టాప్ 5 బైకులు ఇవే!
భారత మార్కెట్లో కొత్త బైక్ల వెల్లువ మధ్య, నమ్మకమైన పనితీరు, తక్కువ మెయింటెనెన్స్ ఖర్చులతో రోజువారీ ప్రయాణాలకు అనువైన బైక్ను ఎంచుకోవడం గందరగోళంగా మారింది. ఈ ఆర్టికల్, ఆఫీసు లేదా వ్యాపార అవసరాల కోసం అత్యంత అనుకూలమైన, తక్కువ ఖర్చుతో నడిచే టాప్ 5 బైక్లను పరిచయం చేస్తుంది.
ప్రస్తుతం భారతీయ మార్కెట్లో ప్రతిరోజూ కొత్త బైక్ మోడళ్లు విడుదలవుతుండటంతో వినియోగదారులు ఏది ఎంచుకోవాలన్న దానిపై అయోమయానికి గురవుతున్నారు. ఎక్కువగా లుక్స్, స్పీడ్, ఫీచర్లకు ప్రాధాన్యత ఇస్తున్నప్పటికీ, రోజువారీ ప్రయాణాలకు ముఖ్యమైనది నమ్మకమైన పనితీరు, తక్కువ మెయింటెనెన్స్ ఖర్చు. ఈ నేపథ్యంలో రోజూ ఆఫీసు లేదా వ్యాపార అవసరాల కోసం ఉపయోగించడానికి అనువైన, తక్కువ ఖర్చుతో నడిచే టాప్-5 బైకుల గురించి ఇప్పుడు తెలుసుకునే ప్రయత్నం చేద్దాం.. మొదటగా Yamaha MT-15 V2 యువతలో విపరీతమైన క్రేజ్ ఉన్న ఈ బైక్ స్టైలిష్ లుక్తో పాటు శక్తివంతమైన 155cc ఇంజిన్ను కలిగి ఉంటుంది. ట్రాఫిక్లో కూడా సులభంగా నడపగలిగే ఈ బైక్, హై పెర్ఫార్మెన్స్తో పాటు మంచి రిలయబిలిటీని అందిస్తుంది.
రెండవది TVS Apache RTR 160 4V స్మూత్ రైడింగ్ అనుభవం, రైడింగ్ మోడ్స్ వంటి ఫీచర్లు ఈ బైక్ను ప్రత్యేకంగా నిలబెడతాయి. రోజువారీ ప్రయాణాల్లో అలసట లేకుండా సౌకర్యవంతంగా ప్రయాణించవచ్చు. టీవీఎస్ సర్వీస్ నెట్వర్క్ బలంగా ఉండటం కూడా ఒక పెద్ద ప్లస్.
మూడవది Hero Splendor Plus దశాబ్దాలుగా భారతీయుల విశ్వాసాన్ని గెలుచుకున్న ఈ బైక్, మైలేజీ, తక్కువ మెయింటెనెన్స్లో అగ్రగామిగా నిలుస్తోంది. సాధారణ వినియోగదారులకు ఇది అత్యంత నమ్మకమైన ఎంపికగా కొనసాగుతోంది.
నాలుగవది Bajaj Pulsar 125 పల్సర్ బ్రాండ్కు చెందిన ఈ మోడల్, స్టైలిష్ లుక్తో పాటు తక్కువ ఖర్చుతో నిర్వహించగలిగే బైక్గా గుర్తింపు పొందింది. పట్టణాల్లో రోజువారీ వినియోగానికి ఇది సరైన ఎంపిక.
చివరిగా Honda H'ness CB 350 క్లాసిక్ లుక్, స్మూత్ ఇంజిన్ పనితీరు ఈ బైక్ ప్రత్యేకత. 350cc సెగ్మెంట్లో ఉన్నప్పటికీ మెయింటెనెన్స్ తక్కువగా ఉండటం, లాంగ్ రైడ్స్కు అనువుగా ఉండటం దీని ప్రధాన ఆకర్షణ.