Titan celestor: ప్రీమియం స్మార్ట్‌వాచ్‌ కోసం చూస్తున్నారా.? టైటాన్‌ నుంచి అదిరిపోయే వాచ్‌ వచ్చింది.
ప్రస్తుతం మార్కెట్‌ను కొత్త స్మార్ట్‌వాచ్‌లు ముంచెత్తుతున్నాయి. కొంగొత్త ఫీచర్లతో కూడిన వాచ్‌లను కంపెనీలు తీసుకొస్తున్నాయి. ఓవైపు తక్కువ బడ్జెట్‌ వాచ్‌లతో పాటు మరోవైపు ప్రీమియం బడ్జెట్‌ వాచ్‌లు వస్తున్నాయి. ఈ క్రమంలోనే తాజాగా టైటాన్‌ ఓ ప్రీమియం స్మార్ట్ వాచ్‌ను లాంచ్‌ చేసింది. ఇంతకీ వాచ్‌లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
వాచ్‌ల తయారీకి పెట్టింది పేరైనా టైటాన్‌ కంపెనీ స్మార్ట్‌వాచ్‌ల తయారీలోనూ సత్తా చాటుతోంది. ఓవైపు టాటా సబ్‌ బ్రాండ్‌ అయిన ఫాస్ట్‌ట్రాక్‌ వాచ్‌లను తీసుకొస్తూనే మరోవైపు టైటాన్‌ పేరుతో కూడా స్మార్ట్ వాచ్‌లను లాంచ్‌ చేస్తున్నాయి. ఈ క్రమంలోనే తాజాగా టైటాన్‌ సెలెస్టార్‌ పేరుతో కొత్త వాచ్‌ను తీసుకొచ్చింది.
ఈ వాచ్‌ ఫీచర్ల విషయానికొస్తే ఇందులో 1.43 ఇంచెస్‌తో కూడిన అమోఎల్‌ఈడీ డిస్‌ప్లేను ఇచ్చారు. 750 నిట్స్‌ పీక్‌ బ్రైట్‌నెస్‌ ఈ స్క్రీన్‌ సొంతం. దీంతో ఈ వాచ్‌ డిస్‌ప్లే సన్‌లైట్‌లోనూ స్పష్టంగా కనిపిస్తుంది. ఇక మై ఫిట్‌నెస్‌ ఫీచర్‌ను అందించారు. దీంతో మీ ఫిట్‌నెస్‌ వివరాలన్నింటినీ తెలుసుకోవచ్చు.
ఫిట్‌నెస్‌తో పాటు అన్ని రకాల హెల్త్‌ ఫీచర్లను ఇందులో అందించారు. ఎస్‌పీఓ2, బ్లెడ్ ప్రెజర్‌, స్లీప్‌ ట్రాకింగ్‌తో పాటు మరెన్నో హెల్త్‌ ఫీచర్లను ఈ వాచ్‌లో అందించారు. ఈ వాచ్‌ బ్లూటూత్ కాలింగ్‌ ఫీచర్‌తో పనిచేస్తుంది.
ఈ స్మార్ట్‌వాచ్‌లో ఇన్‌బిల్ట్‌గా జీపీఎస్‌ను అందించారు. స్లీక్‌ అల్యూమినియం బాడీతో ఈ వాచ్‌ను డిజైన్‌ చేశారు. ఏఐ డ్యాష్‌బోర్డ్‌ను ఇందులో ప్రత్యేకంగా అందించారు. బ్యాటరీకి కూడా ఎక్కువ ప్రాధాన్యత ఇచ్చారు.
ఇక ధర విషయానికొస్తే టైటాన్‌ సెలెస్టర్‌ ధర రూ. 9,995గా నిర్ణయించారు. ఈ వాచ్‌ను బ్లాక్‌ ఎక్లిప్స్‌, అరోరా బ్లూ, మూన్‌ లైట్‌ కలర్స్‌లో తీసుకొచ్చారు.టైటాన్‌ షోరూమ్‌తో పాటు, అమెజాన్‌ వేదికగా ఈ వాచ్‌ అందుబాటులోకి వచ్చింది.