Best Smartwatches: రూ. 1,500లోపు బెస్ట్ స్మార్ట్ వాచ్‌లు ఇవే.. స్టైలిష్ లుక్.. టాప్ క్లాస్ ఫీచర్లతో..
ఆధునిక టెక్నాలజీ కారణంగా స్మార్ట్ ఫోన్ రూపంలో ప్రపంచం మన అరచేతిలోకి వచ్చిందని చెబుతారు. కానీ ఇంకా మెరుగుపడి స్మార్ట్ వాచ్ రూపంలో మన మణికట్టుపైకి చేరింది. ఈ వాచ్‌లను ఉపయోగించడం ద్వారా మన అనేక పనులను చాలా సులభంగా చేసుకోవచ్చు. ప్రయాణంలో ఉన్నా, రద్దీ ప్రాంతంలో తిరుగుతున్నా, వాహనాన్ని డ్రైవింగ్ చేస్తున్నా జేబులోని సెల్ ఫోన్ ను తీయకుండానే స్మార్ట్ వాచ్ తో మన కార్యకలాపాలు కొనసాగింవచ్చు. చాలా సులువుగా కాల్స్ చేసుకోవచ్చు, మెసేజ్ లకు బదులు ఇవ్వవచ్చు. ఇంకా ముఖ్యమైన విషయం ఏమిటంటే మన ఆరోగ్యాన్ని ఎప్పటి కప్పుడు పరిశీలించుకోవచ్చు. గుండె స్పందన, ఆక్సిజన్ స్థాయి, నిద్ర తదితర వాటినన్నీ పర్యవేక్షిస్తాయి. ఇన్ని ప్రయోజనాలు ఉన్న స్మార్ట్ వాచ్ ల ధరలు చాలా ఎక్కువగా ఉంటాయని అనుకోవద్దు. సామాన్య, పేద వర్గాలకూ అందుబాటులో కేవలం రూ.1500 ధరలో అనేక వాచ్ లు మార్కెట్ లో అందుబాటులో ఉన్నాయి. రూ.1500 లోపు కొన్ని ఉత్తమ స్మార్ట్ వాచ్‌ల వివరాలు ఇవి..
పీట్రాన్‌ రిఫ్లెక్ట్ కాల్జ్ స్మార్ట్‌వాచ్.. పూర్తి టచ్ డిస్‌ప్లే కారణంగా చాలా సులభంగా ఆపరేట్‌ చేసుకోవచ్చు. 2.5డీ కర్వ్డ్ డిస్‌ప్లేతో స్టైలిష్ లుక్ వస్తుంది. ఈ వాచ్‌లో రియల్ టైమ్ హార్ట్ రేట్ చెక్, ఎస్పీఓ2 చెక్, బ్లడ్ ప్రెజర్ చెక్, స్లీప్ మానిటర్, సెడెంటరీ అలర్ట్, స్టెప్ కౌంట్ వంటి ఆరోగ్యం, ఫిట్‌నెస్ ట్రాకర్లు అందుబాటులో ఉన్నాయి. ఈ వాచ్ ఆండ్రాయిడ్‌, ఐఓఎస్‌ రెండింటికీ అనుకూలంగా ఉంటుంది, వాటర్‌ప్రూఫ్‌తో పాటు బిల్ట్ ఇన్ గేమ్స్ కూడా ఉన్నాయి. దీని ధర రూ.999
నాయిస్ పల్స్ 2 మాక్స్.. ఈ వాచ్‌లో మెసేజ్‌లను స్పష్టంగా చదువుకోవచ్చు. స్మార్ట్ డీఎన్‌డీ ఫీచర్ మీరు నిద్రిస్తున్నప్పుడు, ముఖ్యమైన పనిలో ఉన్నప్పుడు కాల్స్, మెసేజ్‌లను మేనేజ్‌ చేయవచ్చు. మెరుగైన బ్యాటర్‌ సామర్థ్యం దీని ప్రత్యేకత. దాదాపు పది రోజుల వరకూ చార్జింగ్ వస్తుంది. అనేక రంగుల్లో అందుబాటులో ఉన్న నాయిస్ స్మార్ట్‌వాచ్ ధర రూ. 1,299.
ఫైర్-బోల్ట్ నింజా 3 ప్లస్.. ప్రముఖ ఫైర్ బోల్ట్ బ్రాండ్ విడుదల చేసిన ఈ స్మార్ట్ వాచ్ ఆకర్షణీయమైన లుక్ లో అదరగొడుతోంది. దీనిలో వందకంటే ఎక్కువ స్పోర్ట్స్ మోడ్‌లు అందుబాటులో ఉన్నాయి. 1.83 అంగుళాల పెద్ద స్క్రీన్ కారణంగా మెసేజ్ లను స్పష్టంగా చదువుకోవచ్చు. మీ గుండె ఆరోగ్యాన్ని ఎప్పటికప్పుడు పర్యవేక్షించవచ్చు. ముఖ్యంగా దుమ్ము, వర్షపు చినుకులు ఈ వాచ్ లోకి వెళ్లలేవు. శక్తివంతమైన బ్యాటరీ, వాటర్ రెసిస్టెంట్ దీనికి ప్రత్యేకతలు. అయితే బ్లూటూత్ కాలింగ్ లేకపోవడం మైనస్. ఈ ఫైర్-బోల్ట్ స్మార్ట్‌వాచ్ ధర రూ. 999.
బీట్‌ఎక్స్‌పీ మార్వ్ ఆరా 1.83.. 1.83 హెచ్‌ డీ డిస్‌ప్లే, బ్లూటూత్ కాలింగ్ ఈ వాచ్ ప్రత్యేకతలు. ఫిట్‌నెస్ ఔత్సాహికులకు మంచి ఎంపిక. వాటర్ రెసిస్టెంట్, వంద కంటే ఎక్కువ స్పోర్ట్స్ మోడ్‌లు, ఏఐ వాయిస్‌ దీనిలో ఉన్నాయి. మీ ఆరోగ్యాన్ని 24 గంటలూ పర్యవేక్షిస్తుంది. దీని ధర రూ. 1,099.
బోట్ వేవ్ సిగ్మా స్మార్ట్‌వాచ్.. బ్లూటూత్ కాలింగ్ ఫీచర్‌తో ఆకట్టుకుంటోంది. లోపలి స్పీకర్, మైక్రోఫోన్‌ దీని ప్రత్యేకతలు. దీని ద్వారా చాటింగ్ సులభం. ఒక్కసారి చార్జింగ్ చేస్తే ఐదు రోజుల పాటు పనిచేస్తుంది. మెరుగైన బ్యాటరీ సామర్థ్యం కారణంగా మనకు చార్జింగ్ అయిపోతుందనే ఆందోళన ఉండదు. నిద్ర, గుండె స్పందన, ఆక్సిజన్ స్థాయిలను ఎప్పటికప్పుడు పరిశీలించుకోవచ్చు. ఈ బోట్ స్మార్ట్‌వాచ్ రూ.1,499కు లభిస్తుంది.