Teckno spark go: రూ. 7 వేలకే స్మార్ట్‌ఫోన్‌… స్టన్నింగ్ ఫీచర్స్‌తో టెక్నో స్పార్క్‌ గో ఫోన్‌..
టెక్‌ మార్కెట్లోకి కొత్త బడ్జెట్‌ స్మార్ట్ ఫోన్‌ వచ్చేసింది. రూ. 7వేల లోపు అందుబాటులో ఉన్న ఈ ఫోన్‌లో అదిరిపోయే ఫీచర్లను అందించారు. ఇంతకీ ఈ ఫోన్‌లో ఉన్న ఫీచర్లు ఏంటి.? ధర ఎంత లాంటి వివరాలు మీకోసం..
హాంగ్‌కాంగ్‌కు చెందిన ప్రముఖ ఎలక్ట్రానిక్‌ సంస్థ టెక్నో తాజాగా బడ్జెట్‌ ధరలో కొత్త స్మార్ట్ ఫోన్‌ను లాంచ్‌ చేసింది. టెక్నో స్పార్క్‌ గో పేరుతో మార్కెట్లోకి కొత్త ఫోన్‌ను తీసుకొచ్చింది. ఈ ఫోన్‌ను ఒక్కసారి ఛార్జ్‌ చేస్తే ఏకంగా 25 గంటల వరకు వీడియో ప్లేబ్యాక్‌ రావడం విశేషం.
ఈ స్మార్ట్ ఫోన్‌ను మొత్తం మూడు వేరియంట్స్‌లో తీసుకొచ్చారు. 3జీబీ ర్యామ్‌, 32 జీబీ స్టోరేజ్‌ బేస్ మోడల్ ధర రూ.6,999గా ఉంది. 3జీబీ ర్యామ్‌, 64జీబీ స్టోరేజ్‌, 4జీబీ, 64 జీబీ స్టోరేజ్‌ వేరియంట్లలో కూడా అందుబాటులో ఉంటుంది.
ఎండ్‌లెస్ బ్లాక్, ఉయుని బ్లూనెబ్యులా పర్పుల్‌ కలర్స్‌లో విడుదల చేశారు. ఫీచర్ల విషయానికొస్తే ఈ ఫోన్‌లో 6.56- అంగుళాల ఐపీఎస్‌ ఎల్‌సీడీ డిస్‌ప్లేను అందించారు.
మీడియాటెక్‌ హీలియో ఏ22 ఎస్‌ఓసీ ప్రాసెసర్‌తో పనిచేసే ఈ స్మార్ట్ ఫోన్‌ ఆండ్రాయిడ్‌ 12 హెచ్‌ఐఓఎస్‌ 12.0 ప్రాసెసర్‌తో రన్‌ అవుతుంది. 5000 ఎంఏహెచ్‌ వంటి పవర్‌ ఫుల్ బ్యాటరీని అందించారు.
కెమెరా విషయానికొస్తే ఈ స్మార్ట్ ఫోన్‌లో రియర్‌ డ్యూయల్‌ కెమెరాను అందించారు. f/1.85 ఎపర్చర్‌తో 13ఎంపీ ప్రైమరీ కెమెరాను ఇచ్చారు. సెల్ఫీల కోసం 5 మెగాపిక్సెల్‌ ఫ్రంట్‌ కెమెరాను అందించారు.