Redmi note 11: రేపే రెడ్‌మీ కొత్త ఫోన్ లాంచ్‌.. తక్కువ ధరలో ఆకట్టుకునే ఫీచర్లు రెడ్‌మీ నోట్‌ 11 సొంతం..
Redmi note 11: చైనాకు చెందిన స్మార్ట్‌ ఫోన్ తయారీ సంస్థ రెడ్‌మీ తాజాగా కొత్త ఫోన్‌ను లాంచ్‌ చేసింది. రెడ్‌మీ నోట్‌ 11 పేరుతో తీసుకొచ్చిన ఈ ఫోన్‌ను తక్కువ బడ్జెట్‌లోనే ఆకట్టుకునే ఫీచర్లతో తీసుకొచ్చారు. మరి ఈ ఫోన్ ఫీచర్లపై మీరూ ఓ లుక్కేయండి..
చైనాకు చెందిన ప్రముఖ స్మార్ట్‌ ఫోన్ తయారీ సంస్థ రెడ్‌మీ తాజాగా మార్కెట్లోకి కొత్త ఫోన్‌ను లాంచ్‌ చేసింది. రెడ్‌మీ నోట్‌ 11 ఫోన్‌ను తీసుకొచ్చింది.
ఫిబ్రవరి 11న ఈ స్మార్ట్‌ ఫోన్ సేల్‌ ప్రారంభం కానుంది. ఎంఐ అధికారిక వెబ్‌సైట్‌తో పాటు అన్ని ఆన్‌లైన్‌ షాపింగ్‌ ప్లాట్‌ఫామ్స్‌లో ఈ ఫోన్‌లను కొనుగోలు చేసకోవచ్చు.
రెడ్‌మీ నోట్‌ 11 ఫీచర్ల విషయానికొస్తే ఇందులో.. 6.43 ఇంచెస్‌ ఫుల్‌ హెచ్‌డీ+ అమోఎల్‌ఈడీ డిస్‌ప్లేను అందించారు. క్వాల్కమ్‌ స్నాప్‌డ్రాగన్‌ 680 ప్రాసెసర్‌తో పనిచేసే ఈ ఫోన్ ఆండ్రాయిడ్‌ 11 ఆపరేటింగ్ సిస్టమ్పై పనిచేస్తుంది.
కెమెరాకు అధిక ప్రాధాన్యత ఇచ్చిన ఈ ఫోన్‌లో 50 మెగా పిక్సెల్‌ రెయిర్‌ కెమెరాతో పాటు, సెల్ఫీల కోసం 13 మెగాపిక్సెల్‌ ఫ్రంట్‌ కెమెరాను అందించారు. ఇక 33 వాట్‌ ఫాస్ట్‌ చార్జింగ్‌తో కూడిన 5000 ఎంఏహెచ్‌ బ్యాటరీని ఇచ్చారు.
ధర విషయానికొస్తే ఈ ఫోన్‌ను మొత్తం వేరియంట్లలో తీసుకురానున్నారు. 4జీబీర్యామ్‌+64 జీబీ స్టోరేజ్‌ ధర రూ. 13,499, 6జీబీ ర్యామ్‌+64 జీబీ స్టోరేజ్‌ వేరియంట్‌ ధర రూ. 14,499, 6 జీబీ ర్యామ్‌+128 జీబీ స్టోరేజ్‌ ధర రూ. 15,999గా ఉంది.