Oppo Find X8: ఒప్పో నుంచి లక్ష రూపాయల ఫోన్‌.. నేటి నుంచే సేల్ ప్రారంభం..
ఓవైపు బడ్జెట్‌ ఫోన్‌లను తీసుకొస్తూనే మరోవైపు ప్రీమియం ఫోన్‌లను తీసుకొస్తోంది ప్రముఖ స్మార్ట్ ఫోన్‌ దిగ్గజం ఒప్పో. చైనాకు చెందిన ఈ కంపెనీ తాజాగా మార్కెట్లోకి మరో ప్రీమియం ఫోన్‌ను తీసుకొచ్చింది. ఒప్పో ఫైండ్‌ ఎక్స్‌8 పేరుతో లాంచ్‌ చేసిన ఫోన్‌ తొలి సేల్ డిసెంబర్‌ 3వ తేదీ నుంచి ప్రారంభమవుతోంది. ఈ ఫోన్‌కు సంబంధించిన పూర్తి వివరాలు, ఫీచర్ల గురించి ఇప్పుడు తెలుసుకుందాం..
ఒప్పో ఫైండ్‌ ఎక్స్‌8 సిరీస్‌లో భాగంగా రెండు ఫోన్‌లను తీసుకొచ్చింది. ఒప్ప ఫైండ్‌ ఎక్స్‌8, ఒప్పో ఫైండ్‌ ఎక్స్‌8 ప్రో పేర్లతో ఈ రెండు ఫోన్‌లను లాంచ్‌ చేశారు. ఈ రెండు ఫోన్‌లపై తొలి సేల్‌లో భాగంగా పలు రకాల డిస్కౌంట్స్‌ను అందిస్తున్నారు. అవేంటో ఇప్పుడు తెలుసుకుందాం.
ఒప్పో ఫైండ్‌ ఎక్స్‌8 ఫీచర్ల విషయానికొస్తే ఇందులో.. 6.95 ఇంచెస్‌తో కూడన అమోఎల్‌ఈడీ ఇన్ఫినిటీ వ్యూ డిస్‌ప్లేను అందించారు. 120 హెచ్‌జెడ్‌ డైనమిక్‌ రిఫ్రెష్‌ రేట్‌తో అందించారు. స్క్రీన్‌ ప్రొటెక్షన్ కోసం ఇందులో కార్నింగ్ గొరిల్లా గ్లాస్ ప్రొటెక్షన్ ఇచ్చారు.
కెమెరా విషయానికొస్తే ఒప్పో ఫైండ్‌ ఎక్స్‌8 స్మార్ట్ ఫోన్‌లో 50 మెగాపిక్సెల్స్‌తో కూడిన రెయిర్‌ కెమెరాను అందించారు. అలాగే సెల్ఫీలు, వీడియో కాల్స్‌ కోసం 32 ఎంపీతో కూడిన ఫ్రంట్‌ కెమెరాను అందించారు. 80 వాట్స్‌ సూపర్‌వూక్‌ వైర్డ్‌ ఛార్జింగ్‌కు సపోర్ట్‌ చేసే 5630 ఎమ్‌ఏహెచ్‌ బ్యాటరీ, 50 వాట్స్‌ ఎయిర్‌ వూక్‌ వైర్‌లెస్‌ ఛార్జింగ్‌కు సపోర్ట్‌ చేస్తుంది. ఈ ఫోన్‌ను స్టార్ గ్రే, స్పేస్ బ్లాక్ కలర్స్‌లో తీసుకొచ్చారు.
ఇక ఒప్పో ఫైండ్‌ ఎక్స్‌8 ప్రో ఫీచర్ల విషయానికొస్తే ఇందులో 6.78 ఇంచెస్‌తో కూడిన అమోఎల్‌ఈడీ ఇన్ఫినిట్ వ్యూ డిస్‌ప్లేను ఇచ్చారు. డిస్‌ప్లేకు గొరిల్లా గ్లాస్ ప్రొటెక్షన్‌ను ఇచ్చారు. ఈ ఫోన్‌ మీడియాటెక్‌ డైమెన్సిటీ 9400 ప్రాసెసర్‌ను ఇచ్చారు. ఈ ఫోన్‌ను 16 జీబీ ర్యామ్‌, 256/512 జీబీ స్టోరేజ్‌ వేరియంట్‌ను ఇచ్చారు. ఇందులో కూడా 50 ఎంపీ రెయిర్‌ కెమెరాను, 32 ఎంపీతో కూడిన ఫ్రంట్‌ కెమెరాను అందించారు.
ధర విషయానికొస్తే ఒప్పో ఫైండ్‌ ఎక్స్‌8 12 జీబీ ర్యామ్‌, 256 జీబీ స్టోరేజ్‌ వేరియంట్ ధర రూ. 69,999కాగా అన్ని డిస్కౌంట్స్‌ కలుపుకుని రూ. 55 వేలకు సొంతం చేసుకోవచ్చు. అలాగే ఒప్పో ఫైండ్‌ ఎక్స్‌8 ప్రో 16 జీబీ ర్యామ్‌, 512 బీజీ స్టోరేజ్‌ వేరియంట్ ధర రూ. 99,999కాగా అన్ని డిస్కౌంట్స్‌ కలుపుకుని రూ. 82,000కే సొంతం చేసుకోవచ్చు.