Moto E32: మోటొరోలా నుంచి మరో కొత్త స్మార్ట్‌ ఫోన్‌.. రూ. 12 వేల బడ్జెట్‌లో అదిరిపోయే ఫీచర్లు..
Moto E32: ఇటీవల వరుసగా స్మార్ట్‌ ఫోన్‌లను విడుదల చేస్తూ వస్తోన్న ఎలక్ట్రానిక్‌ దిగ్గజం మోటొరోలా తాజాగా మరో కొత్త స్మార్ట్‌ ఫోన్‌ను తీసుకొచ్చింది. మోటో ఈ 32 పేరుతో లాంచ్‌ చేసిన ఈ ఫోన్‌ ప్రస్తుంత యూరప్‌లో అందుబాటులోకి రాగా, త్వరలోనే భారత్‌లో విడుదల కానుంది..
ప్రముఖ ఎలక్ట్రానిక్‌ దిగ్గజం మోటొరోలా ఇటీవల వరుసగా స్మార్ట్‌ ఫోన్స్‌ విడుదల చేస్తూ వస్తోంది. తక్కువ బడ్జెట్‌ ఫోన్‌లను అందుబాటులోకి తీసుకొస్తున్న మోటొరోలా తాజాగా మోటో ఈ32 పేరుతో మరో కొత్త ఫోన్‌ను యూరప్‌లో లాంచ్‌ చేసింది. త్వరలోనే భారత్‌లో ఈ ఫోన్‌ అందుబాటులోకి రానుంది.
ఈ ఫోన్‌ ఫీచర్ల విషయానికొస్తే.. ఇందులో 6.5 ఇంచెస్‌ 90 హెచ్‌జెడ్‌ ఐపీఎస్‌ ఎల్‌సీడీ డిస్‌ప్లేను అందించారు. ఆండ్రాయిడ్‌ 11 ఆపరేటింగ్‌ సిస్టమ్‌తో పని చేసే ఈ స్మార్ట్‌ ఫోన్‌లో మీడియాటెక్ హీలియో G 37 చిప్‌ను అందించారు.
మోటో ఈ32 స్మార్ట్‌ ఫోన్‌లో 18వాట్స్‌ ఫాస్ట్‌ ఛార్జింగ్‌ సపోర్ట్‌ చేసే 5000 ఎమ్‌ఏహెచ్‌ బ్యాటరీని అందించారు. సైడ్‌ మౌంటెడ్‌ ఫింగర్‌ ప్రింట్‌ ఈ ఫోన్‌ ప్రత్యేకత.
ఇక ఈ స్మార్ట్‌ ఫోన్‌లో ట్రిపుల్‌ కెమెరా సెటప్‌ అందించారు. వీటిలో 16MP మెయిన్, 2MP పోర్ట్రెయిట్, మరో 2MP మాక్రో షూటర్‌ ఈ సెటప్‌లో ఉన్నాయి. సెల్ఫీల కోసం 8 మెగా పిక్సెల్‌ ఫ్రంట్‌ కెమెరాను ఇచ్చారు.
ధర విషయానికొస్తే యూరప్‌లో ఈ ఫోన్‌ ధర 149 EURగా ఉంది. మన కరెన్సీలో చెప్పాలంటే రూ. 12,000గా చెప్పొచ్చు. మరి ఈ ఫోన్‌లో భారత్‌లో ఎప్పుడు విడుదలవుతుందో చూడాలి.