Nothing Phone 2: నథింగ్ ఫోన్‌పై కళ్లు చెదిరే డిస్కౌంట్‌.. ఏకంగా రూ. 16 వేల తగ్గింపు..
ఓవైపు అమెజాన్‌ ప్రైమ్‌ డే సేల్ పేరుతో భారీ సేల్ నిర్వహించనున్న విషయం తెలిసిందే. ఈ నేపథ్యంలో అమెజాన్‌కు పోటీగా ఫ్లిప్‌కార్ట్ సైతం 'గోట్‌' GOAT పేరుతో ఈ సేల్‌ను నిర్వహిస్తోంది. ఇందులో భాగంగా పలు స్మార్ట్‌ఫోన్స్‌పై భారీ డిస్కౌంట్స్‌ అందిస్తున్నారు. అలాంటి ఒక బెస్ట్ స్మార్ట్ ఫోన్ డీల్‌ గురించి ఇప్పుడు తెలుసుకుందాం..
లండన్‌కు చెందిన స్మార్ట్ ఫోన్ దిగ్గజం నథింగ్ ఫోన్ 2ని గతేడాది లాంచ్‌ చేసిన విషయం తెలిసిందే. నథింగ్ ఫోన్2 లాంచింగ్ సమయంలో ధర రూ. 44,999గా నిర్ణయించారు. అయితే ప్రస్తుతం సేల్‌లో భాగంగా ఈ ఫోన్‌పై భారీ డిస్కౌంట్‌ లభిస్తోంది.
ఫ్లిప్‌కార్ట్ సేల్‌లో భాగంగా ఈ స్మార్ట్‌ఫోన్‌పై ఏకంగా రూ.16,000 వరకు డిస్కౌంట్‌ లభిస్తోంది. అన్ని బ్యాంక్‌ ఆఫర్లను కలుపుకుంటే ఈ ఫోన్ రూ. 28,999కే లభిస్తోంది. దీంతో పాటు మీ పాత ఫోన్‌ను ఎక్స్ఛేంజ్‌ చేసుకోడం ద్వారా కూడా అదనంగా డిస్కౌంట్‌ పొందొచ్చు.
నథింగ్ ఫోన్ 2 ఫీచర్ల విషయానికొస్తే ఈ ఫోన్‌లో 6.7 ఇంచెస్‌తో కూడిన ఫుల్‌హెచ్‌డీ+ డిస్‌ప్లేను అందించారు. 12 జీబీ ర్యామ్‌, 256 జీబీ స్టోరేజ్‌తో ఈ ఫోన్‌ను తీసుకొచ్చారు. ఈ ఫోన్‌లో ఎల్‌టీపీఓ అమోఎల్‌ఈడీ డిస్‌ప్లేను అందించారు.
కెమెరా విషయానికొస్తే ఈ స్మార్ట్ ఫోన్‌లో 50 మెగాపిక్సెల్స్‌తో కూడిన రెయిర్‌ కెమెరాను అందించారు. అలాగే సెల్ఫీలు, వీడియోకాల్స్‌ కోసం ఇందులో 32 మెగాపిక్సెల్స్‌తో కూడిన ఫ్రంట్ కెమెరాను ఇచ్చారు. అలాగే ఈ ఫోన్‌లో 4700 ఎమ్‌ఏహెచ్‌ లిథియం ఐయాన్‌ బ్యాటరీని అందించారు
ఈ స్మార్ట్ ఫోన్‌లో స్ప్లాష, వాటర్‌ అండ్‌ డస్ట్ రెస్టిస్టెంట్ కోసం ఐపీ54 రేటింగ్‌ను ఇచ్చారు. సెక్యూరిటీ పరంగా చూస్తే ఫేస్‌, ఫిగర్‌ అన్‌లాక్‌ ఫీచర్‌ను ఇచ్చారు. డిస్‌ప్లే ప్రొటెక్షన్‌ కోసం కార్నింగ్ గొరిల్లా గ్లాస్‌5ని అందించారు.