India Vs England: విరాట్ కోహ్లీ సంచలన నిర్ణయం.. రోహిత్ శర్మతో పాటు ఆ ఇద్దరూ వన్డేలకు దూరం..
ఇంగ్లాండ్ తో టీ20 సిరీస్ తర్వాత ప్రారంభమయ్యే వన్డే సిరీస్ కు చాలామంది ఆటగాళ్లకు విశ్రాంతిని ఇవ్వాలని జట్టు యాజమాన్యం భావిస్తోంది..
టీమిండియా తన చివరి టెస్ట్ మ్యాచ్ ను ఇంగ్లాండ్ తో మార్చి 4వ తేదీన తలబడనుంది. దీని తర్వాత 5 టీ20లు జరగనున్నాయి. ఇక ఈ టీ20 సిరీస్ తర్వాత ప్రారంభమయ్యే వన్డే సిరీస్ కు చాలామంది ఆటగాళ్లకు విశ్రాంతిని ఇవ్వాలని జట్టు యాజమాన్యం భావిస్తోంది. ఈ క్రమంలోనే తుది జట్టులో పలు కీలక మార్పులు చేయాలని చూస్తోంది.
రోహిత్ శర్మ టెస్ట్ సిరీస్ లో టీమిండియాకు స్టార్ ఓపెనర్.. ఆ తర్వాత జరగబోయే టీ20లకు కూడా భాగం కానున్నాడు. దీనితో అతడిపై ఒత్తిడిని తగ్గించేందుకు వన్డేలకు విశ్రాంతినివ్వాలని చూస్తోంది.
ఐపీఎల్ తర్వాత నుంచి టీమిండియా యువ వికెట్ కీపర్.. ఇంటర్వెల్ లేకుండా క్రికెట్ ఆడుతున్నాడు. టెస్టుల్లో మ్యాచ్ విన్నర్ గా అవతరించిన ఈ యువ సంచలనాన్ని వన్డే సిరీస్ నుంచి తప్పించాలని జట్టు యాజమాన్యం భావిస్తోంది.
గత కొద్ది సిరీస్ ల నుంచి వాషింగ్టన్ సుందర్ జట్టుకు బౌలింగ్ ఆల్ రౌండర్ గా కీలక సమయాల్లో ముఖ్య పాత్ర పోషిస్తున్నాడు. ఇంగ్లాండ్ తో జరుగుతున్న టెస్టుల తర్వాత టీ20లకు కూడా అందుబాటులో ఉండే సుందర్ వన్డేలకు దూరంగా ఉంటాడని తెలుస్తోంది.