7 Horses Vastu Tips: ఇంట్లో ఏడు గుర్రాల చిత్రాన్ని పెట్టుకోవాలనుకుంటున్నారా.. ఏ దిశలో పెట్టుకోవడం ఉత్తమం అంటే..
ఇంటి నిర్మాణంలో మాత్రమే కాదు.. ఇంట్లో పెట్టుకునే వస్తువుల సహా కొన్ని నియమాలను పాటించాలని వాస్తు శాస్త్రంలో సూచించారు. ఈ నియమాలు ఇంట్లోని పూజ గది, బాత్ రూమ్ వంటి వాటిల్లో మాత్రమే కాదు.. ఇంట్లో అందం కోసం ఏర్పాటు చేసుకునే పెయింటింగ్స్ వంటి చిత్ర పటాల ఏర్పాటులో కూడా కొన్ని వాస్తు నియమాలున్నాయి. వాటిల్లో ఒకటి ఇంటి లోని గోడలపై అందంగా ఠీవిగా కనిపించే ఏడు గుర్రాల పెయింటింగ్. ఈ ఏడు గుర్రాల పోస్టర్ అదృష్టానికి చిహ్నంగా.. చాలా పవిత్రమైనదిగా భావిస్తారు. కనుక ఈ పోస్టర్ ను ఇంట్లో లేదా ఆఫీసులో పెట్టుకోవడం వలన పని తీరులో మంచి మెరుగుదల కనిపిస్తుంది. అయితే ఈ పోస్టర్ ను పెట్టుకునే దిశ,, ఏడు గుర్రాలు ఉండాల్సిన స్థితిలో కూడా కొన్ని వాస్తు నియమాలున్నాయి. అవి ఏమిటో ఈ రోజు తెలుసుకుందాం..
ముఖ్యంగా గుర్రాలు పరిగెత్తుతూ ఉన్నట్లు ఉంటే.. అది వ్యాపార అభివృద్ధికి చిహ్నమని.. దీనిని ఇంట్లో పెట్టుకోవడం ఆధ్యాత్మికతకు గుర్తు మాత్రమే కాదు.. ప్రేమ, ఆనందం, సంతోషం, దైర్యం, సహనం వంటి అనేక లక్షణాలను సూచిస్తుందని విశ్వాసం. అయితే ఈ గుర్రాలు ఏ దిశలో పరిగెడుతున్నాయనేది కూడా ఇంట్లోని పరిస్థితిపై ప్రభావాన్ని సూచిస్తుందని తెలుస్తోంది.
తూర్పుదిశ: కెరీర్ లో పురోగ్రతి సాధించాలంటే ఈ దిశలో పరిగెడుతున్న ఏడు గుర్రాల చిత్ర పటం బెస్ట్ రెమిడీ. అంతేకాదు పనిలో ఏమైనా ఆటంకాలు ఏర్పడితే.. ఆ పనులు ముందుకు కదిలే అవకాశం ఉందని విశ్వాసం.
దక్షిణ దిశ: వాస్తు శాస్త్రం ప్రకారం పరిగెడుతున్న 7 గుర్రాల పెయింటింగ్ దక్షిణ దిశలో పెట్టుకోవడం వలన చేపట్టిన పనుల్లో విజయం లభిస్తుంది. ఈ దిశలో ఏడు గుర్రాల పోస్టర్ శుభప్రదం.
ఉత్తర దిక్కు : ఈ దిశలో పరిగెడుతున్న ఏడు గుర్రాల పోస్టర్ పెట్టుకోవడం వలన ఇంట్లో సిరి సంపదలకు లోటు ఉంటుంది. రాగి, ఇత్తడి, వెండితో చేసిన పరుగెత్తే గుర్రం విగ్రహాన్ని షాప్స్ లో పెట్టుకోవడం వలన లాభాలు పొందుతారు.
గుర్రాలు పరిగెత్తడం వేగానికి చిహ్నం.. కనుక ఇలా పరిగెట్టే ఏడుగుర్రాల విగ్రహం లేదా పోస్టర్ ను ఇంట్లోని బెడ్ రూమ్ లో పెట్టుకోవద్దు. అదే సమయంలో మెయిన్ హాల్ లో, స్టడీ రూమ్‌లో, ఆఫీస్ రూమ్ లో పెట్టుకోవచ్చు.
అయితే ఎప్పుడూ ఒక్క గుర్రం అదీ నడుస్తున్న ఫోటోను పెంచుకోవద్దు. అంతేకాదు గుర్రం ముఖం ఇంట్లో లోపలకి చూస్తున్నట్లు ఉండాలి.