Lunar Eclipse 2024: బుధవారం చంద్రగ్రహణం.. కొన్ని రాశులకు అదృష్టాన్ని, కొన్ని రాశులకు కష్టాలు..12 రాశులపై ఏవిధమైన ప్రభావం చూపించనున్నదంటే
సెప్టెంబర్ 18న రాహుగ్రస్త చంద్రగ్రహణం ఏర్పడనుంది. పూర్వాభాద్ర రాశి మీనరాశిలో రాహుగ్రస్త చంద్రగ్రహణం ఏర్పదనున్నా ఈ గ్రహణం భారతదేశంలో కనిపించదు. అందుచేత ఎటువంటి సూత కాలం ఉండదు కనుక గ్రహణ కర్మలు చేయవలసిన అవసరం లేదు. అయితే చంద్రగ్రహణం ప్రభావం చూపదా అని అడిగితే తప్పకుండా ఉంటుందని జ్యోతిష్యులు చెబుతున్నారు. కొన్ని రాశులకు శుభ ఫలితాలను ఇవ్వనుండగా.. మీనం, మేషం, సింహం, ధనుస్సు రాశులు చాలా జాగ్రత్తగా ఉండాలి. వీరికి ఈ గ్రహణం అశుభ ఫలితాలను ఇస్తుంది. అదే సమయంలో కుంభ, వృశ్చిక, కన్యా, కర్కాటక రాశులకు మిశ్రమ ఫలితాలు ఉంటాయి. వృషభ, మిథున, తుల, మకర రాశులకు మంచి ఫలితాలు ఉంటాయి.
మేషం నుండి మీనం వరకు గ్రహణ ఫలితాలు వివిధ రకాలుగా ఉంటాయి. ఎ రాశులకు ఉత్తమ ఫలితాలను ఇవ్వనుంది.. ఏ రాశులు ఈ చంద్ర గ్రహనంతో అష్టకష్టాలు పడాలి.. ఏ రాశులు మిశ్రమ ఫలితాలను పొందుతారో తెలుసుకుందాం.
మేష రాశి: ఈ రాశికి చెందిన వ్యక్తుల తల్లికి అనారోగ్యం, వాహన మరమ్మతులు, గృహ మరమ్మతులు వంటి ఇబ్బందులు ఎదుర్కోవాలి. దీంతో అధిక వ్యయం అవుతుంది. మానసికంగా ఇబ్బందులు కలుగుతాయి. మతిమరుపు ఉంటుంది. విదేశీ ప్రయాణాలు, శుభకార్యాల్లో ఆటంకాలు ఎదురవుతాయి.తల్లి లేదా తల్లి లాంటి వ్యక్తులతో మనోవేదన, అభిప్రాయ భేదాలు ఏర్పడే అవకాశం ఉంది. వివాహిత స్త్రీలు ఇంటి పరిస్థితుల విషయంలో ఆందోళన చెందుతారు.
వృషభ రాశి: ఈ రాశికి చెందిన వ్యక్తులు చేసిన పనిలో విజయం సాధిస్తారు. నష్టపోతమని భావించే చోట కూడా లాభాలను అందుకుంటారు. అన్నదమ్ముల మధ్య విద్వేషాలు తొలగిపోతాయి. పేరు, కీర్తి లభిస్తాయి. కోర్టు-ఆఫీస్ వివాదాలు పరిష్కారమవుతాయి. అనారోగ్య సమస్యలు తలెత్తితే తగిన వైద్యం అందుతుంది.
మిథున రాశి : ఉద్యోగ, ఆర్థిక విషయాల్లో ఆందోళన ఉంటే దూరమవుతుంది. ప్రాపంచిక సమస్యలను ఎదుర్కొంటున్న వారు కూడా ఆశాజనకమైన వృద్ధిని పొందుతారు. ప్రమోషన్ లేదా జీతాల పెరుగుదల ఆశించే వారికి శుభవార్తలు వింటారు. అన్నదమ్ములతో విబేధాలు, మనస్పర్థలు వచ్చినా పరిష్కరించుకునే అవకాశం ఉంది.
కర్కాటక రాశి: వారసత్వంగా వచ్చిన ఆస్తి విషయంలో వివాదాలు తలెత్తవచ్చు. ఇప్పటికే ఉంటే అది తీవ్రమవుతుంది. తండ్రికి లేదా తండ్రికి సమానమైన వారి ఆరోగ్యం గురించి జాగ్రత్తగా ఉండండి. తండ్రితో తీవ్రమైన అభిప్రాయ భేదాలు ఏర్పడతాయి. మానసిక, శారీరక ఆరోగ్యంలో ఇబ్బందులు తలెత్తుతాయి. ఒత్తిడి పెరుగుతుంది, ఎట్టి పరిస్థితుల్లోనూ అదృష్టాన్ని నమ్ముకుని ముందుకు వెళ్ళకండి.
సింహ రాశి: ఆరోగ్యం పట్ల శ్రద్ధ వహించండి. మానసికంగా ఇబ్బంది పడతారు. మనస్సును అదుపులో ఉంచుకోండి. వివాహిత స్త్రీలు తమ భాగస్వామి గురించి ఆందోళన చెందుతారు. ఆదాయం తగ్గడం లేదా పెట్టుబడి పెట్టిన డబ్బు కోల్పోవడం వల్ల మీరు బాధపడతారు. కుటుంబ సభ్యుల ప్రవర్తనతో విసుగు చెందుతారు. కీలక పత్రాల విషయంలో భాద్యత తీసుకోవద్దు.
కన్య రాశి: భాగస్వామ్య వ్యాపారం చేస్తున్న వారికి నష్టాలు, అభిప్రాయ భేదాలు ఏర్పడే అవకాశం ఉంది. విదేశాలకు వెళ్లాలనుకునే వారికి ఇబ్బందులు ఎదురవుతాయి. ఉద్యోగస్తులు కోరుకోని విభాగం ఒక స్థానానికి బదిలీ చేయబడవచ్చు. మోసపోయే అవకాశం ఎక్కువ. ఇతరుల మాట విని పెట్టుబడి పెట్టకండి. వివాహ విషయాలలో ఎదురుదెబ్బ తగులుతుంది.
తుల రాశి: అప్పుల భారం ఉన్న వారికి ఇల్లు, కారు, వ్యాపారం కోసం ఏదైనా కారణం చేత రుణం పొందే ప్రయత్నంలో చేస్తుంటే బయటపడే మార్గం గోచరిస్తుంది. శత్రువులు ఏదో ఒక విధంగా ఇబ్బంది పెడుతూ ఉంటే ఆ చింత నుంచి ఉపశమనం లభిస్తుంది. దృష్టి లోపం తొలగిపోతుంది. ఆరోగ్యం మెరుగుపడుతుంది. ఉద్యోగ సంబంధమైన ఆందోళనలు తొలగిపోతాయి.
వృశ్చిక రాశి; సంతానం విషయంలో ఆందోళన చెందుతారు. వ్యాపారంలో పెట్టిన డబ్బులు నిలిచిపోతాయి. పిత్రార్జిత ఆస్తికి సంబంధించి తీవ్ర వివాదాలు ఏర్పడినా తీవ్ర స్థాయికి చేరే అవకాశాలు ఉన్నాయి. ఈ చంద్ర గ్రహణం వీరికి మిశ్రమ ఫలితాలను ఇస్తుంది. పైన పేర్కొన్న విషయాలలో కూడా సానుకూల పరిణామాలు ఏర్పడే అవకాశం కూడా ఉంది.
ధనుస్సు రాశి; తీవ్రమైన ఆరోగ్య సమస్యలు మొదలవుతాయి. తల్లి లేదా తల్లి లాంటి వ్యక్తుల ఆరోగ్య సమస్యల వల్ల మానసికంగా ఇబ్బంది పడతారు. విద్యార్థులు ఒత్తిడికి లోనవుతారు. ఏకాగ్రత కుదరదు. ఉద్యోగ పని విషయంలో ఏకాగ్రత కుదరదు. కొంతమందికి ఉద్యోగాన్ని వదిలేద్దామని భావిస్తారు. మాట్లాడే సమయంలో జాగ్రత్తగా ఉండాల్సి ఉంటుంది.
మకరరాశి: అవివాహితులకు వివాహ ప్రయత్నాలు ఫలవంతంగా ఉంటాయి. దంపతుల మధ్య మరింత సామరస్యం ఉంటుంది. స్నేహితుల సర్కిల్ విస్తరిస్తుంది. అన్ని విధాలా ప్రయోజనం పొందుతారు. కోరుకున్న ప్రదేశానికి, విభాగానికి బదిలీ చేయబడతారు. అన్నదమ్ములతో అభిప్రాయ బేధాలు తొలగుతాయి. దూర ప్రయాణాలు లేదా విదేశీ ప్రయాణాలలో ఆటంకాలు తొలగిపోతాయి. తండ్రి ఆరోగ్యం బాగుపడుతుంది
కుంభ రాశి: ఈ రాశికి చెందిన వ్యక్తులు ఆర్థిక విషయాల గురించి, అప్పుల గురించి ఆందోళన చెందుతారు. శత్రువుపై విజయం సాధించే అన్ని అవకాశాలు ఉన్నాయి. కుటుంబంలో చిన్నచిన్న సమస్యలకు కూడా జోరుగా చర్చలు, వాగ్వాదాలు జరుగుతాయి. ఈ రాశికి సంబంధించి కుటుంబం సభ్యులు మాటల యుద్ధం చేసుకుంటారు. వీరు అన్ని సమస్యలకు సంబంధించి మంచి, చెడు రెండింటినీ అనుభవిస్తారు.
మీన రాశి: ఈ రాశిలోనే చంద్ర గ్రహణం ఏర్పడనుంది. వీరికి గ్రహణ ప్రభావంతో చిరాకు, కోపం, నిస్పృహ మానసికంగా దెబ్బతీస్తాయి. ఆరోగ్యంలో ఏదో మార్పు వచ్చిందన్న మానసిక వేదన ఉంటుంది. పెద్ద పెద్ద ప్రాజెక్టులు, సైట్ కొనుగోళ్లు, ఇళ్లు కొనుగోళ్లు తదితర పనుల్లో నిమగ్నమవుతారు. ఎ విషయంలోనైనా చేసే ప్రయత్నాలు పూర్తిగా వృధా అవుతాయి.
చంద్ర గ్రహణం రోజున కొన్ని పరిహారాలు చేయడం శుభప్రదం. గ్రహణం రోజు ఇంటికి సమీపంలోని శివాలయానికి వెళ్లి పాలతో రుద్రాభిషేకం చేస్తే మంచిది. అంతే కాకుండా చంద్రబింబం, తెల్లటి గుడ్డ, బియ్యం లేదా వడ్లు, కంది పప్పు వంటి వాటిని తమలపాకు, అరటిపండు, కొబ్బరికాయలతో పాటు దానంగా ఇవ్వాలి. అనంతరం శివాష్టోత్తరం, చంద్రాష్టోత్తరం జపించడం శుభప్రదం.