Guru Gochar 2026: గురు బలం.. జూన్ నుంచి ఆ రాశులకు జాక్పాట్ ఖాయం..!
Jupiter in Cancer Benefits: జ్యోతిషశాస్త్రం ప్రకారం గురు గ్రహం బలంగా, అనుకూలంగా ఉన్నవారు జీవితంలో ప్రముఖులుగా ఎదుగుతారు. వారికి కీర్తి, ప్రతిష్ఠలు పెరుగుతాయి. వారు చెప్పిన మాటకు విలువ పెరుగుతుంది. గురు బలం కలిగిన వారి జీవితాల్లో విజయాలు, సాఫల్యాలు ఎక్కువగా ఉంటాయి. ప్రస్తుతం మిథున రాశిలో సంచారం చేస్తున్న గురు గ్రహం జూన్ 3న తన ఉచ్ఛస్థానమైన కర్కాటక రాశిలోకి ప్రవేశించి, దాదాపు ఏడాది పాటు అక్కడే కొనసాగనుంది. ఉచ్ఛస్థితిలో ఉన్న గురువు అనుకూలంగా ఉన్న రాశుల వారికి ప్రత్యేక గుర్తింపు, ఖ్యాతి తీసుకువస్తాడని జ్యోతిష్య విశ్వాసం. మేషం, మిథునం, కర్కాటకం, కన్య, తుల, వృశ్చికం, మకర రాశుల వారు ఈ కాలంలో ప్రముఖుల జాబితాలో చేరే అవకాశముందని భావిస్తున్నారు.
Jupiter In Cancer Benefits
- మేషం: జూన్ నుంచి గురువు చతుర్థ స్థానంలో ఉచ్ఛస్థితి పొందడం వల్ల హంస మహాపురుష యోగం ఏర్పడుతుంది. దీంతో రాజకీయ, ప్రభుత్వ రంగాల్లో వీరి ప్రాబల్యం, ప్రభావం, ప్రాధాన్యం మరింత పెరిగే అవకాశం ఉంది. ఇంట, బయట పేరు ప్రతిష్టలు పెరుగుతాయి.
- మిథునం: జూన్ నెల నుంచి గురువు ధనస్థానంలో ఉచ్ఛస్థితి పొందడంతో ఈ రాశికి చెందిన సాధారణ వ్యక్తి కూడా ఆర్థికంగా ఎదగడం, చిన్న ఉద్యోగి ఉన్నత స్థాయికి చేరడం వంటి అవకాశాలు కనిపిస్తున్నాయి. ఈ కాలంలో ప్రముఖుడిగా గుర్తింపు పొందే అవకాశముంది.
- కర్కాటకం: జూన్ మొదటి వారంలో గురువు ఈ రాశిలోకి ప్రవేశించి ఉచ్ఛస్థితి పొందిన తర్వాత వీరి జీవితం గణనీయంగా మారే అవకాశం ఉంది. ఈ రాశిలో గురువు ఉచ్ఛపట్టడం వల్ల హంస మహాపురుష యోగం ఏర్పడి, ప్రముఖుడిగా, సంపన్నుడిగా, రాజకీయవేత్తగా లేదా సలహాదారుగా మంచి గుర్తింపు పొందే అవకాశాలు కనిపిస్తున్నాయి.
- కన్య: ఈ రాశి వారికి అసలైన స్వర్ణయుగం జూన్ మొదటి వారంలో గురువు లాభస్థానంలో ఉచ్ఛస్థితి పొందిన తర్వాత మొదలయ్యే అవకాశం ఉంది. ఈ కాలంలో సాధారణ వ్యక్తి కూడా ఆర్థికంగా అభివృద్ధిచెంది సంపన్నుడవుతాడు. మామూలు ఉద్యోగి ఉన్నత పదవికి ఎదగడం సాధ్యమవుతుంది. ఇంటి, బయటి వాతావరణాల్లో వీరి పేరు, ప్రఖ్యాతి, పలుకుబడి పెరుగుతుంది.
- తుల: జూన్ నెలలో దశమ కేంద్రంలో గురువు ఉచ్ఛస్థితి పొందడంతో ఈ రాశివారికి హంస మహాపురుష యోగం ఏర్పడే అవకాశం ఉంది. ఆ సమయం నుంచి వీరి జీవితం అన్ని విధాలా ఉన్నత స్థాయిలో కొనసాగి, గౌరవం, ప్రతిష్ఠ, స్థిరమైన ప్రగతి సాధించే సూచనలు కనిపిస్తున్నాయి.
- వృశ్చికం: జూన్ లో భాగ్య స్థానంలో గురువు ఉచ్ఛపట్టడం వల్ల వీరి జీవితం మారిపోతుంది. ఆదాయం వృద్ధి చెందడం, ఉద్యోగంలో ఉన్నత పదవులు పొందే అవకాశముంది. వృత్తి, వ్యాపా రాలు కొత్త పుంతలు తొక్కడం వంటివి జరుగుతాయి. ప్రముఖులతో పరిచయాలు వృద్ధి చెందుతాయి.
- మకరం: జూన్ లో గురువు సప్తమ స్థానంలో సంచారంతో వ్యక్తిగత, ఆర్థిక సమస్యలు తగ్గిపోతాయి. మార్చిలో ఉచ్ఛ శుక్రుడు మీన రాశిలో రాశ్యధిపతి శనితో కలవడం, జూన్లో సప్తమ స్థానంలో గురువు ప్రవేశంతో హంస మహా పురుష యోగం ఏర్పడి అత్యంత ప్రముఖుడుగా గుర్తింపు పొందే అవకాశం ఉంది.
Follow Us