Vastu Tips: ఈశాన్య మూలలో ఈ పూల మొక్క ఉందా? అయితే మీ ఇంటికి లక్ష్మీ కటాక్షం ఖాయం!
Lakshmi Blessings Plants: హిందూ సంప్రదాయంలో వాస్తు శాస్త్రానికి ప్రత్యేక ప్రాధాన్యం ఉంది. పసుపు రంగు శుభం, సంపద, శ్రేయస్సుకు ప్రతీకగా భావిస్తారు. అందుకే పూజల్లో పసుపు పువ్వులకు ప్రత్యేక స్థానం ఉంది. బంతి పువ్వులు సూర్యోదయం–సూర్యాస్తమయాన్ని సూచిస్తాయి. ఇవి విష్ణుమూర్తి, లక్ష్మీదేవికి ప్రియమైనవిగా భావిస్తారు. వాస్తు ప్రకారం సరైన దిశలో బంతి మొక్కను నాటితే ఇంటిలో సానుకూల శక్తి పెరుగుతుందని చెబుతారు.
Lucky Plants For Wealth: హిందూ సంప్రదాయంలో వాస్తు శాస్త్రానికి అత్యంత ప్రాధాన్యత ఉంది. ఇంటి నిర్మాణంతోపాటు చాలా విషయాలను వాస్తు ప్రకారం చేస్తుంటారు. ఇక, వాస్తు శాస్త్రం ప్రకారం పసుపు రంగు హిందూ సంప్రదాయంలో శుభప్రదత, ఆనందం, సంపద, శ్రేయస్సుకు ప్రతీకగా భావించబడుతుంది. అందుకే దేవతల పూజలో పసుపు పువ్వులకు ప్రత్యేక స్థానం ఉంది. కొన్ని దేవతల ఆరాధనలో ఈ రంగు లేకపోతే పూజ అసంపూర్ణంగా భావిస్తారు. పసుపు బంతి పువ్వులు సూర్యోదయాన్ని సూచిస్తే, నారింజ బంతి పువ్వులు సూర్యాస్తమయాన్ని గుర్తుకు తెస్తాయి. పసుపు పువ్వులు విష్ణుమూర్తి, లక్ష్మీదేవికి అత్యంత ప్రియమైనవిగా చెప్పబడుతుంది. సరైన దిశలో బంతి మొక్కను నాటడం వల్ల ఇంటిలో సానుకూల శక్తి ప్రవాహం పెరుగుతుందని వాస్తు చెబుతోంది.
ఇంట్లో బంతి పూలు నాటడం వల్ల ప్రయోజనాలు.. ఇంట్లో బంతి మొక్కను నాటడం వలన వాతావరణం శుభ్రంగా మారుతుంది. దాని సువాసన మనసుకు ప్రశాంతతను ఇచ్చి ఒత్తిడిని తగ్గిస్తుంది. సరైన ప్రదేశంలో నాటితే దుష్టశక్తులు, ప్రతికూల శక్తి ప్రవేశించకుండా కాపాడుతుందని నమ్మకం. పూజలో బంతి పువ్వులను ఉపయోగించడం వలన ఆర్థిక అడ్డంకులు తొలగి, కొత్త అవకాశాలు కలుగుతాయని భావిస్తారు. ముఖ్యంగా పసుపు బంతి పువ్వు గురు గ్రహానికి ప్రతీకగా ఉండటంతో జ్ఞానం, గౌరవం, కీర్తి పెరుగుతాయని అంటారు.
బంతి మొక్కను నాటేందుకు సరైన దిశ.. వాస్తు ప్రకారం ఈశాన్య దిశ దేవతలకు సంబంధించిన పవిత్ర స్థలం. కాబట్టి ఈ దిశలో బంతి మొక్కను నాటడం అత్యుత్తమం. ఇది ఇంట్లో శాంతి, ఆనందం, సంపదను తీసుకువస్తుంది. ఈశాన్యంలో స్థలం లేకపోతే ఉత్తరం లేదా తూర్పు దిశలు కూడా అనుకూలమైనవే. ఈ దిశలు సానుకూల శక్తి ప్రవాహానికి సహాయపడతాయి.
ఈ తప్పులు చేయొద్దు.. దక్షిణం లేదా పడమర దిశలో బంతి మొక్కను నాటకూడదు. ఇది కుటుంబంలో కలహాలకు దారితీయవచ్చు అని వాస్తు చెబుతుంది. అలాగే స్నానాలగది, మరుగుదొడ్డి లేదా చెత్తబుట్ట దగ్గర ఈ మొక్కను ఉంచరాదు. ఎల్లప్పుడూ శుభ్రమైన, సూర్యకాంతి వచ్చే ప్రదేశంలోనే నాటాలి. మొక్క ఎండిపోతే లేదా పువ్వులు వాడిపోతే వెంటనే తొలగించాలి, లేదంటే అది నిరుత్సాహం, ఆర్థిక సమస్యలకు కారణమవుతుందని నమ్మకం.
ఇంకా ఒక ముఖ్యమైన విషయం.. ఇంటి ప్రధాన ద్వారం వద్ద బంతి పూలతో తయారుచేసిన దండను ఉంచడం చాలా శుభప్రదంగా భావిస్తారు. ఇది ఇంట్లోకి సానుకూల శక్తి ప్రవేశించేందుకు సహాయపడుతుంది. (Disclaimer: ఈ వార్తలోని సమాచారం వాస్తు శాస్త్రం, మత విశ్వాసాలపై ఆధారపడి ఉంది. పాఠకుల ఆసక్తి మేరకు అందించడం జరిగింది. దీనిని టీవీ9 తెలుగు ధృవీకరించదు.)