Horoscope: కొత్త సంవత్సరంలో ఈ 5 రాశులవారు నక్కతోక తొక్కినట్లే.. వీరికి అధికార యోగం లభించినట్లే!
కొత్త సంవత్సరం వచ్చిందంటే చాలామంది కొత్త కొత్త నిర్ణయాలు తీసుకుంటూ ఉంటారు. ముఖ్యంగా వృత్తి ఉద్యోగాల విషయంలో కొత్త నిర్ణయాలు తీసుకోవడానికి ఎక్కువ అవకాశం ఉంటుంది. ఇప్పటికే వృత్తి ఉద్యోగాల్లో స్థిరపడిన వారు అధికార యోగానికి సంబంధించిన ఆలోచనలు కూడా ప్రారంభించి ఉంటారు.
కొత్త సంవత్సరం వచ్చిందంటే చాలామంది కొత్త కొత్త నిర్ణయాలు తీసుకుంటూ ఉంటారు. ముఖ్యంగా వృత్తి ఉద్యోగాల విషయంలో కొత్త నిర్ణయాలు తీసుకోవడానికి ఎక్కువ అవకాశం ఉంటుంది. ఇప్పటికే వృత్తి ఉద్యోగాల్లో స్థిరపడిన వారు అధికార యోగానికి సంబంధించిన ఆలోచనలు కూడా ప్రారంభించి ఉంటారు. సహజంగానే కొత్త సంవత్సరంలో కొందరు తమ లక్ష్యాలను సాధించడానికి గట్టి పట్టుదలతో, ధృఢ నిశ్చయంతో ప్రయత్నాలు కూడా ప్రారంభించి ఉంటారు. చాలామంది అధికారాన్ని అందుకోవడమే పరమావధిగా పనిచేస్తుంటారు.
Surya Grahan 2023 Effect
మేష రాశి ఈ రాశి వారు వృత్తి ఉద్యోగాల్లో తమ శక్తి సామర్థ్యాలను ఉపయోగించడానికి, అవి అధికారుల దృష్టిలో పడటానికి కాస్తంత ఎక్కువగానే తాపత్రయపడుతుంటారు. విధి నిర్వహణలో వారు పూర్తిగా మనసుపెట్టి, శ్రద్ధ తీసుకొని, లక్ష్యాలను పూర్తి చేస్తుంటారు. ఈ ఏడాది శని ఈ రాశి వారికి లాభ స్థానంలో అంటే కుంభ రాశిలో ప్రవేశిస్తున్నందువల్ల, గురువు మేషరాశిలో ప్రవేశిస్తున్నందువల్ల, అతి త్వరలో వీరి కష్టానికి సరైన ప్రతిఫలం దక్కే అవకాశం ఉంది. ఈ రాశి వారు ఈ నెల 18 తర్వాత తప్పకుండా అధికారం చేపట్టే సూచనలు ఉన్నాయి. పైగా, ఒక పెద్ద లేదా ప్రతిష్టాత్మక కంపెనీలో వీరు అధికారం చేపట్టడానికి అవకాశం ఉంది.
మిథున రాశి ఈ రాశి వారు వృత్తి ఉద్యోగాల్లో అంకితభావంతో పనిచేస్తారనే పేరు ఉంటుంది. ప్రతి పనినీ ప్రణాళికాబద్ధంగా, ఒక పద్ధతి ప్రకారం పూర్తి చేయడం వీరి నైజం. నిర్దేశించిన లక్ష్యాలను సకాలంలో పూర్తి చేయడంలో వీరి తర్వాతే ఎవరినైనా చెప్పుకోవాల్సి ఉంటుంది. సాధారణంగా దేనినీ పెండింగ్ లో ఉంచరు. ఒక రకంగా ఈ రాశి వారు బాగా కష్టజీవులు. వీరి కష్టానికి 2023 సంవత్సరం తప్పకుండా మంచి ప్రతిఫలం ఇవ్వబోతోంది. ఈ రాశి వారికి ఈ ఏడాది డబుల్ ప్రమోషన్ వచ్చినా ఆశ్చర్యపోనక్కర్లేదు. కనీస స్థాయిలో టీం లీడర్ గాను, గరిష్ట స్థాయిలో ఒక పెద్ద ఆఫీసు నిర్వహణాధికారిగాను ఎదిగే అవకాశం ఉంది.
తులా రాశి ఆడుతూ పాడుతూ పనిచేయడంలో, అలుపు సొలుపు లేకుండా లక్ష్యాలను పూర్తి చేయడంలో ఈ రాశి వారిని మొదటగా చెప్పుకోవాల్సి ఉంటుంది. ఎంత పని అప్పజెప్పినప్పటికీ అవలీలగా పూర్తి చేయడం వీరికి వెన్నతో పెట్టిన విద్య. అందువల్ల ఏ కంపెనీలో అయినా అధికారులు లేదా యాజమాన్యాలు ప్రమోషన్ ఇవ్వదలుచుకుంటే మొదటగా ఈ రాశి వారికే ఇవ్వడం జరుగుతుంది. ఈ రాశి వారు ఈ ఏడాది తప్పనిసరిగా అధికారం చేపట్టడానికి శని, గురు గ్రహాలు ఎంతగానో తోడ్పడటం జరుగుతుంది. వీరికి అధికార యోగంతో పాటు భారీగా ఆదాయం పెరిగే అవకాశం కూడా ఉంది.
ధను రాశి వృత్తి ఉద్యోగాల్లో చేరిన రోజు నుంచి ఈ రాశి వారి కన్ను అధికారం మీదే ఉంటుంది. వీరి లక్ష్యం ఉన్నత స్థాయికి చేరుకోవడమే. ఈ విషయంలో వారు ఎందులోనూ రాజీపడరు. దీనికోసం వారు ఎంతటి కష్టానికి అయినా వెనుకాడరు. యాంబిషన్ అనేది వీరి నరనరానా జీర్ణించుకుపోయి ఉంటుంది. ఈ ఏడాది జనవరిలో వీరికి ఏలినాటి శని తొలగిపోవడం, రాశీ నాథుడు పంచమ స్థానంలోకి మారడం వంటి శుభపరిణామాల వల్ల వీరి మనసులోని కోరిక తప్పనిసరిగా నెరవేరుతుంది. వీరికి జనవరి 18 తర్వాత అధికార యోగం పట్టడం, మరికొన్ని అదృష్టాలు కూడా కలసి రావడం ఖాయమని చెప్పవచ్చు.
మకర రాశి ఎంతటి శ్రమనైనా ఓర్చుకునే తత్వం ఈ రాశి వారిది. నిర్వహణ సామర్థ్యంలో వీరిని మించిన వారు బహుశా ఎవరూ ఉండకపోవచ్చు. ఈ ఏడాది వీరి కష్టానికి తగిన ప్రతిఫలం దక్కడం ఖాయమని చెప్పవచ్చు. తాము చేసే పనికి గుర్తింపు మాత్రమే కోరుకునే ఈ రాశి వారు మరిన్ని బాధ్యతలను నిర్వహించడానికి అవకాశం ఉంది. మరింత పెద్ద కంపెనీకి మారి, కొత్త బాధ్యతలను నిర్వర్తించడానికి వీలుంది. లేదా ప్రస్తుతం పని చేస్తున్న కంపెనీలోనే ఉన్నత స్థాయికి వెళ్లే అవకాశం కూడా ఉంది. ఫిబ్రవరి, మే నెలల మధ్య ఈ రాశి వారు అధికారం చేపట్టే సూచనలు ఉన్నాయి.
Horoscope