Gold Astro Tips: బంగారం అంటే అందికీ మక్కువే.. ఈ రాశులవారు పసిడిని ధరిస్తే జీవితంలో నిత్యం సంఘర్షణ ఎదుర్కోవాలి..
భారతీయులకు బంగారానికి విడదీయరాని సంబంధం ఉంది. అందుకే ఏ చిన్న సందర్భం వచ్చినా పసిడి కొనుగోలుకు ఆసక్తిని చూపిస్తారు. రోజు రోజుకీ పసిడి ధర ఆకాశాన్ని తాకుతున్నా ఎక్కడా డిమాండ్ తగ్గడం లేదు. బంగారం ఒక స్టేటస్ సింబల్. అందుకనే ఎటువంటి సందర్భంలోనైనా బంగారు ఆభరణాలను ధరించడానికి ఇష్టపడతారు. కానీ జ్యోతిష్యశాస్త్రం ప్రకారం పసిడికి గురు గ్రహానికి సంబంధం ఉంది. కనుక ఆడంబరం కోసం అని చెప్పి అన్ని రాశుల వారు పసిడి నగలను ధరించడం మంచిది కాదని చెబుతున్నారు జ్యోతిష్య నిపుణులు. కొన్ని రాశుల వారు పసిడిని ధరించడం వలన ప్రతికూల పరిస్థితులను ఎదుర్కొనాల్సి వస్తుందని అంటున్నారు. ఈ రోజు ఏ రాశులవారు బంగారం దరించకూడదో తెల్సుకుందాం..
వేద జ్యోతిష్యశాస్త్రం ప్రకారం ప్రతి గ్రహం ఏదో ఒక లోహానికి సంబంధించింది. శనిశ్వరుడికి ఇనుము, సూర్యుడికి రాగి, చంద్రుడికి వెండి, గురుడికి బంగారం సంబంధం కలిగి ఉంది. అయితే భారతీయులు ఈ లోహల్లో అత్యధిక ప్రాముఖ్యత బంగారానికి ఇస్తారు. వాస్తవంగా అన్ని రత్నాలు, అన్ని లోహాలు అందరికీ సరిపోవు..
Gold Silver Rate
వృషభ రాశి: ఈ రాశిలో జన్మించిన వారు బంగారు ఆభరణాలు ధరించడం మంచిది కాదు. ఈ రాశిని పాలించే గ్రహం శుక్రుడు. ఈ రాశిలో జన్మించిన వారు బంగారంపై మక్కువతోనో.. స్టేటస్ సింబల్ అనుకుని బంగార ఆభరణాలు ధరించాలని భావిస్తే.. వీరు చాలా ఇబ్బందులు ఎదుర్కొంటారు. అంతేకాదు విస్తృతమైన ఉద్యోగ , వ్యాపారం, వృత్తి ఇలా ఏ రంగంలో ఉన్నా నష్టాలను అనుభవిస్తారు. ప్రియమైనవారితో సంబంధాలు దూరం అవుతాయి. సంబంధాలు దెబ్బతింటాయి.
మిథున రాశి: ఈ రాశికి అధిపతి బుధుడు. ఈ రాశిలో జన్మించిన వ్యక్తులు బంగారు ఆభరణాలకు దూరంగా ఉండాలి. మిథున రాశి వారు బంగారం ధరిస్తే, గణనీయమైన ఆర్థిక నష్టాలు సంభవించే ప్రమాదం ఉందని భావిస్తారు.
వృశ్చిక రాశి : ఈ వృశ్చిక రాశిని పాలించే గ్రహం కుజుడు. ఈ రాశికి చెందిన వారు కూడా బంగారు ఆభరణాలకు దూరంగా ఉండాలి. ఈ రాశి వారికి బంగారాన్ని ప్రత్యర్థిగా పరిగణిస్తారు. ఈ పరిస్థితిలో వృశ్చిక రాశి వారు బంగారం ధరించాలని ఎంచుకుంటే అది వారికి తీవ్రమైన సమస్యలను కలిగిస్తుంది.
కుంభ రాశి: కుంభ రాశికి శనీశ్వరుడు అధిపతి. వీరు కూడా బంగారు ఆభరణాలు ధరించవద్దని జ్యోతిష్యులు సలహా ఇస్తున్నారు. బంగారం గురుఉ, సూర్యుడితో సంబంధం కలిగి ఉంటుంది. ఈ రాశిని శనీశ్వరుడు పాలిస్తాడు. కనుక వీరు ఎటువంటి పరిస్థితుల్లోనూ బంగారు వస్తువులను ధరించడం మంచిది కాదు. వీరు బంగారం ధరిస్తే వారి జీవితాలు సమస్యాత్మకంగా మారవచ్చు. నిత్యం సంఘర్షణను ఎదుర్కొంటు ఉంటారు.