150 మందికి ప్రసాదంగా రవ్వ కేసరి.. పర్ఫెక్ట్ కొలతలతో ఇలా చేస్తే గిన్నె మొత్తం ఖాళీ చేస్తారు!
గుడిలో ప్రసాదంలా సాఫ్ట్ గా, రుచిగా ఉండే రవ్వ కేసరిని పక్క కొలతలతో సులభంగా తయారుచేయండి. నెయ్యి, రవ్వ, పంచదార, డ్రై ఫ్రూట్స్ కలయికతో పది నిమిషాల్లో అద్భుతమైన స్వీట్ని సిద్ధం చేసుకోవచ్చు. ప్రతిసారీ ఇది రుచికరంగా వస్తుంది. ఎలా చేయాలంటే
150 మందికి సరిపడే రవ్వ కేసరి రెసిపీకి కావాల్సిన పదార్థాలు : 5 కేజీలు బొంబాయి రవ్వ , మూడు కేజీల చక్కెర , ఒక లీటర్ నెయ్యి, 15 లీటర్ల నీరు, 500 గ్రాములు జీడిపప్పు, 300 గ్రాములు కిస్మిస్ , 100 గ్రాములు యాలకుల పొడి, కొంచం ఫుడ్ కలర్ దీనిలో వేసుకోవాలి. దీనిని పక్కా పర్ఫెక్ట్ కొలతలతో చేస్తే మంచి టేస్ట్ గా ఉంటుంది.
ముందుగా స్టవ్ వెలిగించి, ఒక పాన్ పెట్టి అందులో రెండు టీస్పూన్ల నెయ్యి వేయండి. నెయ్యి వేడెక్కిన తర్వాత, కొన్ని జీడిపప్పు పలుకులను వేసి దోరగా వేయించాలి. ఇవి సగం వేగిన తర్వాత, కొన్ని కిస్మిస్ లను కూడా వేసి బాగా ఫ్రై చేసి, ఒక ప్లేట్ లోకి తీసి పక్కన పెట్టుకోండి. ఇలా చేయడం వల్ల డ్రై ఫ్రూట్స్ మాడిపోకుండా ఉంటాయి.
ఇప్పుడు అదే నెయ్యి మిగిలిన పాన్ లో, మనం ఏ కప్పుతో అయితే రవ్వ కేసరి తయారుచేయాలనుకుంటున్నామో, అదే కప్పుతో ఒక కప్పు బొంబాయి రవ్వను వేయండి. మంటను మీడియం ఫ్లేమ్ లో ఉంచి, రవ్వను మాడిపోకుండా కలుపుతూ మూడు నుండి ఐదు నిమిషాల పాటు బాగా వేయించాలి. రవ్వ మంచి సువాసన వచ్చేంత వరకు, రంగు కొద్దిగా మారేంత వరకు వేయించడం ముఖ్యం. ఇది రవ్వ కేసరికి మంచి రుచిని, ఆకృతిని ఇస్తుంది.
రవ్వ వేగే సమయంలోనే, మరో పక్కన మూడు కప్పుల నీటిని వేడిచేసుకోండి. రవ్వను కొలిచిన అదే కప్పుతో నీటిని కొలవడం చాలా ముఖ్యం. వేడినీరు రవ్వ త్వరగా ఉడకడానికి సహాయపడుతుంది ఇంకా కేసరి సాఫ్ట్ గా రావడానికి దోహదపడుతుంది. రవ్వ బాగా వేగిన తర్వాత, వేడిచేసిన నీటిని నెమ్మదిగా రవ్వలో కలుపుతూ పోయండి. ఈ దశలో ఉండలు కట్టకుండా నిరంతరం కలుపుతూ ఉండాలి. రవ్వ నీటిని పీల్చుకుని, దగ్గరపడే వరకు బాగా ఉడకనివ్వండి. ఇలా చేయడం వల్ల రవ్వ కేసరి త్వరగా, పర్ఫెక్ట్ గా తయారవుతుంది.
రవ్వ దగ్గరపడిన తర్వాత, మనం తీసుకున్న ఒక కప్పు రవ్వకు ఒకటిన్నర కప్పు పంచదారను చేర్చండి. పంచదార వేసిన తర్వాత బాగా మిక్స్ చేయండి. పంచదార కరిగిన తరవాత ఈ మిశ్రమం కొద్దిగా పల్చబడుతుంది. పంచదార పూర్తిగా కరిగి, రవ్వతో బాగా కలిసిపోయే వరకు కలుపుతూ ఉండాలి. ఇక్కడ కూడా అదే కప్పు కొలతలను వాడటం వలన రవ్వ కేసరి తీపి పర్ఫెక్ట్ గా ఉంటుంది. పంచదార పూర్తిగా కరిగిపోయిన తర్వాత, అర కప్పు నెయ్యిని వేసి బాగా కలపండి. నెయ్యి రవ్వ కేసరికి అద్భుతమైన రుచిని, మెరుపును ఇస్తుంది. ఈ సమయంలో, మీకు నచ్చితే కొద్దిగా ఆరెంజ్ ఫుడ్ కలర్ ని కూడా కలుపుకోవచ్చు. ఇది కేవలం రంగు కోసం మాత్రమే, రుచిలో మార్పు ఉండదు. చివరిగా, అర టీస్పూన్ యాలకుల పొడిని, మనం ముందుగా వేయించి పెట్టుకున్న జీడిపప్పు, కిస్మిస్ లను వేసి బాగా కలపండి.రవ్వ కేసరి మిశ్రమం సాఫ్ట్ గా, దగ్గరపడి, పాన్ నుండి విడిపోవడం ప్రారంభించినప్పుడు స్టవ్ ఆఫ్ చేయండి. వేడి వేడి ప్రసాదం రవ్వ కేసరి రెడీ.