Beauty tips: స్పాట్ లెస్ బ్యూటి కోసం నారింజ తొక్కలతో ఫేస్ మాస్క్‌..! ఇలా వాడితే అందంగా మెరిసిపోతారు..
నారింజ తొక్కను విసిరిపారేస్తున్నారా..? అయితే, ఒకసారి ఇది తెలుసుకోండి.. మీ చర్మ సౌందర్యానికి ఆరెంజ్ తొక్కలు అద్భుతం చేస్తాయి. చర్మ సంరక్షణలో సహాయపడే అనేక పోషకాలు నారింజ తొక్కలో దాగి ఉన్నాయి. ఆరెంజ్ తొక్కలో విటమిన్ సి, యాంటీఆక్సిడెంట్లు మొదలైన వివిధ పోషకాలు నిండివున్నాయి. ఇవన్నీ చర్మానికి మేలు చేస్తాయి. ఆరెంజ్ తొక్కలో పాలీఫెనాల్స్, విటమిన్ సి ఉంటాయి. ఇది చర్మాన్ని కాంతివంతంగా మార్చడానికి, నల్ల మచ్చలను తొలగించడానికి సహాయపడుతుంది. ఆరెంజ్ తొక్కల పొడితో తయారు చేసిన ఫేస్ మాస్క్‌ వాడితే ఎలాంటి ప్రయోజనాలో ఇప్పుడు తెలుసుకుందాం..
నారింజ తొక్కలోని యాంటీఆక్సిడెంట్లు చర్మాన్ని అకాల వృద్ధాప్యం నుండి రక్షించడంలో ప్రయోజనకరంగా ఉంటాయి. ఆరెంజ్ తొక్కలో పాలీఫెనాల్స్, విటమిన్ సి ఉంటాయి. ఇది చర్మాన్ని కాంతివంతంగా మార్చడానికి, నల్ల మచ్చలను తొలగించడానికి సహాయపడుతుంది. ఆరెంజ్ తొక్కను కొన్ని రకాల ఫేస్ ప్యాక్‌లు తయారు చేసుకుని వాడితే.. ముఖ సౌందర్యాన్ని పెంచుకోవచ్చు.
నారింజలో విటమిన్ ఏ,సి, పొటాషియం ఎక్కువగా ఉంటాయి. అలాగే నారింజ తొక్కల్లో విటమిన్ సి కూడా పుష్కలంగా ఉంటుంది. ఇది కొత్త కణాలు పుట్టేలా చేస్తుంది. చర్మంలో విష వ్యర్థాలు తొలిగేలా చేసి, స్కిన్ మెరిసేలా చేస్తుంది. నారింజ తొక్కలోని యాంటీమైక్రోబయల్ లక్షణాలు మొటిమలను కలిగించే బ్యాక్టీరియాతో పోరాడటానికి సహాయపడతాయి.
ఒక టీస్పూన్ నారింజ తొక్క పొడి, ఒక టీస్పూన్ పెరుగు కలిపి ప్యాక్ తయారు చేయండి. తర్వాత ఈ ప్యాక్‌ని మీ ముఖం, మెడకు అప్లై చేయండి. 15 నిమిషాల తర్వాత చల్లటి నీటితో మీ ముఖాన్ని కడగాలి. ఈ ప్యాక్‌ని వారానికి రెండు లేదా మూడు సార్లు అప్లై చేయండి. ఇంట్లో నారింజ తొక్కను ఎండబెట్టి గ్రైండ్ చేయడం మంచిది. కానీ అలర్జీ సమస్యలు ఉన్నవారు ఆరెంజ్ పౌడర్ వాడే ముందు ప్యాచ్ టెస్ట్ చేయడం మర్చిపోకూడదు.
నారింజ తొక్క పొడి, ఒక టీస్పూన్ అలోవెరా జెల్, ఒక టీస్పూన్ పసుపు పొడి, రెండు టీస్పూన్ల పాలు కలిపి ప్యాక్ తయారు చేసుకోండి. తర్వాత ఈ ప్యాక్‌ని మీ ముఖం మెడకు అప్లై చేయండి. 20 నిమిషాల తర్వాత కడిగేయాలి. ఈ ప్యాక్‌ని వారానికి రెండు లేదా మూడు సార్లు అప్లై చేయండి.
రెండు టేబుల్ స్పూన్ల నారింజ తొక్కల పొడిలో కొద్దిగా నిమ్మరసం కలిపి ముఖానికి రాసుకుని అరగంట పాటు పూర్తిగా ఆరనివ్వాలి. ఆ తర్వాత నీటితో శుభ్రంగా కడిగేసుకోండి.. ముఖంపై నల్లమచ్చలు పోయి.. కాంతి వస్తుంది. ఈ ఫేస్‌ప్యాక్‌లు మీ స్కిన్‌కి సెట్ అవుతాయో లేదో మీ స్కిన్ స్పెషలిస్టును అడిగి ట్రై చేయటం మంచిది.