36 రోజుల పాటు శుభముహూర్తాలకు బ్రేక్.. జూన్ 19 తర్వాతే పెళ్లి సందడి!
శుభముహూర్తాలకు విరామం కార్డు పడింది వచ్చే నెల 18వ తేదీ వరకు ఇక ముహూర్తాలు లేవని పండితులు సూచిస్తున్నారు.. పరాభవ నామ సంవత్సరంలో శుభ ముహూర్తాల ప్రభావంతో పెళ్లి వేడుకలు, గృహప్రవేశాలకు బ్రేక్ పడింది.. అధిక జ్యేష్ట మాసం ప్రభావంతో 36 రోజులపాటు ముహూర్తాలు లేవట.. రెండు నెలలపాటు పెళ్లి వేడుకలు, భాజా భజంత్రీలతో కళకళలాడిన కళ్యాణ మండపాలు ఇప్పుడు వెలవెలబోతున్నాయి.
శుభముహూర్తాలకు విరామం కార్డు పడింది వచ్చే నెల 18వ తేదీ వరకు ఇక ముహూర్తాలు లేవని పండితులు సూచిస్తున్నారు.. పరాభవ నామ సంవత్సరంలో శుభ ముహూర్తాల ప్రభావంతో పెళ్లి వేడుకలు, గృహప్రవేశాలకు బ్రేక్ పడింది.. అధిక జ్యేష్ట మాసం ప్రభావంతో 36 రోజులపాటు ముహూర్తాలు లేవట.. రెండు నెలలపాటు పెళ్లి వేడుకలు, భాజా భజంత్రీలతో కళకళలాడిన కళ్యాణ మండపాలు ఇప్పుడు వెలవెలబోతున్నాయి.
36 రోజులపాటు శుభకార్యులకు విరామం ఏర్పడింది. మే 14వ తేదీ నుండి అధిక జ్యేష్ట మాసం కావడంతో శుభకార్యాలకు మంచి ముహూర్తాలు కరువయ్యాయి. ఈ నెలలో దైవ కార్యక్రమాలకు ప్రాధాన్యం ఉన్నప్పటికీ శుభకార్యాలు, వివాహాలు, గృహప్రవేశాలు చేయడం శాస్త్ర ప్రకారం అనుకూలం కాదని పండితులు సూచిస్తున్నారు. గృహస్థితులు, తిధులు కలయిక సూర్య సంచారం వంటి అంశాలను పరిగణలోకి తీసుకొని పండితులు సూచనలు చేస్తున్నారు.
శుభ ముహూర్తాలకు బ్రేక్ పడడంతో వివిధ వ్యాపారాలపై తీవ్ర ప్రభావం పడుతుంది.. పెళ్లిళ్లు గృహప్రవేశాలు ఇతర శుభకార్యాలన్ని నిలిచి పోనున్నాయి.. దీంతో ఫంక్షన్ హాళ్లు, క్యాటరింగ్, ఫోటోగ్రఫీ బ్యాండ్స్, డెకరేషన్, టెంట్ హౌస్ బ్యూటీ పార్లర్, ట్రావెల్స్, లాజిస్టిక్స్ వంటి వ్యాపార రంగాలు ఈ నెల రోజులు వెలవెలబోతున్నాయి.
వచ్చేనెలలో జూన్ 19వ తేదీ నుండి మళ్లీ శుభ ముహూర్తాలు ప్రారంభం అవుతున్నాయి.. జూన్ 19, 20, 21, 24, 25, 26,27, 28 తేదీలలో అనుకూల శుభ ముహూర్తాలు ఉన్నాయని పండితులు సూచిస్తున్నారు. జులైలో కూడా 1వ తేదీ నుండి 9వ తేదీ వరకు మంచి ముహూర్తాలున్నాయని పండితులు సూచిస్తున్నారు. ఆగస్టు నెలలో కూడా 16, 20,21 22, 23, 24 ,25 ,26, 27,28,30 తేదీలలో వరుసగా శుభకార్యాలకు మంచి ముహూర్తాలునట్లుగా పండితులు సూచిస్తున్నారు.
మే 14 నుండి మూగబోయిన శుభకార్యాలకు 36 రోజుల తర్వాత మళ్లీ కళకళలాడనున్నాయి.. పెళ్లి ముహూర్తాలు శుభకార్యాలకు మంచి ముహూర్తాలు ఉండడంతో ఇప్పటినుండే ఫంక్షన్ హాల్ అడ్వాన్స్ బుకింగ్ చేసుకుంటున్నారు.. ఇప్పటికే వాళ్ళ పిల్లల వివాహాలు నిశ్చయం చేసుకున్న తల్లిదండ్రులు జూన్ నెలలో పెళ్లి వేడుకలకు ఏర్పాట్లు చేసుకుంటున్నారు.. జూన్ 19వ తేదీ తర్వాత మళ్ళీ పెళ్లి కళ రానుంది.