Washing Machine: లిక్విడ్ Vs పౌడర్ డిటర్జెంట్.. వాషింగ్ మెషీన్కు ఏది బెస్ట్..? తప్పక తెలుసుకోండి..
సాధారణంగా మార్కెట్లో టాప్ లోడ్, ఫ్రంట్ లోడ్ వాషింగ్ మెషీన్లు అందుబాటులో ఉన్నాయి. ఈ రెండింటిలో ఏది ఎంచుకోవాలనేది పూర్తిగా మీ అవసరాలు, బడ్జెట్, సౌలభ్యంపై ఆధారపడి ఉంటుంది. మీరు మెరుగైన శుభ్రత, సామర్థ్యాన్ని కోరుకుంటే ఫ్రంట్ లోడ్ మెషీన్లను ఎంచుకోవచ్చు. లేదా తక్కువ ఖర్చు, సులభమైన వినియోగాన్ని కోరుకుంటే టాప్ లోడ్ మెషీన్లను ఎంచుకోవచ్చు. అయితే డిటర్జెంట్ ఎంపిక కూడా చాలా కీలకం. మంచి డిటర్జెంట్ వల్ల బట్టలు క్లీన్గా ఉంటాయి. మెషీన్ జీవితకాలం కూడా బాగుంటుంది.
ఫ్రంట్ లోడ్ వాషింగ్ మెషీన్: ఫ్రంట్ లోడ్ మెషీన్లు మరకలను తొలగించడంలో అత్యంత ప్రభావవంతంగా పనిచేస్తాయి. ఇవి టంబుల్-లోడ్ చర్యను ఉపయోగిస్తాయి. వీటి వల్ల బట్టలు సున్నితంగా ఉతకడం జరుగుతుంది. అంతేకాకుండా ఇవి తక్కువ నీరు, విద్యుత్తును మాత్రమే ఉపయోగిస్తాయి. ఈ మెషీన్లు బట్టల నుండి ఎక్కువ నీటిని తీయడం వలన బట్టలు ఆరబెట్టే సమయం కూడా తగ్గుతుంది. ముఖ్యంగా ఫ్రంట్ లోడ్ మెషీన్లు ఎక్కువ శబ్దం చేయకుండా చాలా నిశ్శబ్దంగా పనిచేస్తాయి.
టాప్ లోడ్ వాషింగ్ మెషీన్: టాప్ లోడ్ వాషింగ్ మెషీన్లు తక్కువ ధరకు లభిస్తాయి. వీటిలో సైకిల్ మధ్యలో కూడా బట్టలు జోడించే సౌలభ్యం ఉంటుంది. అలాగే ఓపెన్ టాప్ వల్ల తేమ సులభంగా ఆవిరైపోతుంది. దీని కారణంగా బూజు వచ్చే ప్రమాదం తగ్గుతుంది. అయితే టాప్ లోడ్ మెషీన్లు బట్టలను బలంగా, వేగంగా ఉతుకుతాయి. ఇవి ఫ్రంట్ లోడ్ మెషీన్ల కంటే కొంచెం కఠినంగా ఉతుకుతాయి.
మీరు ఏ వాషింగ్ మెషీన్ ఉపయోగించినా.. సరైన డిటర్జెంట్ లేదా లిక్విడ్ను ఎంచుకోవడం ముఖ్యం. ఎందుకంటే ఇది శుభ్రపరిచే పనితీరు, ఫాబ్రిక్ సంరక్షణ, మెషీన్ జీవితకాలంపై ప్రభావం చూపుతుంది. మీరు మీ మెషీన్కు తప్పు డిటర్జెంట్ను ఉపయోగిస్తే.. అది దాని జీవితకాలంపై ప్రతికూల ప్రభావం చూపే ప్రమాదం ఉంది. మీది ఫ్రంట్ లోడ్ లేదా టాప్ లోడ్ మెషీన్ అనే దానిపై ఆధారపడి మీరు డిటర్జెంట్ను ఎంచుకోవాలి.
డిటర్జెంట్ తేడాలు: టాప్ లోడ్ - ఫ్రంట్ లోడ్ వాషింగ్ మెషీన్ల మధ్య తేడా వాటి నీటి వినియోగంపై ఆధారపడి ఉంటుంది. ఫ్రంట్ లోడ్ మెషీన్లు చాలా తక్కువ నీటిని ఉపయోగిస్తాయి.. కాబట్టి వాటికి డిటర్జెంట్ ఎక్కువ గాఢంగా ఉండాలి. టాప్ లోడ్ మెషీన్లు ఎక్కువ నీటిని ఉపయోగిస్తున్న నేపథ్యంలో వాటికి కరిగే స్వభావం ఉన్న డిటర్జెంట్ అవసరం.
ప్రస్తుతం అనేక పర్యావరణ అనుకూలమైన లాండ్రీ డిటర్జెంట్లు వాటి నీటి సామర్థ్యం కారణంగా ప్రత్యేకంగా ఫ్రంట్-లోడింగ్ వాషింగ్ మెషీన్ల కోసం తీసుకొచ్చారు. అయితే టాప్ లోడింగ్ మెషీన్లకు అనుకూలంగా ఉండే గ్రీన్ డిటర్జెంట్లు కూడా అందుబాటులోకి వస్తున్నాయి. స్థిరత్వం, పనితీరులో రాజీ లేకుండా ఉతకడానికి వీటిని ఎంచుకోవచ్చు.