కొన్ని దేశాల్లో విచిత్ర నియమాలు.. సమోసా, కెచప్ తినలేరు.. బ్లూ జీన్స్, పసుపు రంగు దుస్తులు ధరించలేరు..
రోమ్ లో రోమన్ లా జీవించు అని పెద్దల సామెత.. అవును ప్రపంచంలో ఏ ప్రాంతాలకు వెళ్తే అక్కడ పరిసరాలకు, స్థానికుల జీవన విధానానికి అనుగుణంగా జీవించాల్సి ఉంటుంది. అంతేకాదు ఆ దేశ సంస్కృతి, సంప్రదాయం, పద్దతులను అనుసరిస్తే జీవితంలో సరికొత్త అనుభవాన్ని ఇస్తుంది. అదే సమయంలో ఆ దేశంలో ఉన్న నియమాలను నిషేధాలను కూడా అనుసరించాల్సిందే.. లేదంటే ఇబ్బందులను ఎదుర్కొనాలి. ఈ రోజు బ్లూ జీన్స్, అల్లం, కెచప్ వంటి వాటిని నిషేధించిన దేశాలున్నాయి.
ప్రపంచవ్యాప్తంగా అనేక రకాలు ఉన్నాయి. వేర్వేరు ప్రాంతాలకు చెందిన ప్రజలు భిన్నంగా ఉంటారు. ధరించే దుస్తులు భిన్నంగా ఉంటాయి, భాషా కూడా వైవిధ్యంగా ఉంటుంది. అయితే కొన్ని దేశాల్లో విచిత్రమైన నియమాలు కూడా ఉన్నాయి. అవి తెలుసుకుంటే ఆశ్చర్యం కలిగిస్తాయి కూడా.. అక్కడ ఉన్న చట్టాలను ఉల్లంఘిస్తే ఇబ్బందుల్లో పడవచ్చు. కనుక వాటిని తెలుసుకోవడం మంచిది.
సింగపూర్‌లో చూయింగ్ గమ్ పై నిషేధం ఉంది. 1992లో ఓ వ్యక్తి కారుకి చూయింగ్ గమ్ అంటుకోవడంతో గంటల తరబడి రవాణా సేవలు నిలిచిపోయాయి. అప్పుడు ప్రజలు చాలా ఇబ్బందులు పడాల్సి వచ్చింది. దీంతో అప్పటి నుంచి చూయింగ్ గమ్ నిషేధించింది.
మలేషియా ప్రభుత్వం ఆ దేశంలో పసుపు రంగును నిషేధించింది. 2015లో మలేషియా ప్రధానికి వ్యతిరేకంగా ప్రజలు పసుపు రంగు టీషర్టులు ధరించి నిరసన తెలిపారు. దీన్ని నియంత్రించేందుకు ప్రభుత్వ స్థలాల్లో పసుపు రంగు దుస్తులను ధరించడం ప్రభుత్వం నిషేధించింది.
సోమాలియాలో సింగర అంటే సమోసాను నిషేధించారు. తమ దేశంలో సమోసాలను తయారు చేయడం, తినడం, విక్రయించడాన్ని నిషేధిస్తున్నట్లు సున్నీ ఇస్లామిక్ మిలటరీ, రాజకీయ పార్టీ అయిన అల్ షబాబ్ గ్రూప్ ప్రకటించింది. మోసా ఉన్న ఆకారమే సోమాలియా దేశానికి అభ్యంతరకం అంట. సమోసా ట్రయాంగిల్ షేప్ లో ఉంటుంది.. సమోసా ట్రయాంగిల్ షేప్ ..క్రైస్తవుల పవిత్ర చిహ్నాలు అని.. తమ సోమాలియా ఇస్లామిక్ మతానికి విరుద్ధంగా ఉందని నమ్ముతారు.
గ్రీస్‌లో వీడియో గేమ్‌లు నిషేధించబడ్డాయి. కేవలం వీడియో గేమ్‌లు మాత్రమే కాదు.. ఎటువంటి కంప్యూటర్ గేమ్‌లైనా ఆ దేశంలో ఆడడం నిషేధం. 2002లో చట్టం తీసుకుని వచ్చి మరీ గ్రీస్‌లో వీడియో గేమ్‌లను నిషేధించారు.
ఉత్తర కొరియాలో బ్లూ జీన్స్‌కు అనుమతి లేదు. నీలం రంగు అమెరికాను గుర్తుకు తెస్తుందని, అందుకే ఈ నిర్ణయం తీసుకున్నారని ఆ దేశ పాలకుడు పేర్కొన్నాడు.