Kitchen Hacks: వంటగదిని ఎకో ఫ్రెండ్లీగా మార్చుకోవాలనుకుంటున్నారా… స్టీల్ ప్లేస్‌లో వీటిని ఉపయోగించండి
కాలంతో వచ్చిన మార్పుల్లో భాగంగా జీవన శైలీలో మాత్రమే కాదు.. తినే ఆహారంలో మార్పులు వంట చేసే విధానంలో మార్పులు చోటు చేసుకున్నాయి. వంట ఇంట్లో రాగి, ఇత్తడి, మట్టి పాత్రల ప్లేస్ లో ఉక్కు, ప్లాస్టిక్ , టిప్పర్ వేర్ వస్తువులు వచ్చాయి. అయితే మీ వంటగదిని ఎకో ఫ్రెండ్లీగా మార్చుకోవాలనుకుంటే.. వంటగదిలో మట్టి పాత్ర కంటే ముందుగా చెక్క పాత్రలను ఉపయోగించండి. కొంత కాలం క్రితం వరకూ వంట ఇంట్లో ఇత్తడి, రాగి, ఉక్కు పాత్రలు ఉండేవి.. తర్వాత స్టీల్ పాత్రలు వచ్చాయి. ఇప్పుడు మైక్రోవేవ్ వచ్చింది కనుక స్టీలు పాత్రలతో పాటు ప్లాస్టిక్, టప్పర్‌వేర్ డబ్బాలు వంటగది అరల్లో చోటు దక్కించుకున్నాయి. అయితే వంటగదిలో స్టీల్, గాజు సీసాలు, ప్లాస్టిక్ బాక్సులతో పాటు చెక్క వస్తువులకు కూడా చోటు ఇవ్వడం వల్ల మీకు తెలియకుండానే అనేక మార్పులు వస్తాయి.
ఆధునికీకరణతో కొంతమంది పర్యావరణ అనుకూల పదార్థాల వైపు కూడా ఆకర్షితులవుతున్నారు. ప్లాస్టిక్ భూమిలో కరిగిపోవడానికి వందల సంవత్సరాలు పడుతుంది. అందువల్ల, పర్యావరణ అనుకూల పదార్థాలను ఉపయోగించడం గురించి అవగాహన పెరుగుతోంది. మీకు కూడా అలాంటి ఆలోచన ఉంటే చెక్క వస్తువులను రోజువారీ ఉపయోగం కోసం ఉపయోగించడం మొదలు పెట్టవచ్చు.
వంట గదిలో సాధారణంగా ఉపయోగించే పాత్రలకు గొప్ప ప్రత్యామ్నాయం చెక్కతో చేసిన పాత్రలు . ఎందుకంటే ఇవి మన్నికైనవి. ఆహారం చెడిపోయే ప్రమాదం తక్కువ. కనుక పర్యావరణ అనుకూలమైన వంటగది కావాలంటే చెక్కతో తయారు చేసిన వంటగది ఉపకరణాలను ఉపయోగించండి.
గరిటెలు, స్పూన్లు, కట్టింగ్ బోర్డులు వంటి చెక్క వంట సాధనాలు.. అల్యూమినియం లేదా తక్కువ-నాణ్యత కలిగిన స్టెయిన్‌లెస్ స్టీల్‌తో చేసిన వాటికీ భిన్నంగా ఉంటాయి. కనుక మెటల్ వంటసామాల్లో ఆహార పదార్ధాలను వేయడం వలన కలిగే ఆమ్ల చర్యలను చెక్క వంటసామాను జరిపదు. ఈ రసాయన ప్రతిచర్యలు శరీరంపై ప్రతికూల ప్రభావాన్ని చూపిస్తాయి. చెక్కతో చేసిన వంట పాత్రలను ఉపయోగించడం వల్ల ఆహారం వాసన, రుచిని కోల్పోదు.
చెక్క పదార్థాలు వేడిని ఎక్కువగా ప్రవహించవు. కనుక చేతులు కాలిపోయే అవకాశం తక్కువగా ఉంటుంది. కనుక ఆహారం తయారీకి మట్టి పాత్రలు, పాన్‌లకు బదులుగా చెక్కతో చేసిన వంట పాత్రలను ఉపయోగించవచ్చు. అదేవిధంగా చెక్క పాత్రలు మీ ఆహారాన్ని మాడ్చేసే విధంగా వేడిని తీసుకోవు.
చెక్క వంట పాత్రలు స్వాభావికమైన మన్నికను కలిగి ఉంటాయి. వీటిని సక్రమంగా ఉపయోగిస్తే ఎక్కువ కాలం ఉపయోగించవచ్చు. చెక్కతో చేసిన వంట పాత్రలు తుప్పు పట్టవు. ఇవి ఆమ్ల పదార్థాలచే ప్రభావితం కావు కనుక ఇవి ఎంత కాలం వినియోగించిన తుప్పు పట్టవు.
ప్లాస్టిక్ , మెటల్ పాత్రలతో పోలిస్తే, చెక్కతో చేసిన వంట పాత్రలు సూక్ష్మక్రిములను నాశనం చేస్తాయి. ఆహార వినియోగానికి సురక్షితం. ప్లాస్టిక్, మెటల్ పాత్రలు సరిగ్గా శుభ్రం చేయకపోతే ఆరోగ్యానికి హాని కలిగిస్తాయి. మెటల్, అల్యూమినియం పాత్రలకు బదులుగా పైన్, ఓక్ , టేకు వంటి కలపతో చేసిన చెక్క వంట పాత్రలను ఉపయోగించవచ్చు.
చెక్క వంటసామాను వెదురు లేదా ఇతర స్థిరమైన కలప వంటి పునరుత్పాదక వనరుల నుండి తయారు చేయబడుతుంది. అటువంటి పాత్రలను ఉపయోగించడం వల్ల ప్లాస్టిక్ వంటసామానులపై ఆధారపడటం తగ్గుతుంది. ప్లాస్టిక్ పర్యావరణ అనుకూలమైనది కాదు. ఇది కాలుష్యానికి దారితీస్తుంది. ప్లాస్టిక్ వినియోగం తగ్గితే పర్యావరణంలో కాలుష్యం తగ్గుతుంది.