Knowledge: ప్రపంచంలో అత్యంత బరువైన చిలుక గురించి మీకు తెలుసా..!
Knowledge: చిలుక చాలా వేగంగా నేర్చుకునే పక్షి. అందుకే ఇది మానవ స్వరాన్ని సులభంగా అనుకరించగలదు. ప్రపంచంలో చిలుకల జాతులు తక్కువేం కాదు.
చిలుక చాలా వేగంగా నేర్చుకునే పక్షి. అందుకే ఇది మానవ స్వరాన్ని సులభంగా అనుకరించగలదు. ప్రపంచంలో చిలుకల జాతులు తక్కువేం కాదు. అయితే ప్రపంచంలో ఎగరలేని చిలుక ఉందని మీకు తెలుసా? ఇది అత్యంత బరువైన చిలుకగా రికార్డు సృష్టించింది. దీనిని కకాపో అంటారు.
కకాపో న్యూజిలాండ్‌లో కనిపిస్తాయి. వాటి ముక్కు పొడవుగానూ, కాళ్లు పొట్టిగానూ ఉంటాయి. అవి 40 నుంచి 80 సంవత్సరాల వరకు జీవిస్తాయి. అందుకే ప్రపంచంలో ఎక్కువ కాలం జీవించిన చిలుక ఇదే. వాటి రెక్కలు శరీరంతో పోలిస్తే చాలా చిన్నవి. ఎగరాలంటే చాలా కష్టం.
కాకాపో ఎగరలేకపోయినా పాదాలతో దాన్ని కవర్‌ చేస్తాయి. ఎందుకంటే వాటి కాళ్లు పొట్టిగా ఉంటాయి కానీ చాలా బలంగా ఉంటాయి. ఇవి ఒక విధంగా రెక్కలుగా పనిచేస్తాయి. ల్యాండింగ్‌లో రెక్కలు పారాచూట్‌లా గాయపడకుండా కాపాడతాయి.
గద్దల నుంచి తమను తాము రక్షించుకోవడంలో ఇవి బాగా ప్రావీణ్యం కలిగి ఉంటాయి. అప్రమత్తంగా వ్యవహరిస్తాయి. కానీ మానవుల వేట నుంచి మాత్రం తప్పించుకోలేవు.
ఇతర చిలుకల మాదిరి కాకుండా కాకాపో పగటిపూట నీరసంగా, రాత్రి సమయంలో చురుకుగా ఉంటుంది. అందుకే వీటిని రాత్రి గుడ్లగూబలు అని పిలుస్తారు. వీటి బరువు దాదాపు 4 కిలోల వరకు ఉంటుంది.