Water Tank: వాటర్ ట్యాంక్ క్లీనింగ్ ఇక చిటికలో పని.. లోపలికి దిగకుండానే ఈజీగా శుభ్రం చేయండిలా.!
ప్రతి ఇంట్లో వాటర్ ట్యాంక్ శుభ్రం చేయడం అనేది ఒక పెద్ద టాస్క్. ట్యాంక్ లోపల పేరుకుపోయిన ఇసుక, పాచి, బురదను తీయాలంటే ఎవరో ఒకరు లోపలికి దిగాల్సిందే. అది చాలా కష్టంతో కూడుకున్న పని, పైగా అందరికీ సాధ్యం కాదు. ఆ వివరాలు ఇలా ఉన్నాయి.
మన ఇంటి వాటర్ ట్యాంక్ అడుగున ఇసుక, బురద పేరుకుపోయి ఉంటే అది మన ఆరోగ్యానికి అస్సలు మంచిది కాదు. ఈ మురికి నీటి వల్ల కుళాయిలు జామ్ అవ్వడమే కాకుండా, స్నానం చేసేటప్పుడు చర్మ సమస్యలు కూడా వచ్చే అవకాశం ఉంది. అందుకే ట్యాంక్ క్లీనింగ్ చాలా ముఖ్యం.
ట్యాంక్ క్లీన్ చేయడానికి ఒక ప్లాస్టిక్ బాటిల్, పైపును ఎలా సిద్ధం చేసుకోవాలో ఇక్కడ చూడవచ్చు. బాటిల్కు రంధ్రాలు చేసి దాన్ని పైపుకు అమర్చడం వల్ల అది ఒక పవర్ఫుల్ వాక్యూమ్ లాగా పనిచేస్తుంది. ఇది ఇంట్లోనే రూపాయి ఖర్చు లేకుండా చేసుకునే గొప్ప ఐడియా.
ట్యాంక్ లోపలికి దిగాల్సిన అవసరం లేకుండానే కర్ర సహాయంతో అడుగు భాగం వరకు బాటిల్ను తీసుకెళ్లవచ్చు. పైపు ద్వారా సైఫన్ పద్ధతిలో నీరు బయటకు వస్తున్నప్పుడు, అడుగున ఉన్న మురికి అంతా ఆ నీటితో పాటు బయటకు వచ్చేస్తుంది. ఇది శ్రమను బాగా తగ్గిస్తుంది.
పైపు నుంచి బయటకు వస్తున్న నల్లటి మురికి నీటిని చూస్తే ట్యాంక్ ఎంత అపరిశుభ్రంగా ఉందో మనకు అర్థమవుతుంది. ట్యాంక్లో ఉన్న మంచి నీటిని వృధా చేయకుండా కేవలం అడుగున పేరుకుపోయిన మట్టిని మాత్రమే ఈ పద్ధతిలో చాలా సులభంగా బయటకు పంపవచ్చు.
క్లీనింగ్ పూర్తయ్యాక ట్యాంక్ ఎంత శుభ్రంగా ఉంటుందో మీరు చూడవచ్చు. ఎలాంటి కెమికల్స్ వాడకుండా, శారీరక శ్రమ లేకుండా ట్యాంక్ కొత్త దానిలా మెరిసిపోతుంది. ఈ సులభమైన పద్ధతిని పాటిస్తే ఎవరైనా తమ ఇంటి వాటర్ ట్యాంక్ను నిమిషాల్లో క్లీన్ చేసుకోవచ్చు.