Cardamom: యాలకులు ఎన్ని రకాలు, వాటి ప్రయోజనాలు, దేన్ని ఎలా వాడాలి!
యాలకులు (Cardamom) సుగంధ ద్రవ్యాలలో ఒక ముఖ్యమైన పదార్థం, వీటిని ఎక్కువగా ఆహార పదార్థాలు, స్వీట్లలో వాడుతారు. ఇవి ఆహారంలో సుగంధం, రుచిని జోడిస్తాయి. యాలకులు జింజిబరేసి (Zingiberaceae) కుటుంబానికి చెందిన మొక్కల నుండి వస్తాయి. ప్రపంచంలోనే అత్యంత ఖరీదైన సుగంధ ద్రవ్యాల్లో ఇవి కూడా ఒకటి. ఇవి ప్రధానంగా రెండు రకాలు ఒకటి ఆకుపచ్చ యాలకులు, మరోకటి నల్ల యాలకులు, అయితే ఈ రెండింటిలో దేన్ని ఏ విధంగా ఉపయోగిస్తారో ఇప్పుడు తెలుసుకుందాం పదండి..
యాలకులను హిందీలో ఇలాచీ అని పిలుస్తారు. వీటిని వంటల్లో అనేక రకాలుగా వాడుకోవచ్చు. పచ్చయాలకులను కొందరు దంచి పొడిగా చేసి వంటకాల్లో వాడుతూ ఉంటారు. ఇలా చేయడంతో వంటకాల్లో సువాసనతో పాటు లోపలి గింజల ఫ్లేవర్ కూడా బాగా పడుతుంది. అయితే కొన్ని వంటల్లో యాలకుల గింజలను మాత్రమే వేస్తారు. ఇవి వంటకు మరింత ఘాటైన సువాసనను అందిస్తాయి. అయితే కొన్ని సార్లు వీటి నుంచి నూనేను కూడా తయారు చేస్తారు. దాన్ని స్వీట్స్ తయారీ, బేకరీల్లో వాడుతారు.
యాలకుల్లో ముఖ్యంగా రెండు రకాలు ఉంటాయి. పచ్చ యాలకులు, నల్ల యాలకులు. ఈ పచ్చ యాలకులు తియ్యగా, సువాసన బరితంగా ఉంటాయి కాబట్టి వీటిని ఎక్కువగా స్వీట్స్, టీ తయారీ, సాధారణ వంటకాల్లో వాడతారు. నల్ల యాలకులు ఎక్కవ ఘాటుగా ఉంటాయి కాబట్టి వీటిని ఘాటైన వంటకాలైన బిర్యానీ, నాన్వెజ్ కర్రీస్లో ఎక్కువగా వాడుతారు.
మన దేశంలో యాలకులను ఎక్కువగా టీలో ఫ్లేవర్ కోసం వినియోగిస్తారు. దీన్ని కలిపితే టీకి వచ్చే సువాసనా ఎంతో అమోగంగా ఉంటుంది. చాలా మందికి ఇలాచి ఛాయ్ అంటే ఏంతో ఇష్టం. టీలో కూడా దీన్ని రెండు రకాలుగా వాడుతారు. ఒకరు పాలు కలిపిన టీలో వాడుతారు, పాలు కలపకుండా ఉండే బ్లాక్ టీలో కూడా వాడుతారు. వీటిని టీలోనే కాకుండా ఇతర రకరకాల సీతల పానియాలలో కూడా వాడుతూ ఉంటారు.
ఈ యాలకులు ముఖ్యంగా భాయతీయ వంటకాల్లో కీలక పాత్ర పోషిస్తాయి. ఏ శుభకార్యం జరిగినా వంటకాల వద్ద వీటి పరిమలం అందరినీ ఆకట్టుకుంటుంది. ఇవి ఇతర మసాలాలతో దినుషులతో కలిసినప్పుడు వంటకానికి మరింత రుచిని, సువాసనను అందిస్తాయి. అయితే కొందరు వీటిని దంచి పొడిగా పోస్ట్ చేసుకొని వాడుతుంటారు. అలా చేస్తే వీటి సువాసన తగ్గుతుంది కాబట్టి ఎప్పటికప్పుడు వీటిని దంచుకొని వాడటం మంచింది.
అయితే ఈ యాలకులను ఔషదాలలా కూడా వాడుతుంటారు. ఇవి జీర్ణ సమస్యలు, శ్వాస సమస్యలు, దంత ఆరోగ్యానికి ఉపయోగపడతాయి. అంతేకాకుండా సుగంద ద్రవ్యాల తయారీలో కూడా వీటిని ఉపయోగిస్తారు. ఇవి ఎక్కవగా కేరళ, కర్ణాటక, తమిళనాడు రాష్ట్రాలులో దొరుకుతాయి. నల్ల యాలకుల కన్నా ఆకుపచ్చ యాలకులు ప్రపంచవ్యాప్తంగా ఎక్కువ డిమాండ్ను కలిగి ఉన్నాయి.