హోలీ స్పెషల్.. పాలకూర చికెన్ కూర ఇలా వండితే.. ముక్క కాదు కదా.. గిన్నె కూడా వదలరు
హోలీ రోజు మీ ఇంట్లో స్పెషల్ రెసిపీ ఈ పాలకూర చికెన్ కూరను ఇలా వండితే మీ ఇంట్లో వాళ్ళు ప్లేట్ కూడా వదలకుండా మొత్తం లాగించేస్తారు. ఎందుకంటే, ఇది అంత రుచిగా ఉంటుంది. మరి, ఇంకెందుకు ఆలస్యం దీనిని ఎలా తయారు చేయాలో ఇక్కడ చూద్దాం..
కావాల్సిన పదార్ధాలు : అరకిలో చికెన్, 3 పాలకూర కట్టలు, రెండు చిన్న ఉల్లిపాయ, 3 టమోటాలు, 2 పచ్చిమిర్చి, ఒక టీ స్పూన్ అల్లం వెల్లుల్లి పేస్ట్, ఒక టీ స్పూన్ చికెన్ మసాలా పొడి, అర టీ స్పూన్ పసుపు, రెండు టేబుల్ స్పూన్స్ కారం, నూనెను తీసుకోవాలి.
ముందుగా చికెన్ తీసుకుని పసుపుతో శుభ్రం చేసి నీళ్ళలో 10 నిముషాల పాటు బాగా ఉడికించండి. ఆ తర్వాత నీటిని చికెన్ ముక్కలను వేరు చేసి ఒక బౌల్ లోకి తీసుకోండి.
ఇప్పుడు పాలకూరను తీసుకుని శుభ్రపరచి పాన్ లో నీళ్ళు పోసి బాగా ఉడికించాలి. ఆ తర్వాత దానిని రొటీలో కానీ మిక్సీలో కానీ వేసి పేస్ట్ అయ్యేలా పట్టుకోవాలి.
గ్యాస్ పొయ్యి మీద పాన్ పెట్టి నూనె వేసి, అది వేడయ్యాక యాలకులు , బిర్యానీ మసాలాలు వేసి బాగా వేయించాలి. 2 మినిట్స్ తర్వాత ఉల్లిపాయ ముక్కలు వేసి బంగారు రంగు వచ్చే వరకు స్టవ్ మీదే వేయించాలి.
ఈ మిశ్రమంలో ముందుగా అల్లం వెల్లుల్లి పేస్ట్, చికెన్ ముక్కలు వేసి మిక్స్ అయ్యేలా కలుపుకోవాలి. ఆ తర్వాత పాలకూర పేస్ట్ ను వేసి 10 నిమిషాల పాటు అలాగే ఉంచి చివర్లో కొత్తిమీర ఆకులు వేసి స్టవ్ ఆఫ్ చేసి దించేయండి. అంతే అంతే వేడి వేడి పాలకూర చికెన్ కూర రెడీ.