శరీరంలో ఈ 5 లక్షణాలు కనిపిస్తున్నాయా..? సమస్య పెద్దదే.. అస్సలు నిర్లక్ష్యం చేయకండి..
అధిక కొలెస్ట్రాల్ ఒక తీవ్రమైన వ్యాధి.. దాని లక్షణాలు మొదట కనిపించవు. కానీ కాలక్రమేణా దాని లక్షణాలు శరీరంలో కనిపిస్తాయి. నిర్లక్ష్యం చేస్తే మీ ఆరోగ్యానికి హాని కలుగుతుంది. చెడు కొలెస్ట్రాల్ ఊబకాయంతోపాటు ప్రమాదకరమైన జబ్బుల బారిన పడేలా చేస్తుంది.. అయితే.. చెడు కొలెస్ట్రాల్ సిరల్లో పేరుకుపోతే, మీకు కొన్ని లక్షణాలు కనిపిస్తాయి. వాటిని అస్సలు నిర్లక్ష్యం చేయకండి..
కొలెస్ట్రాల్ ప్రాణాంతకంగా మారుతుంది.. దీని లక్షణాలను నిర్లక్ష్యం చేయడం వల్ల గుండెపోటు వస్తుంది. పక్షవాతం వచ్చే ప్రమాదం కూడా పెరుగుతుంది.. అంతేకాకుండా ఊబకాయంతోపాటు ఆరోగ్యాన్ని దెబ్బతీసి ప్రమాదకర జబ్బుల బారిన పడేలా చేస్తోంది.. అయితే.. కొలెస్ట్రాల్ అనేది కణ త్వచాలలో కనిపించే కొవ్వు, జిడ్డుగల స్టెరాయిడ్.. ఇది రక్త సిరల్లో ఫలకం పేరుకుపోవడానికి కారణమవ్వడంతోపాటు రక్తం సరఫరాకు అడ్డంకిని కలిగిస్తుంది. కొలెస్ట్రాల్ ను రెండు రకాలుగా విభజిస్తారు.. అధిక సాంద్రత కలిగిన లిపోప్రొటీన్ (HDL) అంటే మంచి కొలెస్ట్రాల్ అని.. తక్కువ సాంద్రత కలిగిన లిపోప్రొటీన్ (LDL) అంటే చెడు కొలెస్ట్రాల్ గా పరిగణిస్తారు. చెడు కొలెస్ట్రాల్ సిరల్లో పేరుకుపోతే.. మీకు శరీరంలో కొన్ని లక్షణాలు కనిపిస్తాయి. వాటిని అస్సలు నిర్లక్ష్యం చేయకుండా వైద్యులను సంప్రదించాలి.. ఈ క్రింది ఐదు లక్షణాలను గమనించినట్లయితే వెంటనే వైద్యుడిని సంప్రదించండి.
చెడు కొలెస్ట్రాల్ శరీరంలో పేరుకుపోవడం ప్రారంభించినప్పుడు, సగం లేదా మొత్తం తల నొప్పి ప్రారంభమవుతుంది. ఇది తీవ్రంగా ఉంటు8ంది.. అధిక కొలెస్ట్రాల్ ఉన్న రోగులు ఈ లక్షణాలను ఎప్పటికీ విస్మరించకూడదు.. ఎందుకంటే ఈ లక్షణాల కారణంగా తరువాత స్ట్రోక్ భయం ఉంటుంది.
అధిక కొలెస్ట్రాల్ ఉన్న రోగులలో కొన్ని నిర్దిష్ట ఛాతీ లక్షణాలు కనిపిస్తాయి. మీరు దీన్ని అనుకోకుండా విస్మరిస్తే మీకు చాలా ప్రాణాంతకంగా మారుతుంది. మీరు ఛాతీ నొప్పి లేదా ఒత్తిడి వంటి ఏవైనా లక్షణాలను అనుభవిస్తే వెంటనే వైద్యుడిని సంప్రదించండి.
శరీరంలో చెడు కొలెస్ట్రాల్ పేరుకుపోవడం ప్రారంభించినప్పుడు, మీ కళ్ళ క్రింద తెల్లటి మచ్చలు కనిపిస్తాయి. ఈ సందర్భంలో, మీరు వీలైనంత త్వరగా వైద్యుడిని సంప్రదించాలి.
శరీరంలో కొలెస్ట్రాల్ ఎక్కువగా ఉంటే, శ్వాస తీసుకోవడంలో ఇబ్బంది ఉంటుంది.. ఊపిరి ఆడకపోవడం లేదా శ్వాస తీసుకోవడంలో ఇతర రకాల ఇబ్బందులు అధిక కొలెస్ట్రాల్ లక్షణం కావచ్చు. ఇది కాకుండా, ఇది అనేక ఇతర తీవ్రమైన వ్యాధుల లక్షణంగా కూడా ఉంటుంది.
అకస్మాత్తుగా అలసట లేదా బలహీనంగా అనిపించడం, మైకము, కాళ్లు గుంజడం, నొప్పి, గోర్లు పసుపు రంగులోకి మారడం, పాదాలు చల్లగా ఉండటం కూడా అధిక కొలెస్ట్రాల్ కు సంకేతం.. అంతేకాకుండా తీవ్రమైన అనారోగ్యానికి సంకేతం కూడా కావొచ్చు.. శరీరంలో ఇలాంటి లక్షణాలు కనిపిస్తే వెంటనే వైద్యులను సంప్రదించండి.. (నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరిగింది. ఏవైనా సందేహాలు ఉంటే ఆరోగ్య నిపుణులను సంప్రదించండి.)