రోజూ గుడ్లు తింటే ఆరోగ్యానికి చాలా మంచిదని ఆరోగ్య నిపుణులు చెబుతుంటారు. అయితే రోజుకొక్క గుడ్డు తింటే ఎలాంటి ఇబ్బంది ఉండదు. కానీ చాలా మంది ఇష్టమని ఒకటికి మించి గుడ్లు తింటుంటారు. ఇలా తినడం వల్ల ఎన్ని అనర్ధాలు జరుగుతాయో తెలుసా?
గుడ్లలో విటమిన్లు, ఖనిజాలు, ప్రోటీన్లు, కొవ్వులు, యాంటీఆక్సిడెంట్లు తగినంత మొత్తంలో ఉంటాయి. అందుకే గుడ్లు పోషకాల నిల్వ అని అంటారు. ఆరోగ్యవంతమైన వ్యక్తులు ఎవరైనా రోజుకు 1-2 గుడ్లు తినవచ్చు.
గుడ్లు తినేటప్పుడు కొన్ని నియమాలు పాటించాలి. ఒక గుడ్డులో దాదాపు 6 గ్రాముల ప్రొటీన్ ఉంటుంది. అంతేకాకుండా ఆరోగ్యానికి మేలు చేసే కాల్షియం, మెగ్నీషియం, ఫాస్పరస్, పొటాషియం, ఫోలేట్, థయామిన్ వంటి అనేక పోషకాలు కూడా ఉంటాయి. ఏ వయస్సులోనైనా ఆరోగ్యవంతమైన వ్యక్తి ప్రతిరోజూ ఒక గుడ్డు తినవచ్చు. అయితే గుడ్లు ఒకటికి మించి ఎక్కువగా తీసుకోవడం ఆరోగ్యానికి అంత మంచిది కాదు. ఆమ్లెట్ తయారు చేసుకుని తినడం కంటే ఉడికించిన గుడ్లు తినడం మంచిది.
వారానికి 5-6 గుడ్ల కంటే ఎక్కువ తినకపోవడమే మంచిది. లేదంటే గుండె జబ్బుల ప్రమాదాన్ని పెంచుతుంది. కొలెస్ట్రాల్ కూడా పెరగవచ్చు. రోజుకు 2-3 గుడ్లు తినే వారు గుడ్డులోని పచ్చసొనకు దూరంగా ఉండాలి. గుడ్డు పచ్చసొన ఎక్కువగా తినడం వల్ల శరీరంలో చెడు కొలెస్ట్రాల్ స్థాయి పెరుగుతుంది. ఇక్కడ నుండి గుండె జబ్బులు వచ్చే ప్రమాదం ఏర్పడుతుంది.
ఇప్పటికే కొలెస్ట్రాల్తో బాధపడుతున్నట్లయితే, గుడ్లు తీసుకునే ముందు వైద్యుడిని సంప్రదించడం మంచిది. గుడ్డు అలెర్జీ ఉంటే, గుడ్లు తినమని ఎవరినీ బలవంతం చేయకూడదు. లేదంటే శారీరక సమస్యలు పెరగవచ్చు. క్రమం తప్పకుండా వ్యాయామం చేసే వారు ఒకటి కంటే ఎక్కువ గుడ్లు తినవచ్చు. పచ్చసొన తినకపోవడమే మంచిది. ఇది శరీరంలో ప్రోటీన్ లోపాన్ని భర్తీ చేస్తుంది. అలాగే కండరాలు, కళ్లు, జుట్టు, చర్మం కూడా బాగుంటుంది.