Hair Combing Tips: జుట్టును దువ్వేటప్పుడు ఈ తప్పులు చేయకండి.. హెయిర్ ఫాల్ ఖాయం!
జుట్టును దువ్వేటప్పుడు ఎప్పుడైనా సరే చాలా జాగ్రత్తగా దువ్వాలి. చాలా మంది కంగారుగా, హడావిడిగా, ఎలా పడితే అలా దువ్వుతారు. దీని కారణంగా జుట్టు రాలిపోవడం ఖాయం. అంతే కాకుండా జుట్టు పెరుగుదల కూడా నిలిచిపోతుంది..
మగవారికైనా, ఆడవారికైనా జుట్టు అంటే చాలా ఇష్టం. బట్టతల ఉండటం ఎవరికీ ఇష్టం ఉండదు. అయితే కొన్ని జన్యుపరమైన కారణాల వల్ల కొందరికి బట్ట తల, జుట్టు రాలడం జరుగుతుంది. మరి కొంతమంది చేసే స్వీయ తప్పుల కారణంగా కూడా జుట్టు రాలిపోతూ ఉంటుంది.
జుట్టు పొడుగ్గా పెరగాలని చాలా మంది అనుకుంటారు. అందు కోసం ఖరీదైన షాంపూ, ఆయిల్స్ వాడితే సరిపోదు. ఆరోగ్యకరమైన ఆహారం కూడా తీసుకోవాలి. సరైన ఫుడ్ తీసుకుంటే జుట్టుకు పోషణ అంది.. బలంగా తయారవుతుంది.
అదే విధంగా చాలా మంది జుట్టును దువ్వే క్రమంలో కూడా చాలా రకాల తప్పులు చేస్తూ ఉంటారు. ఈ తప్పుల కారణంగా కూడా జుట్టు రాలడం, జుట్టు పెరుగుదల నిలిచిపోవడం జరుగుతుంది.
జుట్టును ఎప్పుడైనా సరే ఎక్కువగా దువ్వకూడదు. దీని వల్ల తల మాడుపై ఒత్తిడి పడి రాలిపోతుంది. కాబట్టి రోజుకు రెండు సార్లకు మించి దువ్వకూడదు. అదే విధంగా తడి జుట్టును కూడా ఎక్కువగా దువ్వకూడదు. జుట్టు తడిగా ఉన్నప్పుడు దువ్వితే రాలిపోతుంది.
మీరు తలను దువ్వే దువ్వెన కూడా సరిగ్గా ఉండేలా చూసుకోండి. దువ్వెన పల్లు సన్నగా కాకుండా కాస్త లావుగా ఉండే వాటిని ఎంచుకుంటే.. జుట్టు రాలడం తగ్గుతుంది. అదే విధంగా జుట్టును ఎప్పుడూ పై నుంచి కిందకు దువ్వాలి. హెయిర్‌ని రెండు భాగాలుగా చేసుకుని దువ్వితే జుట్టు రాలదు.