18 బంతుల్లో అర్థ సెంచరీ.. ఒక ఓవర్లో 5 ఫోర్లు, ఓ సిక్స్‌.. తుఫాన్ బ్యాటింగ్‌తో దడదడలాడించిన 20 ఏళ్ల బ్యాట్స్‌మెన్
ఈ 20 ఏళ్ల పెషావర్ జల్మీ బ్యాట్స్‌మెన్ ఇదే సీజన్‌లో తన PSL అరంగేట్రం చేశాడు. ఆడుతోన్న మూడవ మ్యాచ్‌లోనే తుఫాను ఇన్నింగ్స్‌తో రికార్డ్ బుక్‌లో తన పేరును లిఖించుకున్నాడు.
పాకిస్థాన్ సూపర్ లీగ్‌లో కొత్తగా వర్ధమాన ఆటగాళ్లు కూడా తమ సత్తా చాటుతున్నారు. పాకిస్థాన్ అండర్-19 క్రికెట్ జట్టులో స్టార్లలో ప్రస్తుతం 20 ఏళ్ల కొత్త బ్యాట్స్‌మెన్ కూడా చేరాడు. పెషావర్ జల్మీ ఓపెనర్ మహ్మద్ హారిస్ ఫిబ్రవరి 17, గురువారం ఇస్లామాబాద్ యునైటెడ్‌పై తుఫాను హాఫ్ సెంచరీని సాధించడం ద్వారా అనేక దిగ్గజాలను సమం చేశాడు. (ఫోటో: Twitter/PSL)
లాహోర్‌లో మొదట బ్యాటింగ్ చేసిన హారిస్ పెషావర్ జట్టుకు పవర్‌ప్లేలో అద్భుతమైన ఆరంభాన్ని అందించాడు. కేవలం 18 బంతుల్లో హాఫ్ సెంచరీ చేశాడు. పీఎస్ఎల్ చరిత్రలో ఇది సంయుక్తంగా రెండో ఫాస్టెస్ట్ ఫిఫ్టీ. కేవలం 17 బంతుల్లోనే ఈ ఫీట్‌ చేసిన కమ్రాన్‌ అక్మల్‌ పేరిట టోర్నీలో ఫాస్టెస్ట్ ఫిఫ్టీ రికార్డు ఉంది. (ఫోటో: Twitter/PSL)
హరీస్ తన ఇన్నింగ్స్‌లో ఫోర్లు, సిక్సర్ల వర్షం కురిపించాడు. అదే ఓవర్లో 4 ఫోర్లు, ఒక సిక్సర్‌తో 22 పరుగులు చేశాడు. హారిస్ ఈ ఆరంభం సాయంతో పెషావర్ కేవలం 6 ఓవర్లలో ఒక వికెట్‌ నష్టానికి 74 పరుగులు చేసింది. అతను 32 బంతుల్లో 70 పరుగులు చేసి ఔటయ్యాడు. ఇందులో 12 బంతుల్లో 7 ఫోర్లు, 5 సిక్సర్లతో 58 పరుగులు వచ్చాయి. (ఫోటో: ట్విట్టర్/మొహమ్మద్ హరీస్)
ఈ యువ బ్యాట్స్‌మెన్ ఈ సీజన్‌లో తన PSL అరంగేట్రం చేశాడు. పెషావర్ కోసం పవర్‌ప్లేలో నిలకడగా పరుగులు చేస్తున్నాడు. అతని ఇన్నింగ్స్‌లో, పవర్‌ప్లే సమయంలో కేవలం 23 బంతుల్లో 57 పరుగులు వచ్చాయి. పెషావర్‌తో అతనికి ఇది మూడో మ్యాచ్ మాత్రమే. (ఫోటో: Twitter/PSL)