World Cup 2023: దేశవాళీలో నో ఛాన్స్.. కట్‌చేస్తే.. ఓమన్ దేశానికి టేకాఫ్.. తొలి సెంచరీతో దుమ్మురేపిన భారత ప్లేయర్..
Ayaan Khan Century: జింబాబ్వేలో జరుగుతున్న వన్డే ప్రపంచకప్ క్వాలిఫయర్ టోర్నమెంట్‌లో ఒమన్ బ్యాట్స్‌మెన్ అయాన్ ఖాన్ అద్భుతమైన సెంచరీతో సత్తా చాటాడు. అయాన్ ఖాన్ నెదర్లాండ్స్‌తో జరిగిన మ్యాచ్‌లో 105 పరుగులతో అజేయమైన ఇన్నింగ్స్ ఆడాడు.
జింబాబ్వేలో జరుగుతున్న వన్డే ప్రపంచకప్ క్వాలిఫయర్ టోర్నమెంట్‌లో ఒమన్ బ్యాట్స్‌మెన్ అయాన్ ఖాన్ అద్భుతమైన సెంచరీతో సత్తా చాటాడు. అయాన్ ఖాన్ నెదర్లాండ్స్‌తో జరిగిన మ్యాచ్‌లో 105 పరుగులతో అజేయమైన ఇన్నింగ్స్ ఆడాడు.
అయాన్ ఖాన్ కేవలం 92 బంతుల్లో 105 పరుగుల ఇన్నింగ్స్ ఆడాడు. కానీ, తన జట్టును 74 పరుగుల ఓటమి నుంచి కాపాడలేకపోయాడు. వన్డే క్రికెట్‌లో 30 ఏళ్ల అయాన్‌కి ఇదే తొలి సెంచరీ కావడం గమనార్హం.
ఒమన్ తరపున క్రికెట్ ఆడటానికి ముందు అయాన్ మధ్యప్రదేశ్ క్రికెట్ జట్టులో సభ్యుడిగా ఉన్నాడు. ఆయన 1992లో భోపాల్‌లో జన్మించాడు. అతను సయ్యద్ ముస్తాక్ అలీ టీ20 ట్రోఫీలో మధ్యప్రదేశ్ తరపున కూడా ఆడాడు. అక్కడ వెంకటేష్ అయ్యర్ కూడా అతనితో ప్లేయింగ్ XIలో భాగమయ్యాడు.
ది న్యూ ఇండియన్ ఎక్స్‌ప్రెస్‌లోని ఒక నివేదిక ప్రకారం, అయాన్‌కు MP జట్టులో ఎక్కువ అవకాశాలు రాలేదు. దీంతో అతను 2018 లో ఒమన్‌కి వెళ్లాడు. ఇక్కడ మూడు సంవత్సరాల తర్వాత అతను ఒమన్ తరపున అంతర్జాతీయ క్రికెట్ ఆడటానికి అర్హత పొందాడు. 2021లో అరంగేట్రం చేశాడు.
అయాన్ దిగ్గజ భారత ఒలింపిక్ క్రీడాకారుడు అస్లాం షేర్ ఖాన్ బంధువు. 1975లో హాకీ ప్రపంచకప్ గెలిచిన భారత జట్టులో అస్లాం సభ్యుడు. ఇది మాత్రమే కాదు, అస్లాం తండ్రి అహ్మద్ షేర్ ఖాన్ 1936 ఒలింపిక్స్‌లో భారతదేశానికి హాకీ స్వర్ణం సాధించాడు.