Mohammed Shami: వన్డే ప్రపంచకప్‌లో షమీ సంచలనం.. జహీర్, శ్రీనాథ్ రికార్డ్ బ్రేక్.. తొలి బౌలర్‌గా..
ICC World Cup 2023: టీమిండియా తరపున మహ్మద్ షమీ 5 వికెట్లు, మహ్మద్ సిరాజ్ 3 వికెట్లు, జస్ప్రీత్ బుమ్రా 1 వికెట్ తీశారు. స్పిన్నర్ రవీంద్ర జడేజాకు ఒక వికెట్ దక్కింది. ఈ ప్రపంచకప్‌లో భారత్ వరుసగా 7వ మ్యాచ్‌లో విజయం సాధించి సెమీఫైనల్‌లో మొదటి స్థానాన్ని ఖాయం చేసుకుంది. 7 మ్యాచ్‌ల్లో 14 పాయింట్లు సాధించి పాయింట్ల పట్టికలో అగ్రస్థానంలో ఉంది.
ముంబైలో 2023 ప్రపంచకప్ మ్యాచ్‌లో భారత్ వర్సెస్ శ్రీలంక మ్యాచ్ సందర్భంగా మహమ్మద్ షమీ వన్డే ప్రపంచకప్ చరిత్రలో అత్యధిక వికెట్లు తీసిన భారత బౌలర్‌గా నిలిచాడు.
శ్రీలంకపై ఐదు వికెట్లు తీసిన షమీ వన్డే ప్రపంచకప్‌లలో 45 వికెట్లతో జహీర్ ఖాన్, జవగల్ శ్రీనాథ్‌ల కంటే అగ్రస్థానంలో నిలిచాడు. భారత్ తరపున ప్రపంచకప్‌లో జహీర్, శ్రీనాథ్ 44 వికెట్లు తీశారు.
ODI ప్రపంచ కప్ చరిత్రలో అత్యధిక వికెట్లు తీసిన టాప్ 10లో షమీ కూడా ప్రవేశించాడు. గ్లెన్ మెక్‌గ్రాత్ 71 పరుగులతో అగ్రస్థానంలో ఉన్నాడు.
ప్రస్తుత అంతర్జాతీయ క్రికెటర్లలో, మిచెల్ స్టార్క్, ట్రెంట్ బౌల్ట్ మాత్రమే వరుసగా 56, 49 వికెట్లతో జాబితాలో షమీ కంటే ముందున్నారు.
నవంబర్ 2న ముంబైలోని వాంఖడే స్టేడియంలో శ్రీలంకతో జరిగిన ప్రపంచకప్‌లో షమీ తన మూడవ ప్రపంచకప్ ఐదు వికెట్లు సాధించాడు.
ODI ప్రపంచకప్‌లలో అత్యధికంగా ఐదు వికెట్లు సాధించిన ఆటగాడిగా షమీ ఇప్పుడు స్టార్క్‌తో సమానంగా ఉన్నాడు.