Year Ender 2024: ఈ ఏడాది పెళ్లి చేసుకున్న సెలబ్రెటీస్ వీళ్లే.. 2024 వీరికి చాలా స్పెషల్..
ఈ ఏడాది 2024లో ఇండస్ట్రీలో ఎక్కువగానే పెళ్లిళ్లు జరిగాయి. టాలీవుడ్, బాలీవుడ్, కోలీవుడ్ చిత్రపరిశ్రమలలో చాలా మంది స్టార్స్ వివాహ బంధంలోకి అడుగుపెట్టారు. ఈ ఏడాది పెళ్లి చేసుకున్న సెలబ్రెటీల వివరాలు ఏంటో తెలుసుకుందామా.
టాలీవుడ్ స్టార్ హీరోయిన్ రకుల్ ప్రీత్ సింగ్ తన ప్రియుడు బాలీవుడ్ నిర్మాత జాకీ భగ్నానీతో ఏడడుగులు వేసింది. వీరిద్దరు ఈ ఏడాది ఫిబ్రవరిలో వివాహం చేసుకున్నారు.
టాలీవుడ్ క్రేజీ హీరోయిన్ తాప్సీ సైతం ఈ ఏడాది పెళ్లి చేసుకున్నారు. తన ప్రియుడు డెన్మార్క్ మాజీ బ్యాడ్మింటన్ ప్లేయర్ మథియాస్ బోయ్ ను మార్చిలో వివాహం చేసుకున్నారు.
సౌత్ స్టార్ హీరో సిద్ధార్థ్, హీరోయిన్ అదితిరావు హైదరి వివాహం ఈ ఏడాది సెప్టెంబర్ లో జరిగింది. వరంగల్ దగ్గర్లోని రంగనాయక ఆలయంలో సింపుల్ గా జరిగింది.
యంగ్ హీరో కిరణ్ అబ్బవరం హీరోయిన్ రహస్య గోరఖ్ ఈ ఏడాది ఆగస్టులో వివాహం చేసుకున్నారు. మొదటి సినిమాతో ఏర్పడిన వీరి పరిచయం ఆ తర్వాత ప్రేమగా మారింది.
టాలీవుడ్ సింగర్స్ రమ్య బెహరా, సింగర్ అనురాగ్ కులకర్ణి ఇటీవల వివాహ బంధంలోకి అడుగుపెట్టారు. నవంబర్ లో వీరిద్దరి పెళ్లి సింపుల్ గా జరిగింది.
టాలీవుడ్ నటుడు సుబ్బరాజు ఎట్టకేలకు వివాహా బంధంలోకి అడుగుపెట్టారు. 47 ఏళ్ల వయసులో నవంబర్ లో స్రవంతి అనే అమ్మాయిని పెళ్లి చేసుకున్నాడు.
నటుడు శరత్ కుమార్ కూతురు వరలక్ష్మి శరత్ కుమార్ ముంబైకి చెందిన ఆర్ట్ గ్యాలరీ నిర్వాహకుడు నికోలాయ్ సచ్ దేవ్ ను ఈ ఏడాది జూలైలో పెళ్లి చేసుకున్నారు.
తెలుగు హీరోయిన్ మేఘ ఆకాశ్ సైతం ఈ ఏడాది వివాహ బంధంలోకి అడుగుపెట్టింది. తమిళనాడులోని ఓ రాజకీయ ఫ్యామిలీకి చెందిన విష్ణు అనే వ్యక్తిని సెప్టెంబర్ లో పెళ్లి చేసుకుంది.
అక్కినేని హీరో నాగచైతన్య, హీరోయిన్ శోభిత ధూళిపాళ్ల వివాహం అంగరంగ వైభవంగా జరిగింది. డిసెంబర్ 4న వీరిద్దరి పెళ్లివేడుక జరిగిన సంగతి తెలిసిందే.
టాలీవుడ్ మహానటి కీర్తి సురేశ్ సైతం పెళ్లి చేసుకుంది. తన స్నేహితుడు ఆంటోనిని ఈ నెల 12న గోవాలో పెళ్లి చేసుకుంది. వీరిద్దరు కాలేజీ డేస్ నుంచి స్నేహితులు.
మ్యూజిక్ డైరెక్టర్ కీరవాణి తనయుడు హీరో శ్రీసింహ వివాహం మురళిమోహన్ మనవరాలు రాగతో జరిగింది.
కలర్ ఫోటో డైరెక్టర్ సందీప్ రాజ్ నటి చాందిని రావు వివాహం ఇటీవలే జరిగింది. వీరిద్దరు కొన్నాళ్లుగా ప్రేమలో ఉన్నారు.
డైరెక్టర్ క్రిష్ జాగర్లమూడి రెండో వివాహం ఈ ఏడాది చేసుకున్నారు. నవంబర్ లో డాక్టర్ ప్రీతీ చల్లాతో ఏడడుగులు వేశారు.
టాలీవుడ్ ఇండస్ట్రీలో అప్పడు హీరో. ఇప్పుడు బుల్లితెరపై సూపర్ హీరో సాయి కిరణ్. ఇటీవలే తన తోటి నటి స్రవంతిని పెళ్లి చేసుకున్నారు.